xbox or PS4

[M.ABDOU]

نسخ الالعاب اللي بتشتغل pc غير نسخ الالعاب اللي بتشتغل كونسولز ps4 or xbox وكده بتختلف في الجرافيك وحاجات تانية والله اعلم

معتقدش ان ده بيحصل

اللعبه هيا هيا كل الحكايه انها بتنزل بالكراك على اللاب توب

[mosboss]

البلاى ستيشن الجديد تقريبا فوق ال 3000

ممكن اجيب لاب توب والالعاب اللى بتنزل حصريا بتكرك يا باشا وبتنزل على الجهاز

صعب جدا تشتري laptop ب 4000 او 3000 و يديك اداء ال ps4 فعشان كده الناس بتشتري ال ps4 لكن لو عندك جهار كويس فخلاص مش مهم تجيب ps4 اما بنسبة للالعاب الحصرية علي ps4 فحضرتك ازاي هتشغلها علي الlaptop اصلا مفيش emulators لل ps4 علي الكمبيوتر !!!

[Ahmed_Adham]

البلاى ستيشن الجديد تقريبا فوق ال 3000

ممكن اجيب لاب توب والالعاب اللى بتنزل حصريا بتكرك يا باشا وبتنزل على الجهاز

ال ps4 ب 5000 جنيه ومفيش لابتوب ب 5000 جنيه هيشغل ألعاب 2014 اللي حركتها سريعه أو على الاقل هتكون بطيئه ولو عايز تاخد نفس أداء ال ps4 في لابتوب انت بتتكلم في 20 ألف جنيه حاجه Alienware وعلى 2016 أو 2017 كده مش هيقوملك الالعاب انما مفيش ارخص من انك تشتري كونصول للالعاب حتى ps4 مطلعين عليه اسم cheap gaming laptop لأنك ب 500 دولار (سعر امريكا) بتشغل الالعاب اللي بتحتاج لابتوب ب 2000-3000 دولار.

أنا عندي ps3 من 2008 ولحد النهارده شغال بيه يعني خلال 6 سنين الالعاب الجديده اللي لسه شاريها في 2013 شغاله كويسه جدا كل ما فيها انها بتاخد وقت زياده شويه على ما تبدأ عن الالعاب القديمه بتاع 2010 مثلا انما خلال اللعبه نفسها ولا فيه تهنيج ولا بطء في الصوره خصوصا في العاب الشوتينج وصعب تلاقي الاستمراريه دي في اللابتوبات.

وعلى حد علمي مفيش emulator لل ps3 يعني اللعبه اللي بتنزل ps3 بس مش هتعرف تلعبها على الكمبيوتر لكن اللي بتبقى متكركه دي بتبقى اساسا لعبه pc ده غير ان لو لعبه منسوخه اشتغلت فرضا على ps3 أو 4 مش هتعرف تدخل بيها اونلاين. ده حتى اللعبه الاصليه بتاخد بيها كود واحد يدخلك اونلاين من جهاز واحد بس.

[mido_soliman]

معتقدش ان ده بيحصل

اللعبه هيا هيا كل الحكايه انها بتنزل بالكراك على اللاب توب

فى حاجة اسمها العاب حصريه للمنصتين سواء اكس بوكس او سونى
وسونى تحديدا حصرياتها مستحيل تنزل للpc لانها مش مبرمجه للوندوز من الاساس
ال pc العابه محدودة جدا وبتقل بسبب التهكير او التكريك اللى تقصدة وبالتالى اكبر شركات الالعاب مبقتش مهتمه بال pc علشان مبيجيبش فلوس والعابهم بتتسرق
الكونسول (ps او xbox ) هما اساس الالعاب
وعلشان تجيب pc يقدر يجارى الكونسول وخصوصا الجيل الجديد ( ps4 . Xbox one ) محتاج pc ميقلش عن 7 الاف جنيه علشان تجارى الكونسول فى قوته لكن مش حتقدر بردة تلعب حصرياتهم :)
صناعه الالعاب دى صناعه كبيره جداااا حاليا واقتصاد لا يستهان به
مثال صغير
لعبه زى gta v اخر اصدار حقق مبيعات خياليه تجاوزت المليارات
وانتاج اللعبه ودة المهم يعتبر تالت اكبر انتاج سينيمائى فى التاريخ بعد تايتانيك وحاجة تانيه مش فاكرها
واللعبه لحد دلوقتى منزلتش pc وان كان فى شكوك انها ممكن تنزل وممكن لاء لسه مش اكيد