شقه في 6 اكتوبر

[grumby78]

اولا السلام عليكم
انا من المعجبين جدا ب 6 اكتوبر - انا من اسكندريه - بحس انها مثال للي كان المفروض تكون عليه مصر اجمالا . المطلوب ياريت حد يدلني على مشروع سكني راقي يكون فيه شقق سعرها معقول نسبيا . مش مطلوب انها تكون كبيره لان انا عندي شقتي الاساسيه في الاسكندريه . اسكندريه بقت فيها الاسعار عاليه جدا بدون مبرر و6 اكتوبر على ماسمعت في كومباوندز بتحقق معادلة السعر والرقي . شاكر جدا مقدما لكل من ارهق نفسه بالرد .

[shiko85]

طيب انت عايز شقه استلام فورى ؟؟ و لا ممكن تستنى سنه او اكتر علشان تستلم ؟؟؟
هتدفع كاش ولا قسط ؟؟
بس عموما فيه ( الشمس - طيبه - الريهام - فاميلى لاند ) فيه مشاريع اتسلمت و فيه مشاريع فيها مراحل خلصت و شغالين فالمراحل التانيه

[A.Saad]

اكتوبر الاسعار فيها متفاوتة
لو كمبوند بيكون من 400 تقريبا فاعلى
ممكن تلاقى اسعار اقل شوية فى حدائق اكتوبر

[grumby78]

طيب انت عايز شقه استلام فورى ؟؟ و لا ممكن تستنى سنه او اكتر علشان تستلم ؟؟؟
هتدفع كاش ولا قسط ؟؟
بس عموما فيه ( الشمس - طيبه - الريهام - فاميلى لاند ) فيه مشاريع اتسلمت و فيه مشاريع فيها مراحل خلصت و شغالين فالمراحل التانيه

يافندم لو تسليم فوري يكون احسن .. حراجع المشاريع اللي حضرتك ذكرتهم .. شكرا لردك الكريم

[grumby78]

اكتوبر الاسعار فيها متفاوتة
لو كمبوند بيكون من 400 تقريبا فاعلى
ممكن تلاقى اسعار اقل شوية فى حدائق اكتوبر

التفاوت ده يافندم سببه ايه ؟ يعني اماكن ارقى من اماكن ولا قرب من مراكز تجاريه ؟ على العموم انا من محبي الهدوء جدا والخصوصيه في المعيشه يعني الناس متبقاش ملزقه في بعضها . ال 400000 دي لمساحه كام متر ؟ شاكر رد حضرتك

[shiko85]

لو تسليم فوري يبقي هتدفع كاش او هتشتري من حد استلم و ممكن تدفع جزء و تكمل باقى الاقساط مع الشركه

[shiko85]

الريهام فيها شقه 145 متر للبيع تدفع 270 الف وتقسط الباقى على سنتين او سنتين و نص تقريبا لو ده مناسب ممكن تيجى تشوفها و تقرر تقريبا المتر ب 2700

[shiko85]

الريهام فيها شقه 145 متر للبيع تدفع 270 الف وتقسط الباقى على سنتين او سنتين و نص تقريبا لو ده مناسب ممكن تيجى تشوفها و تقرر تقريبا المتر ب 2700

[mohamedrabia]

فيه دجله بالمز شقة 63 متر كاش 100 الف متشطبه وكومبوند لو قسط بيزيد شركة محترمة وبتنفذ وخدماتها معروفه انديه وادي دجله

[grumby78]

الريهام فيها شقه 145 متر للبيع تدفع 270 الف وتقسط الباقى على سنتين او سنتين و نص تقريبا لو ده مناسب ممكن تيجى تشوفها و تقرر تقريبا المتر ب 2700

الريهام دي يافندم مكانها فين في اكتوبر ؟ يعني منطقه مواصفاتها ايه ؟ شاكر ليك

[grumby78]

فيه دجله بالمز شقة 63 متر كاش 100 الف متشطبه وكومبوند لو قسط بيزيد شركة محترمة وبتنفذ وخدماتها معروفه انديه وادي دجله

عارف دجله يافندم من الاعلانات بس مش عارف مكانها فين ؟ يعني مواصفات المنطقه . بس حاسس انه من السعر والمساحات الموضوع حيقلب على شعبي صح ؟

[shiko85]

الريهام فمنطقة التوسعات الشاميه خلف الحي الثامن بعد نادي الصيد بكام 3 او 4 كيلو متر تقريبا
هي ميني كومبوند

[shiko85]

التوسعات الشماليه

[shiko85]

علي فكره انا كنت حاجز فدجله جاردنز و عملت فسخ تعاقد و من خلال تجربتي معاهم انا لا انصح بالتعامل معاهم، فيه موضوع هنا عن دجله هتلاقي الاعضاء بيتكلموا عن مميزات و عيوب المشروع

[A.Saad]

الريهام مساحة صافية محترمة
لان مش فيها جراج
موقعها كويس
التوسعات الشمالية ليها مستقبل
عيبها ان تشطيب المدخل والسلم مش حلو
هى تبع الصعيد العامة للمقاولات
وليهم مشروع تانى فى اول التوسعات الشمالية عند الحى السابع قبل شركة الشمس