تحذير ..... نزلة المريوطية

[abd_el_7amid]

السلام عليكم
تعرض جارى لحادث سرقة .... الاحداث:
كان راجع الساعة 12:30 بعد منتصف الليل.. و عند نزلة المريوطية الكاوتش فرقع و نزل يغيير الفردةز
المهم كان فيه 2 على موتو سيكل و قالوا له اى خدمة يا شيخ ( ملتحى على خفيف كدا) قالهم شكرا يا رجالة
المهم شوية و هوا خلاص خلص ..جت عربية النترا بارقام تجارية وو قفت جنبه و نزل منها شابان ضخمين شوية.. ونفس الكلام اى خدمة ياشيخ.. قالهم شكرا يا رجالة انا خلصت..قام واحد مسكه و حطه جوة العربية و طلعوا طبنجتين ( جارى كان معاه زوجته و 3 اطفال فى العربية ) وطبعا شافوا المنظر دا وصباح الصويت والعياط.. المهم طلبوا منهم كل اللى معاهم.. اداهم كل حاجة وطلب بس الموبايل عشان الشغل .. ردوا عليه قالوا له احمد ربنا انت لو مش معاك العيال كنا اخدنا منك العربية.


الحمد لله كلهم بخير.. و الحمد لله تمت باقل الاضرار .. وربنا يحفظكوا ويحميكوا

[Eng_hatemfathy]

ياااااه الناس مبقاش عندها رحمة :-)
يعنى سابوا العربية علشان خاطر العيال واستخسروا يسيبوا الموبيل علشان خاطر الشغل
اخص على كده
دى برضه اخلاق !!!!-فين الحرامية بتوع زمان
يلا كانت ايام جميلة

اللى يعيش يا ما يشوف
طب فعلا لو واحد العجلة نامت منه ومعاه عياله يعمل ايه يفضل ماشى ؟؟؟
انا واحد من الناس بقالى اكتر من سنتين معايا منفاخ وفى الشارك الله يرحمها عمرى مغيرت فرده بنفسى على طول بنفخها وبمشى لحد البنزينة وهناك اصلح الخرم وده اسهل واسرع وفى ظل الزمن الاسود باهله اكثر امانا على الاقل ابقى واقف وشايف حواليا
ولا صحيح يعنى هعمل ايه لو وقف عربيتين ولا عربية جنبى ونزل منها ناس مسلحين اخرى هدافع عن مالى لحد ما رصاصة تخرج وشكرا

نسأل الله العفو والعافية

[amr011111]

الحمد لله ربنا سترها

[Abo Yasso]

لا اله الا الله

[Ahmed_Ramadan]

الحق يقال حرامية جدعان ...الواحد كان بدأ يفقد الأمل فى جدعنة الحرامية من كتر ما المهنة لمت

[saddam]

صديقي المواطن
إحنه إنتهينه خلاص
لكن أقسم برب الكعبة اﻷسبوع الماضي شفت العجايب ومش مصدق إن دي مصر
رحت لبلد ومش حقول إسمها في مصر رميت بضاعة في الأرض بمليون جنيه وبقالها 6 شهور منقصش منها حاجة بتعريفة والناس هناك أصحاب محلات قطع الغيار بيسيبوا قطع الغيار في الشارع ويقفلوا وبتوع السوبر ماركتات سايبين كراتين الشيبسي والمياه والبيبسي في الشارع وهم قافلين وصاحبي بيروح وبييجي عنده عربية غرز بيكب في مشكلة في قفلة البيبان بيسيبها مفتحة في المزرعة أسبوع وأسبوع يركبها ومفيش عمال في المزرعة عشان يحرسوها مبقتش مصدق عيني والبلد مش أغنيا وأي حد تشوفه يقابلك يقوللك مش تقلق من موضوع السرقة نهائي هنا مفيش حاجة بتروح
قلتلهم في سري تعالوا شوفوا القاهرة لو تعرف تحفر وتخبي عربيتك تحت اﻷرض فأحفر عشان العربية وهي متغطية مش بتسلم من الفشلة والحاقدين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[kar!m]

صديقي المواطن
إحنه إنتهينه خلاص
لكن أقسم برب الكعبة اﻷسبوع الماضي شفت العجايب ومش مصدق إن دي مصر
رحت لبلد ومش حقول إسمها في مصر رميت بضاعة في الأرض بمليون جنيه وبقالها 6 شهور منقصش منها حاجة بتعريفة والناس هناك أصحاب محلات قطع الغيار بيسيبوا قطع الغيار في الشارع ويقفلوا وبتوع السوبر ماركتات سايبين كراتين الشيبسي والمياه والبيبسي في الشارع وهم قافلين وصاحبي بيروح وبييجي عنده عربية غرز بيكب في مشكلة في قفلة البيبان بيسيبها مفتحة في المزرعة أسبوع وأسبوع يركبها ومفيش عمال في المزرعة عشان يحرسوها مبقتش مصدق عيني والبلد مش أغنيا وأي حد تشوفه يقابلك يقوللك مش تقلق من موضوع السرقة نهائي هنا مفيش حاجة بتروح
قلتلهم في سري تعالوا شوفوا القاهرة لو تعرف تحفر وتخبي عربيتك تحت اﻷرض فأحفر عشان العربية وهي متغطية مش بتسلم من الفشلة والحاقدين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

يوتوبيا دي ولا ايه؟

[mohamed_selim]

طاب متقولنا يا عم صدام نروح نعيش هناك و تكسب فينا ثواب :)

[أبو آسر]

صديقي المواطن
إحنه إنتهينه خلاص
لكن أقسم برب الكعبة اﻷسبوع الماضي شفت العجايب ومش مصدق إن دي مصر
رحت لبلد ومش حقول إسمها في مصر رميت بضاعة في الأرض بمليون جنيه وبقالها 6 شهور منقصش منها حاجة بتعريفة والناس هناك أصحاب محلات قطع الغيار بيسيبوا قطع الغيار في الشارع ويقفلوا وبتوع السوبر ماركتات سايبين كراتين الشيبسي والمياه والبيبسي في الشارع وهم قافلين وصاحبي بيروح وبييجي عنده عربية غرز بيكب في مشكلة في قفلة البيبان بيسيبها مفتحة في المزرعة أسبوع وأسبوع يركبها ومفيش عمال في المزرعة عشان يحرسوها مبقتش مصدق عيني والبلد مش أغنيا وأي حد تشوفه يقابلك يقوللك مش تقلق من موضوع السرقة نهائي هنا مفيش حاجة بتروح
قلتلهم في سري تعالوا شوفوا القاهرة لو تعرف تحفر وتخبي عربيتك تحت اﻷرض فأحفر عشان العربية وهي متغطية مش بتسلم من الفشلة والحاقدين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ده شيء طبيعي على فكرة بالنسبة لكثير من الأقاليم خاصة الأرياف لأن أهالي البلاد دول بيبقوا عارفين بعض لكن القاهرة ليها وضع خاص لأن أغلب اللي ساكنين فيها مش من أهلها ومحدش يعرف حد وعلى فكرة الناس اللي بتسرق هنا في القاهرة وبتنصب لما بيرجعوا بلدهم بيبقوا قمة في الاحترام والالتزام والأدب ! وهو ده الشعب المصري

[طارق _عبد السلام]

لطفك بعبادك يارب الحمد لله انهم سابوا له العربيه فعلا وفى داهيه اللى راح كفايه فزع الاسره

يا اخى اللى عنده عربيه وماشى بيها تحس انه هو اللى بيوصلها مش هى اللى بتوصله واول مايركنها تحت بيته يقول الحمد لله انى وصلتها للبيت بالسلامه :::

[طارق _عبد السلام]

ده شيء طبيعي على فكرة بالنسبة لكثير من الأقاليم خاصة الأرياف لأن أهالي البلاد دول بيبقوا عارفين بعض لكن القاهرة ليها وضع خاص لأن أغلب اللي ساكنين فيها مش من أهلها ومحدش يعرف حد وعلى فكرة الناس اللي بتسرق هنا في القاهرة وبتنصب لما بيرجعوا بلدهم بيبقوا قمة في الاحترام والالتزام والأدب ! وهو ده الشعب المصري

من يوم دخول التوك توك مصر فى الارياف بصراحه بيكتفوا بكل ماهو خارج العربيه
يعنى تدخل اى بلد لاى مناسبه وعربيتك غريبه هترجع بعربيتك بس من غير العلامات والمرايات والمساحات واى حاجه زايده عن العربيه حصلت معايا اكتر من مره وفى اكثر من قريه

[mahmoud_ali]

لا حول ولا قوة الا بالله

[محمود السيد]

يعنى تدخل اى بلد لاى مناسبه وعربيتك غريبه هترجع بعربيتك بس من غير العلامات والمرايات والمساحات واى حاجه زايده عن العربيه حصلت معايا اكتر من مره وفى اكثر من قريه
يراجل ابقى اعمل حساب للناس الى نفسها فى حبت كماليات نقصاه ابقى خده معاك والناس لبعضيه بردو

[mk3]

حرامى شهم بيفكرنى بحرامى سرق عربيه قريبى كان بيترجاه يسامحه فى التليفون اما عرف انه تعبان

[J A G U A R]

لا حول ولا قوه الا بالله