ابواب خشب صينى للغرف ( جودة و فينش عالى ) - ايه رايكم ؟

[mmtronic]

يا جماعه محتاج رايكم

انا بوضب شقيتى و حركب ابواب للغرف جديده

انا لفيت لقيت فى ابواب صينى كامله ( مدهونة و باكسسواراتها و مفصلتها و حلوقها - خشب موسكى ) جاهزه على التركيب - يعنى كل الى حعمله انى حختارها و حتتركب على طول - لا دهان و لا نجاريين و لا نقاشين و لا صنايعيه - هوة فنى التركيب بس من الشركه

تمن الباب كامل بمشتملاتة و حلقه مدهون 1250 جنيه شامل التركيب

مجرد حدفع تمن النقل بس فوق تمن الابواب

ايه رايكم - حد عندة اى تجربه سيئه مع الابواب دى ؟

و حد يعرف اماكن / معارض لبيعها لانى ملقتهاش غير عند واحد بس فى مصطفى النحاس

مستنى رايكم

[midoabdeen]

طيب ممكن صور ليها
ومتعرفش نوعيه الخشب لانه ممكن يبقى خشب اى كلام وملزوق عليه قشره ودمتم

واعتقد السعر غالى شويه لو هتفصل الباب كبيره 500-600ج
ومصنعيات تركيب ودهان و خامات لا تتعدى ال 400-500ج

[mmtronic]

طيب ممكن صور ليها
ومتعرفش نوعيه الخشب لانه ممكن يبقى خشب اى كلام وملزوق عليه قشره ودمتم

واعتقد السعر غالى شويه لو هتفصل الباب كبيره 500-600ج
ومصنعيات تركيب ودهان و خامات لا تتعدى ال 400-500ج

للاسف معديش ليها صور و حتى دورت على النترنت عليها مش لاقيها

بس هيه الفينش بتاعها عالى قوى و دة الى عجبنى و اكسسواراتها و مفصلتها شكلها نضيف و سالت مسؤل البيع على نوعيه الخشب فقالى موسكى

[midoabdeen]

للاسف معديش ليها صور و حتى دورت على النترنت عليها مش لاقيها

بس هيه الفينش بتاعها عالى قوى و دة الى عجبنى و اكسسواراتها و مفصلتها شكلها نضيف و سالت مسؤل البيع على نوعيه الخشب فقالى موسكى

طيب حاولت تحرك الباب تشوفه تقيل ومحمل ولا لا
وكمان كنت خبطت عليه لو خشب حبايبيى هتلاقى الصوت عالى شويه بس لو محمل هتلاقى الصوت مكتوم شويه
وعموما لو هتركبهم فى الاوض بس ماتقلقش ياعنى

[mmtronic]

طيب حاولت تحرك الباب تشوفه تقيل ومحمل ولا لا
وكمان كنت خبطت عليه لو خشب حبايبيى هتلاقى الصوت عالى شويه بس لو محمل هتلاقى الصوت مكتوم شويه
وعموما لو هتركبهم فى الاوض بس ماتقلقش ياعنى

انا متشكر ليك اهتمامك

هيه الابواب دى حركبها للغرف بس

كل القصه حبيت اعرف راى الاعضاء ربما يكون حد ليه تجربه سيئه و لا حاجه مع النوعيه دى خصوصا انى اول مرة اشوفها

[mr_vampire]

لو خفيفة ومش محملة هتبقي غالبا تبن مضغوط يااما ورق مضغوط ( ناتج عمليات تدوير القمامة ).

غير انها غالية لان انا عامل مقايسة لابواب الغرف الباب في حدود 1500 تفصيل كامل وخشب بيتش باين ( مستورد وتقيل ومحمل ).

راجع نجار افضل فالحوار بس يكون اميم عشان ميكرهكش فالابواب الصيني عشان يفتح لنفسه شغل ويقولك بنفس السعر اعملك حاجة انضف.

[AHMED12345678]

الابواب بصرحة غالية
وخشب مش مضمون ومش عارف جودته
زى الاخوة ما اشاروا حضرتك محتاج نجار امين علشان يفيدك
لان الابواب ممكن تطلع تبن او خشب اى كلام

[شريف]

دي بتبقي طبقة pvc علي طبقة mdf و بالتالي مبينفعش معاها اعادة الدهان

[kh_fawzy]

ان مكان بيبع ابواب اندونيسى حلوة جدا جبنها لاخويا وكانت تقيله لدرجه ان النجار ركب فيها الكالون بالعافيه وقال لاخويا دى احسن من المصفح وكانت تقريا فى حدود600 او 700 جنيه الكلام دة كان من 3 سنين فانا مش فاكر العنوان بالظبط بس ياعنى هاتدخل شارع بورسعيد من ناحيه العتبه وهما هتلاقيهم شمالك فى حوارى ضغيرة بعد حلوانى هناك مشهور مش فاكر اسمه بس هما قدام درب البرابرة بتاع النجف عالطول هاتلاقيى شارع ضيق طويل مليان ناس بتبيع الابواب بس هات الاندونسيى وهاتلاقيى سامسرة بيجروا يدخلوا معاك نفضلهم علشان هايضربلوك الاسعار الضعف وبيعدين يافصلوا

[mohamedbook]

وتفصيل الابواب الباب ب 1000ج مسكري وهو دوران ولو بتش او عزيزي تمنة 3000ج
والشباك ب 650
وبابا البلكونة متر 700

[Y a r i s]

باشا توكل على الله وصدقني لو حسبتها هيا هيا. كده كده النجارين المصرين. هتلاقيهم بيغشوا في الخشب ويقلك الزبون مش فاهم ... وكفاية تناكتهم وعطلتهم وعلى النهردة وبكرة وعدي علينا الاربع الي جي وخود منهم وعود ليوم الدين بصراحة. الصنيعي المصري مش فالح غير في الكلام. والنواح هتقلي طيب والكلام وفهمناها يعني كلمنجي بتاع كلام بس النواح يعني ايه. هقولك. يعني بعد ما البضاعه الصيني تغرق السوق ويوقف حالهم. يقعدوا كده ينوحوا على حالهم ويدعو على الصين فاختصر في وقتك وجهدك واعصابك وهات البضاعه الصيني. الجاهزة ولتذهب تناكة النجاريين. الى الجحيم . .. وتحياتي

[mmtronic]

باشا توكل على الله وصدقني لو حسبتها هيا هيا. كده كده النجارين المصرين. هتلاقيهم بيغشوا في الخشب ويقلك الزبون مش فاهم ... وكفاية تناكتهم وعطلتهم وعلى النهردة وبكرة وعدي علينا الاربع الي جي وخود منهم وعود ليوم الدين بصراحة. الصنيعي المصري مش فالح غير في الكلام. والنواح هتقلي طيب والكلام وفهمناها يعني كلمنجي بتاع كلام بس النواح يعني ايه. هقولك. يعني بعد ما البضاعه الصيني تغرق السوق ويوقف حالهم. يقعدوا كده ينوحوا على حالهم ويدعو على الصين فاختصر في وقتك وجهدك واعصابك وهات البضاعه الصيني. الجاهزة ولتذهب تناكة النجاريين. الى الجحيم . .. وتحياتي

و الله انت عندك حق انا بصيتلها من الزاويه دى انى عايز اشترى دماغى خصوصا فى بحر الصنايعيه الى انا فيه

انا حروح تانى اتاكد من الخامه بتاعه الابواب دى و لو تمام حتوكل على الله و فعلا فلتذهب الصنايعيه الى الجحيم كده كده دى ابواب غرف و انا حبص تانى على الحلق و القوايم

[mahmoudysf]

السعر ده يفصللك بابين خشب موسكي محترمين بالتركيب