واحد غلس وانا اغلس منه

[Karim_Monir]

مانا بعمل كدة يا حسام بس ساعات الاستفزاز بيبقي فوق طاقتك

[Powert]

الاخ حسام منير

أنا معاك في كل كلمها قولتها وكلامك صح 100% بس النوعية دي بتستفز الواحد جامد

وخصوصا اني بالقيها كتيير جدا في الطريق

الناس دى تعدى منها و تبصلها من فوق لتحت وتسيبها وتمشي

هو اصلا مش هيكون واخد بالة مني ولا شايف :shock: اي حد حوالية والحل الصحيح اني أعمل زي الاخ كريم
بس أكون واخد حرصي :!: وتاني حاجة يكون معايا عربية أحسن منة علشان لو جري ورايا اسبقة :mrgreen:

[Mo3taz Selim]

مش متاكد والله اني ممكن اعدي من النترا جديدة
لسه ماجربتش
انا طلعت منه غرز بس لكن طوالي ممكن نجرب يوم المقابلة بس لازم تكون مانيوال عشان نقدر نحكم

أخى كريم انا شامم ريحة تلميح لحاجه كده فى كلامك ده ... 8) 8)
و لا أيه ... :?: :?: :?:

[Karim_Monir]

يعني بقي يا ميزو
كل لبيب بالاشارة يفهمووووووووووو
مين لبيب ده

[hero]

باشمهندس كريم ...
للاسف فعلا اناس ايلي زي دول بقوا مليين الدنيا ....وايلي اغلس من كدة ...حكاية الركنات في الاماكن ايلي فيها محلات تجارية ...وايلي بتخلي كل صاحب محل يطلع يسمعك كام كلمة عن الرزق واكل العيش علشان هاتوقف عربيتك قدامة....ووصلت مرة لدرجة القتل ...والله مرة قريتها في حوادث وقضايا صاحب مطعم ضرب واحد بالنار علشان وقف عربيتة قدام مطعمة ومارضيش يشيلها !!!
عموما ...العالم ايلي ذي دي ....مالهاش غير انك ما تعبرهاش وتنطشها تماما ...هم طبعا مستفزين جدددددااا وممكن يخلوا اي انسان يطلع عن شعورة.....
بس بالنسبة للناس المحترمة وايلي وراها مسؤليات البيت والاسرة الاطفال ...صعب انها تخاطر بحياتها ولا مستقبلها مع اشكال زي دي...دول سيبهم لربنا يهديهم او ينتقم منهم ...

وزي ما ربنا بيقول في كتابة العزيز:

سورة الفرقان الآية 25
"وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا"

وفي سورة المؤمنون الآية 23
"وَالَّذِينَ هُمْ عَنِ اللَّغْوِ مُعْرِضُونَ"

وربنا يكفينا ويكفيك شر شياطين الانس....وشر كل جاهل..
وربنا يهديهم ...ويرحمنا

[amrrashed]

بص يا عم كريم ... الناس دى تعدى منها و تبصلها من فوق لتحت وتسيبها وتمشي

كلامك صح يا حسام الناس دى متساويش ان الواحد يبصلهم بأرف حتى لأن الموضوع ممكن يتطور تضربه ضربة جامدة تموته وتبقى ضيعت نفسك بلاش

[bassam nagy]

كويس جدا الية انت عملتة وهو يستاهل وفى من النوعيات دى كتيير وربنا يبعدنا عن الناس دى :|

[محمدايهاب]

أنا معاك 100% يا كريم و لو أنا كنت نزلت و اتخنقت هي السواقة خلاص باقت رفع ضغط
من يومين وقفت شارع حلوان ( جنب مترو محطة السيدة زينب ) علشان واحد ..... عمال يكلكس لي وأنا بعدي ست عجوزة بطريقة فيها قلة أدب و هو راجل كبير في السن علشان كده اتحملت و مضربتوش بس وقفت الطريق دقبقتين علشان أربيه

[sab3aawy]

والله انا لسة معدى بموقف زى ده مع حيوان من دول

واقف بنزل زوجتى عند شغلها وجه سواق حكومة حيوان مركب معاه موظف حيوان زيه واح راكن جنبى صف تانى علشان البيه الحيوان ينزل يجيب جرنان وللا حزمتين جرجير من البياعين اللى متكومين امام الهيئة الحكومية

زمرت للافندى يوسع موسعش، قعدت انادى عليه ، ياعم، يا سطى اطلع سنة لقدام علشان اخرج، راح مشوحلى بيده من جوة العربية، قعدت اصرخ واقوله يابا اطلع سنة لقدام عايز اخرج، لقيتة راح نازل من العربية الحقيرة اللى هو راكبها (مش حقيرة علشان نوعها المتواضع لكن حقير علشان المنظر الحكومى القذر المتهالك اللى كانت عليه) وجالى على العربية، رحت انا نازل بره العربية علشان احول بينه وبين انه يرزعلى بإيده على عربيتى اللى كانت كل ما يشغل بالى فى تلك اللحظة، المهم ان منظره فكرنى بالسواق بتاع "ماتقدرش" اللى كان فى مسرحية الهمجى، خلة سنان وفيها زتونة على رأى محمد صبحى وعنده ييجى ستين سنة وجه بكل بجاحة وغباء وتخلف الدنيا وشدنى من الname tag بتاع الشركة وهاتك يا شتيمة قذرة فى ابائى واجدادى، وانا خايف انى اخرج عن شعورى لانى لو نفخت فيه هايقع يموت واجيب لنفسى مصيبة، وهو عما يشتم هو والحيوان اللى معاه اللى رجع على الصوت وعمال يشتم من غير ما يشوف إيه اللى حصل اصلا، وانا مافيش على لسانى غير" يابا إعقل، انت مافيكش نفخة لإللى انت بتعمله ده، وهو ومافيش فايدة لحد ما ولاد الحلال سلكونا من بعض، ركبت عربيتى ومشيت وانا بتعجب مش بس على التخلف اللى يخلى واحد يعمل كدة لكن الغباء المطبق اللى يخلى واحد تخطى العمر الإفتراضى من 20 سنة فاتوا يستفز واحد لو اداله خبطه هايموته" بس حرق دمى، كان نفسى اسيب نفسى وانسى مسائل التحضر والأدب واقتلة وليذهب كل شئ بعد ذلك الى الحجيم، ولحد ديلوقتى كل ما بفتكر الموقف دة بتضايق انى مقتلتوش

[PAYOO]

كان نفسى اسيب نفسى وانسى مسائل التحضر والأدب واقتلة وليذهب كل شئ بعد ذلك الى الحجيم، ولحد ديلوقتى كل ما بفتكر الموقف دة بتضايق انى مقتلتوش

يا نهار أبيض تقتله ؟؟؟؟

شوف كده يمكن يكون هوه ده ؟ لو هوه قوللي وأنا أمسحهولك من على وش الهارد دسك بتاعي

[Karim_Monir]

شوفتوم بقي ان الاستفزاز بيبقي زيادة قوي
بس في حالات كتير وخاصة لما تكون معايا اسرتي بحاول اتجاهل واسوق بالراحة كمان

تصدق يا سبعاوي اني طلعلي نفسص الشخص ده وكان سايق ميكروباص وقفل الشارع كدة وبعد ما نزل وانا نازل با لافية اضربة لقيتة بالمنظر ده رميت ال لافية في شنطت العربية وقولتلة خسارة اني اعورك :lol:
وسيبتة ومشيت وانا دمي محروق برضة بس اللي ريحني شوية ان الناس كانت بتضحك علية جدا لانة كان خلة متمصمصة بزيتونة متاكلة 5 مرات
من السجاير والقرف اللي بيشربوة