تجارب شراء أعضاء نايل موتورز .. (مرجع شامل ومتجدد)

[RAPID]

هنخلي الموضوع ده مرجع أساسي لتجارب شراء المنتجات المختلفة، يعني لو حضرتك اشتريت أى منتج مهما كان (موبايل، لابتوب، ملابس، تلاجة، تلفزيون، نضارة، بارفان، ساعة، قلم، سجادة، شامبو، تكييف، كتاب، ماكينة حلاقة، ... إلخ) وأي شيء مهما كان نوعه أو سعره اكتب تجربتك معاه بالتفصيل

نوع السلعة وصورة ليها لو امكن
سعرها
مكان الشراء
المميزات والعيوب
تقييم السلعة من 10 نقاط

وياريت لو في أي سؤال أو استفسار معين لصاحب تجربة شراء يكون عالخاص عشان الموضوع ميتوهش منا، يعني مشاركة جديدة = تجربة شراء جديدة، وإن شاء الله الموضوع ده يكون مرجع حقيقي وممتع في عالم الشراء

[RAPID]

هبدأ بنفسي

السلعة: موبايل أندرويد LG Optimus L4 II Dual E445
مواصفات الموبايل على gsmarena
LG Optimus L4 II Dual E445 - Full phone specifications

السعر: 880 جنيه
اشتريته من راديو محمد طلعت 36 شارع عبد العزيز
الموبايل Made in Korea بضمان دلتا

المميزات: الموبايل جاي بنسخة اندرويد 4.1.2 وشاشة 3.8 انش وفلاش قوي مع كاميرا ذات أداء جيد جدا وسعة بطارية عالية 1700 mAh و 2 شريحة وتاتش حساس جدا والموبايل سلس مفهوش أي تهنيج ما شاء الله وأهم شيء السعر الرخيص مقابل إمكانيات عالية واسم مش واخد حقه تماما في عالم الموبايلات بسبب قلة الدعاية واتجاه القوى الشرائية نحو ماركات بعينها

تقفيل الموبايل والمواد المستخدمة قوية والموبايل شكله شيك ومحترم مش أي كلام، والأهم مشفتش حد اشتكى منه سواء على أرض الواقع أو في المنتديات بغض النظر عن مستوى التوكيل

العيوب: اكسسوارته مش منتشرة واللي عنده منها بيستهبل ويزود في السعر، بالاضافة انه مفهوش كاميرا امامية

أرخص سعر هو 880 جنيه في راديو طلعت بعد مقارنته بأماكن تانية وصل فيها سعر الموبايل في القاهرة إلى 1100 جنيه، وبيجي في العلبة الموبايل والضمان وسماعة وشاحن USB ودليل الاستخدام، واكسسواراته متاحة في شارع العطار، اشتريت سكرينة بـ 30 جنيه من محل هناك اسمه الأمير وكان عنده جراب ضهر بـ 30 جنيه برضه وبصراحة الموبايل رهيب كسعر مقابل إمكانيات

التقييم: 10/10 بدون أدنى مبالغة

[ghostmido]

موضوع جميل ومتهيالى كان فى موضوع شبهه من فترة.
لو حد يعرف يجيبه من الارشيف ....

[RAPID]

موضوع جميل ومتهيالى كان فى موضوع شبهه من فترة.
لو حد يعرف يجيبه من الارشيف ....

بصراحة مشفتش الموضوع الاول
بس ممكن نعتبر ده امتداد او جزء تاني ليه :)

[drmsadek1979]

موضوع ممتاز ومفيد

[fepsceasar]

نوع السلعة وصورة ليها لو امكن : سليم اند فيت
سعرها : 70 جنيه
مكان الشراء : موقع جوميا
المميزات والعيوب: زبالة وبيتقطع ومالوش اى لازمة واتصلت بيهم يبدلوه ما رضوش وقاله ده عيب مسخدم
تقييم السلعة من 10 نقاط: 1/10

[mohaakotb]

اسف علي التأخير ... اشتركت في صفحتك والف شكر علي الاهتمام

دلوقتي انا سمعت ان في عشش بتتأجر ب 60 ج في اليوم فهل ده صحيح ؟ واصلا انا بتعامل مع مين عشان الصورة مش واضحة قدامي

[mohaakotb]

سوري بوست غلط :)