بكام الفيزا للسعودية فى الوقت الحالى... نقاش

[buksh]

السلام عليكم ورحمة الله وبركاته
الموضوع مش شخصى ولا حاجة بس كنت عايز اعرف النظام دلوقتى فى السعودية بعد ما اتلغى نظام الفيزا الحرة ونظام توفيق الاوضاع
عايز اعرف :
متوسط ثمن الفيزا يعنى ما بين كام وكام
ايه العقبات اللى ممكن اقابلها هناك
ازاى اضمن حقوقى اللى مكتوبة فى العقد يعنى فى حالة لو الكفيل عمل معاية حركة نقص اروح لمين واشتكى ازاى
نظام نقل الكفالة و ده عايز اعرف عنه كل حاجة وهل بيبقى مكتوب فى العقد ان بعد انتهاء مدة العقد ممكن انقل كفالة ولا لا
******************
يعنى بأختصار شديد عايزين نعرف كل حاجة عن الموضوع السفر ده ده
وشكرا للجميع
والسلام عليكم ورحمة الله وبركاته

[hobiko]

اوعى موضوع انك تشترى فيزا ده .............. اوعى

الناس اللى فى السعودية اللى عاملة كده حالها يصعب على الكافر

يا تطلع نظامى و قانونى يا بلاش منه خالص

[MaZaGAngeE]

سمعت ان الفيزة ب15 الف مهن حرفية
مش عارف فيزة مهندس بكام بس انا سالت واحد قريبي هناك يشوفلي فيزة ... الاوضاع هنا كارثية نفسيا و ماديا ..
معرفش ازاي تضمن حقك هناك ... بس انت هنا اصلا بلا حقوق فاكيد هناك افضل بالمقارنة ...

[buksh]

ما انا عرف انى كده كده هطلع نظامى
بس عايزين نعرف الدنيا هناك ماشية ازاى
انا سافرت السعودية قبل كده سنة 2012 وكنت فى الدمام
بس حاليا بفكر ارجع تانى مجرد تفكير

[buksh]

ايه يا رجالة هو محدش فى المنتدى كله بره مصر
كله بيحب مصر ولا ايه
فين الناس اللى الغربة و مبهدلاها

[maryano]

بناء علي خبرة 8 اشهر متغربهام في السعوديه بلاش حكايه تشتري فيزا حتكون في موقف الضعيف و انتا بتدور علي شغل علاشان تلحق تلحق تنقل كفاله علاشان دلوقتي مينفعش تشتغل عند كفيل غير كفيلك
تاني حاجة لازم تسال علي الشركة اللي رايح ليها محترمين ولا بتوع مشاكل
تالت حاجه تتاكد ان الشركة بتسلم المراتب في معادة و مش بياخرو الرواتب بالتلت اشهر
رابعاا خد في اعتبراك ان المكاتب في مصر في صف السعودي عايز يضحك عليك و يسفرك و تتصرف انتا بقي علاشان كدة تقرا العقد كويس و تاخد رائي اللي سافرو قبل كدة و تخليه يختمو من وزارة العمل و بعدين توثقو من وزارة الخارجيه في مصر
خامسااا يكون فيه بند صريح ان يكون ليك بدل سكن في حاله ان سكن الشركة معجبكش علاشان في شركات مش محترمة بيقدوك 4 في اوضه و سكن مش نظيف و كدة
و يكون فيه في العقد يكون ليك بدل موصلات و يستحسن يكون انهم يوفرورك عربيه

[buksh]

روح الله يباركلك دنيا واخرة

[Anaslbda]

فكّر في اي بلد تاني, الامارات مثلاً, بلاش السعودية :(

[reda elgohary]

أنا كنت من يومين ف مقابلة سفر للسعودية ف شركة مقاولات ، بصراحة التعامل الان غبى جدا ، يعنى هو المرتب كدة وإن كان عاجبك ،، اللهم أنتقم ممن فعل هذا بالمصريين .

[reda elgohary]

لو لم أكن مصريا لأرحت نفسيا .

[buksh]

الامارات حلو وكل حاجة وبلد نضيفة جدا جدا
بس اسمع ان المعيشة غالية جدا اوى

[buksh]

طب الكويت ايه نظامها
اسمع انها احسن من السعودية فى موضوع الكفيل وكده

[أبو صلاح]

السلام عليكم ورحمة الله وبركاته
الموضوع مش شخصى ولا حاجة بس كنت عايز اعرف النظام دلوقتى فى السعودية بعد ما اتلغى نظام الفيزا الحرة ونظام توفيق الاوضاع
عايز اعرف :
متوسط ثمن الفيزا يعنى ما بين كام وكام
الفيز حاليا تمنها انخفض بشكل ملحوظ بسب المشاكل اللي حصلت في السعودية في الفترة الاخيرة وعلى العموم هي على حسب نوع الفيزا يعني عامل منزلي وسواق غير عامل عادي غير محاسب واختصاصي تسويق لا كل فيزا ليها عيوبها ومشاكلها
ايه العقبات اللى ممكن اقابلها هناك
عقبات انك تيجي بتأشيرة حرة واتمسكت بتشتغل عند غير كفيلك ترحيل فوري ومنع من الدخول وغرامة على اللي باعلك التأشيرة تصل ل 100 ألف ريال . ممكن تيجي على تأشيرة حرة في حالة اتفاقك مع شركة فعلا انها تنقلك على كفالتها وقبل ماتيجي من مصر تكون الشركة دي باعتالك عقد موثق غرفة تجارية
ازاى اضمن حقوقى اللى مكتوبة فى العقد يعنى فى حالة لو الكفيل عمل معاية حركة نقص اروح لمين واشتكى ازاى
[color="rgb(65, 105, 225)"]عايز الحق ولا ابن عمه . لو الحق في حل من اتنين يا اما تخبط راسك في الحيط او تصبر على مواويل مكتب العمل هنا وحبالها الطويلة لغاية لما تاخد حقك وتحتمل المشاكل اللي ممكن يعملها كفيلك معاك لكن الحق يقال ان في بعض القوانين في الفترة الاخيرة في صالح الموظف منها لو اثبت انك مقبضتش 3 شهور متواصل تنقل كفالة فورا بدون موافقة الكفيل او لو انتهت اقامتك ولم يجددها الكفيل او لو كان نطاقه احمر (يعني مش متبع سياسة السعودة)[/color]
نظام نقل الكفالة و ده عايز اعرف عنه كل حاجة وهل بيبقى مكتوب فى العقد ان بعد انتهاء مدة العقد ممكن انقل كفالة ولا لا
[color="rgb(65, 105, 225)"]لا طبعا مفيش حد بيتكتب ده في اي عقد ولا في كفيل هيوافقك على كده ابدا[/color]
******************
يعنى بأختصار شديد عايزين نعرف كل حاجة عن الموضوع السفر ده ده
وشكرا للجميع
والسلام عليكم ورحمة الله وبركاته
[color="rgb(65, 105, 225)"]
باختصار حاول تسال عن الشركة كويس وتوثق عقودك وتيجي بطريقة شرعية سليمة

[/color]

[أبو صلاح]

آسف حاولت اعدل اللون للازرق ومعرفتش

[أبو صلاح]

أنا كنت من يومين ف مقابلة سفر للسعودية ف شركة مقاولات ، بصراحة التعامل الان غبى جدا ، يعنى هو المرتب كدة وإن كان عاجبك ،، اللهم أنتقم ممن فعل هذا بالمصريين .

خد بالك شركات المقاولات في السعودية من اكتر الشركات المقرفة في موضوع الرواتب وعدم التزامها بالعقود
ومعروف عنها تأخير الرواتب لفترات طوبله لانه مبيكونش معاه سيولة الا بعد لما يعمل مستخلص او يقبض من عميله ويخلص مشروعه
حتى شركة بن لادن بقت رواتبها قليلة جدا وطبعا تعتبر الافضل في التزامها بالعقود