سؤال الى المواطن صدام ؟!

[mk3]

سؤال الى الاستاذ المواطن صدام
حضرتك كنت طالع من نفق الهرم متجه الى الهرم بعربيه قديمة معدلة ؟ النهارده السبت قرب الساعة 9 مساء ؟؟
لو اكدتلى الخبر هتدينى امارة وبعدين نحكى ونقول للناس شفت ايه ......ده بعد اذنك طبعا

[amr011111]

متابع

[Khaled Seif]

سؤال الى الاستاذ المواطن صدام
حضرتك كنت طالع من نفق الهرم متجه الى الهرم بعربيه قديمة معدلة ؟ النهارده السبت قرب الساعة 9 مساء ؟؟
لو اكدتلى الخبر هتدينى امارة وبعدين نحكى ونقول للناس شفت ايه ......ده بعد اذنك طبعا

بسم الله والحمد لله والصلاة والسلام على رسول الله

صديقي المواطن الأستاذ / صـدَّام مسافر من يوم الخميس في رحلة عمل قد تستمر خمسة أيام ,

أسأل الله أن يعود منها سالماً بإذن الله

اعتقد أنه ليس هو من رأيته حضرتك , إلا أن تكون حصلت ظروف بقدر الله ومنعت السفر

[#MAAM#]

متابع معاكم يارجالة

[ahmedteam]

ربنا يرجعلنا صديقنا المواطن بالسلامه

ودمتم للنضال و من نصر الى نصر

[matrix_it]

بعتله رسالة و لسة مردش عليا ! ربنا يرجعه بالسلامة والله بفكر اسافر القاهرة مخصوص اقابله

[saddam]

صديقي المواطن
شكرا لسؤالكم عني وأنا عدت من السفر ثم قعدت يوم في الحرفيين وزيارات أخرى عمل وعائلية ثم نمت ساعتين وطلعت بورسعيد أدور قطع غيار ورجعت وطلعت 3 مشاوير للحرفيين يعني 300 كيلو لغاية ما كرهت نفسي وإنفجر عندي اﻹطار اﻷمامي اﻷيمن مرتين في عربيتي رقم 7 والمرة الثانية مكانش فيه إستبن فمشيت عالجنط مدة ساعة من أعلى دائري المعادي حتى الهرم تاته تاته بالراحة لغاية موصلت البيت ولسه عندي مشاوير كملتها مشي وجري ولسه راجع إستحميت وفطرت أيوه فطرت والصبح رايح الوكالة آخد أخ مواطن صديق عشان أستلم ورق ورخصة وأسلم فلوس آخر عربية من العربيات المنضمة لمجوعتي الصغيرة المتواضعة وهي أقدمهم إطلاقا إن تمت البيعة وإن تمت حطلع بالونش على طول لعالم الشد والتعديل مش حجيبها تحت البيت كام شهر زي مبعمل مع كل عربية جديدة بشتريها
ونظرا ﻷني كنت أبعد عن مكان ووقت الذي رأى فيه صاحب الموضوع هذه العربية المعدلة بمسافة 350 كيلو فقولا واحدا لست أنا ونسأل الله الثبات
فيه عربية لسه قدامها شهرين أو تلاتة تطلع من عالم الشد وهي كلاسك وفيه عربية المقلوبة حتخلص برضو والنهارده كنت مع معدل الفوانيس بنصنع فوانيس لعربية موديل 65 وحتطلع قنبلة ذرية وليس فوانيس عادية والراجل شغال بضمير لما عرف وضعي في نايل موتورز فعايز يطلعلي شغل إستثنائي عشان أعمل ليه دعايه وبصراحه وصلنا مرحلة دلوأتي حنصنع فانوس بطول كبوت العربية بعد ما صنعنا فانوس خلفي كامل مش موجود في السوق لعربية مخبوطة فيه وطلع أفخم من الأصلي وغير شكل العربية فدعواتكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[eng.octooo]

أ صدام ممكن تحكيلنا عن عربياتك وانواعها انا دايما ملاحظ انك بترقمهم مش بتقول اسمائهم او موديلاتهم ؟ انا مهتم جداا انى اعرف انواعهم

[mk3]

صديقي المواطن
شكرا لسؤالكم عني وأنا عدت من السفر ثم قعدت يوم في الحرفيين وزيارات أخرى عمل وعائلية ثم نمت ساعتين وطلعت بورسعيد أدور قطع غيار ورجعت وطلعت 3 مشاوير للحرفيين يعني 300 كيلو لغاية ما كرهت نفسي وإنفجر عندي اﻹطار اﻷمامي اﻷيمن مرتين في عربيتي رقم 7 والمرة الثانية مكانش فيه إستبن فمشيت عالجنط مدة ساعة من أعلى دائري المعادي حتى الهرم تاته تاته بالراحة لغاية موصلت البيت ولسه عندي مشاوير كملتها مشي وجري ولسه راجع إستحميت وفطرت أيوه فطرت والصبح رايح الوكالة آخد أخ مواطن صديق عشان أستلم ورق ورخصة وأسلم فلوس آخر عربية من العربيات المنضمة لمجوعتي الصغيرة المتواضعة وهي أقدمهم إطلاقا إن تمت البيعة وإن تمت حطلع بالونش على طول لعالم الشد والتعديل مش حجيبها تحت البيت كام شهر زي مبعمل مع كل عربية جديدة بشتريها
ونظرا ﻷني كنت أبعد عن مكان ووقت الذي رأى فيه صاحب الموضوع هذه العربية المعدلة بمسافة 350 كيلو فقولا واحدا لست أنا ونسأل الله الثبات
فيه عربية لسه قدامها شهرين أو تلاتة تطلع من عالم الشد وهي كلاسك وفيه عربية المقلوبة حتخلص برضو والنهارده كنت مع معدل الفوانيس بنصنع فوانيس لعربية موديل 65 وحتطلع قنبلة ذرية وليس فوانيس عادية والراجل شغال بضمير لما عرف وضعي في نايل موتورز فعايز يطلعلي شغل إستثنائي عشان أعمل ليه دعايه وبصراحه وصلنا مرحلة دلوأتي حنصنع فانوس بطول كبوت العربية بعد ما صنعنا فانوس خلفي كامل مش موجود في السوق لعربية مخبوطة فيه وطلع أفخم من الأصلي وغير شكل العربية فدعواتكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

حمد لله على السلامه
وان كان نفسى تطلع انت لان صوت الكلاكس جابلى صداع. ههههههههههه
سؤال تانى بخصوص الكاوتش اللى بيفرقع انا كنت قريت لك انك بتتعمد توصل بالكاوتش للمرحله دى لغايه ما يجيب اخره. مش بتخاف وانت سايق وكنت ماشى بسرعه كام وبتتحكم فى العربيه ازاى

[dedi]

فعلا استاذ صدام كلنا متشوقين لمعرفة انواع سياراتك و تعديلاتها

[saddam]

حمد لله على السلامه
وان كان نفسى تطلع انت لان صوت الكلاكس جابلى صداع. ههههههههههه
سؤال تانى بخصوص الكاوتش اللى بيفرقع انا كنت قريت لك انك بتتعمد توصل بالكاوتش للمرحله دى لغايه ما يجيب اخره. مش بتخاف وانت سايق وكنت ماشى بسرعه كام وبتتحكم فى العربيه ازاى

صديقي المواطن
قولا واحدا البارحة كان عندي 9 مواعيد ألغيت 4 منها وأنجزت 5 مواعيد بسبب إنفجار إطار أمامي أيمن على الدائري في عربيتي رقم 7 ثم عقبال متفتح صليبتين إتعوجوا ثم قضيت 3 مشاوير وبعدين إنفجر الكاوتش اللي لسه مركبه ونظرا ﻷنه مفيش إستبن وعندي معاد لسه ومتأخر عليه وصاحبه كان حينام فمشيت عالجنط لغاية الييت حوالي 15 كيلو بالراحة أوي عشان بخاف عالجنط رغم إنه جنط العربية الفبريكة الفاشل حجم 14 الصغير بتاع هيا نلعب يا أطفال وركنت العربية وكملت المشوار جري على رجلي والعربية مركونة تحت البيت وتحس الكاوتش طالع من عبوة مفخخة وأنا ليه بعمل كده
أنا الجنوط عندي كلها ساقطة من نظري مادامت أقل من 18 والجنط المفضل هو 22 ودول بالكاوتش بتوصل 20 ألف الطقم وأكثر وأنا كل شوية بشتري عربية ومعظمها 13 و 14 و 15 وأنا حالف أغير كل جنوط عربياتي بجنوط غالية وأحجام كبيرة عشان كده بحط كل الكاوتشات المستعملة تحت كل عربياتي لخدمة العربية اللي أنا راكبها ثم السائق المتمكن ميهمهوش كاوتش ينفجر ﻷني أظن في حياتي في عالم السيارات مفجر أكثر من 150 كاوتش فتعودت وأكبر حادثتين هي في عربيتين وحده بسرعة 180 إنفجر ولفت ووحده بعربيى تانية بسرعة 250 وإنفجر ولفت وربك ستر وعدت وسيطرنا عليها ومرة إتضرب بآلي على واحد من الكاوتشات وبرضو بتعدي وأحيانا بطلع من البيت وعارف إن الكاوتش حيشيع قبل ميوصل المكان بس مش بزعل عشان أنا عاوز أقطع فرط الخزين اللي عندي ودي مرحلة مؤقتة من حياتي أنا مبزعلش فيها من أي حاجة وبعتبر نفسي فدائي لحين إكمال شد وتعديل سياراتي في العشر سنوات القادمة إن أمد الله في عمرنا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

فعلا استاذ صدام كلنا متشوقين لمعرفة انواع سياراتك و تعديلاتها

صديقي المواطن
أما التعديلات فهي 70% منها مكتوبة في أحد مواضيعي هنا في المنتدى عن خلاصة الخلاصة في عالم الشد والتعديل في مصر أما أنواع سيا اتي فلي تحفظات لوجود أناس تتصيد العثرات لذلك أنا أرى من اﻷفضل الحفاظ على بعض التعتيم على اﻷنواع وتعتيم كامل على الصور ولكن لو تتبعت مواضيعي ستجد بعض أنواع سياراتي حاليا لكن لا تقلق في مدار حياتي ركبت آلاف العربيات فمش مستغرب أي عربية حتطلع من هنا وحتى 2020
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mk3]

صديقي المواطن
قولا واحدا البارحة كان عندي 9 مواعيد ألغيت 4 منها وأنجزت 5 مواعيد بسبب إنفجار إطار أمامي أيمن على الدائري في عربيتي رقم 7 ثم عقبال متفتح صليبتين إتعوجوا ثم قضيت 3 مشاوير وبعدين إنفجر الكاوتش اللي لسه مركبه ونظرا ﻷنه مفيش إستبن وعندي معاد لسه ومتأخر عليه وصاحبه كان حينام فمشيت عالجنط لغاية الييت حوالي 15 كيلو بالراحة أوي عشان بخاف عالجنط رغم إنه جنط العربية الفبريكة الفاشل حجم 14 الصغير بتاع هيا نلعب يا أطفال وركنت العربية وكملت المشوار جري على رجلي والعربية مركونة تحت البيت وتحس الكاوتش طالع من عبوة مفخخة وأنا ليه بعمل كده
أنا الجنوط عندي كلها ساقطة من نظري مادامت أقل من 18 والجنط المفضل هو 22 ودول بالكاوتش بتوصل 20 ألف الطقم وأكثر وأنا كل شوية بشتري عربية ومعظمها 13 و 14 و 15 وأنا حالف أغير كل جنوط عربياتي بجنوط غالية وأحجام كبيرة عشان كده بحط كل الكاوتشات المستعملة تحت كل عربياتي لخدمة العربية اللي أنا راكبها ثم السائق المتمكن ميهمهوش كاوتش ينفجر ﻷني أظن في حياتي في عالم السيارات مفجر أكثر من 150 كاوتش فتعودت وأكبر حادثتين هي في عربيتين وحده بسرعة 180 إنفجر ولفت ووحده بعربيى تانية بسرعة 250 وإنفجر ولفت وربك ستر وعدت وسيطرنا عليها ومرة إتضرب بآلي على واحد من الكاوتشات وبرضو بتعدي وأحيانا بطلع من البيت وعارف إن الكاوتش حيشيع قبل ميوصل المكان بس مش بزعل عشان أنا عاوز أقطع فرط الخزين اللي عندي ودي مرحلة مؤقتة من حياتي أنا مبزعلش فيها من أي حاجة وبعتبر نفسي فدائي لحين إكمال شد وتعديل سياراتي في العشر سنوات القادمة إن أمد الله في عمرنا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ياريت حضرتك بعتلك على الخاص فى استشاره اسبرانزا ولو تحب ترد على العام الموضوع فى قسم اسبرانزا