الموبايلات المقلدة

[SERGIOOO90]

السلام عليكم
انا عايز إستشارة من حد مجرب او حد يعرف حد مجرب و بدون إنحياز لو سمحتوا
في الموبايلات الكوبي و الهاي كوبي و هل فعلا الفرق يكمن في سرعة البروسيسور و الكاميرا فقط وللا إيه و أشكركم جدا

[أحمد كمال]

خطر على صحتك و مفيش جودة في اي حاجة

[احمد المصرى]

فى الاعلانات التلفزيونيه لوميا 820 مثلا ب 400 جنيه وهو سعره 2700 اساسا دا مش هاى كوبى يا باشا دا بس شكل على الفاضى ولا كاميرا ولا جوده ولا اى حاجه ذى بعض مجرد شكل وتليفون صينى معفن

[horeen]

خلى بالك الموبيل اللى بيتعمل بيه الإعلان بيكون الأصلى
اما اللى بتشتريه بيقى حالته وحشه جدا سواء الخامه او الجوده أو السوفت
بلاش منهم خالص

[#MAAM#]

ابعد عنهم خالص ياصديقي ووفر فلوسك واشتري حاجة نضيفة تعيش معاك ...... هتدفع كتير في الاول بس على المدى الطويل هتبقى اوفر من الصيني

[exelence]

معدل الاشعاعات فى هذه الموبايلات بيبقى غير معلوم تماما" لكن اى موبايل معروف ادخل اعمل بحث عنه و اكتب جنبه sar هيديك المعدل لانه لازم ما يعديش قيمة معينه اعتقد 1.6 واط لكل كيلو جرام إنما الصينى إنسى.

[J A G U A R]

الكوبى والهاى كوبى حاجات مضروبه ومتتقارنش بالاصلى فى اى حاجه

[jackson_75]

طب أزاى الواحد يعرف الكوبى من الهاى كوبى ، يعنى هل فيه موقع على النت الواحد ممكن يدخل عن طريقه السريال نمبر ويتاكد أذا كان من أنتاج الشركة او لاه ، وهل منتج الشركة الاصلى بيبدء برقم أو علامة مميزة صعب تقليدها من الشركات المقلدة وممكن عن طريقها يتعرف حالة التليفون أصلى او مضروب

[abokoko]

فى شركات بتكون اسعارها اقل شوية لكن احسن من الكوبي المجهول
زى هواووى كشركة صينيه بس معروفه
والكاتيل و ال جى ممكن هتلاقى موديلات كويسه وباسعار معقولة
لان الشركات الكبري زى سامسونج وسونى وايفون وبلاك بيري بيبعوا تمن مضاف خاص باسم الشركة + ثمن المنتج


على فكرة لو مسكت جهاز من الكوبي فى ايدك ومسكت الاصلى هتغير رايك ومش هتشتري ابدا الكوبي

[SERGIOOO90]

أشكركم جدا
بس بجد الموبايلات الكوبي بتبقى شبه الأصلية بالحرررررف

[Ahmed_Adham]

ولا موبايل ولا بارفان ولا نضاره تجيبها كوبي عشان دي حاجات تمس الصحه. ساعه ولا كوتشي ولا ملابس اقولك ماشي تاخد المنظر وتوفر.

[bmya]

الحاجات اللي بتيجي على القنوات المجهوله زي شنبو وتاكسي السهره دول اجهزه مضروبه مش كوبي والاعلان اصلا بيجيبوا للقطات من اعلانات للتليفون الاصلي اما في الحقيقه ملوش اي علاقه بالاعلان
لكن في فعلا اجهزه نازله كوبي للسامسونج بالذات فعلا كوبي اوي وفيها كتير من الاصلي بس د ي بتكون غاليه شويه