Tweet
المشاركة الأصلية كتبت بواسطة mohamed_hamid
مشاهدة المشاركة
التدخين فعلا وباء مش عارفين نخلص منه ومن اثاره ونادرا وقلما لما تلاقى محترم من المدخنين بيراعى انه ميشربش قدام حد ووسط الناس وللاسف المدخنين بقوا حوالى 60% من المجتمع ما بين اطفال وشباب وكبار وحتى فتيات ونساء وربنا ينتقم من الاعلام اللى حبب التدخين للشعب بصورة غير مباشرة ومبيطلعش اى واحد او واحدة ذوى مناصب وشأن فى افلامهم وتمثيلياتهم الا مدخن
للاسف انا عندى حرب السنين مع التدخين والمدخنين فى شغلى وشغال شكاوى شبه يوميه بالرغم من منع التدخين فى الشركة وحصولها على ايزو البيئة الا ان رئيس مجلس الادارة مدخن وبالتالى شيمة اهل ..... ال .......
تلاقى دخان فى الحمامات ودخان فى المكاتب والطرق بل وكونتر الامن يعنى دخولى من باب الشركة بداية الصراع والخناقات
ووصلت انى ببقى هرجع وانا ساجد فى الصلاة وواحد جنبى شاربله سيجاره قبل ما يقف بين ايدين ربنا ومره فعلا خرجت من الصلاة وغيرت المكان مقدرتش اكمل
والمصيبة انك تكون فى مستشفى تبارك للاطفال ونص اللى قاعدين اذا مكنوش كلهم جايين بازمات تنفس وحساسية صدر وتلاقى واحد ربنا يمنتقم منه مولع سيجارة ولما تكلمه يقولك ما انا قاعد جنب شباك كأن اتجاه الريح ثابت والشباك شغال شفاط وهيخرج كل القرف والدخان بتاعه
وتلاقى واحد فى ميكروباص مطلع ايده اه من الشاباك بس الهوا قالب الدخان كله جوه وطبعا مع كل زفير حدث ولا حرج
المواقف كثيرة والكره يزيد يوما بعد يوم والادمان لا يتوقف
ربنا يتوب على الجميع
Comment