لكل اللى شغالين فى الورق والاحبار

[rockana9112007]

اخوانى الاعزاء

كنت محتاج معلومات عن الورق الa4 انواعة وماركاتة اسعارة اية الاختلاف بين ماركة والتانية

مين اهم المستوردين وهل فى مكان لتجمعهم طيب ادور فين ؟؟؟وكذالك الاحبار

ياريت تفيدونى

وشكراااا جزيلاااا لكل من سيشارك :)


اخوكم احمد

[M.Yahia]

احمد باشا انا اقدر افيدك فى الورق بما انى بشتغل فيه و خصوصا الa4 فى انواع كتير بس بتفرق فى الجرام بتاع الورقة و اغلب الموجود فى مصر 60 و 70 و 80 جرام و الاسعار بتتراوح من 70 جنيه ل 120 جنيه للكرتونة حسب جرام الورق و فى انواع كتير طبعا فى كل جرام بتختلف فى جودة الورقة و النعومة و درجة البياض ..... لو احتجت اسعار بالتفصيل لانواع هاتلى اسم الانواع و اجبلك السعر بالتفصيل .

[new_man]

انضف ورق الزيروكس طبعا واغلاهم

[mk3]

احمد باشا انا اقدر افيدك فى الورق بما انى بشتغل فيه و خصوصا الa4 فى انواع كتير بس بتفرق فى الجرام بتاع الورقة و اغلب الموجود فى مصر 60 و 70 و 80 جرام و الاسعار بتتراوح من 70 جنيه ل 120 جنيه للكرتونة حسب جرام الورق و فى انواع كتير طبعا فى كل جرام بتختلف فى جودة الورقة و النعومة و درجة البياض ..... لو احتجت اسعار بالتفصيل لانواع هاتلى اسم الانواع و اجبلك السعر بالتفصيل .

ممكن توضحلى الكرتونه كام رزمه

[D . a .\ AYMAN]

الحاجات دي تنزل الفجالة تجيبها من هناك .. ومش من الشارع الرئيسي تلف شوية جوة هاتلاقي ناس بتبيع بسعر كويس جدا عن اللى برة كمان

واللى برة في الشارع الرئيسي حتى هايكون سعرهم أحسن من المحلات والمكتبات اللى في المولات

أحسن ورق بحب أجيبه من هناك حاجة اسمها ... Ik ... بحبه عشان أولا بيتعمل في أندونيسيا مش في البرازيل زي كل اللى في السوق .. والنوع ده مش بلاقيه غير في الفجالة

ومكتوب عليه إنه بيتم تصنيعه من مساحات هائلة من غابات بامبو يتم زراعتها مخصوص لتصنيع الورق ده .. يعني ما بيكونش سبب لقطع أشجار وما إلى ذلك

الميزة التانية إنه سعره كويس جدا عن اللى حواليه .. سعره بيعمل حوالي 90 جنيه تقريبا للكرتونة الـ 80 جرام ... الكرتونة فيها خمس رزم .. الرزمة فيها 500 ورقة

بياض الورق بتاعه ممتاز .. وبيستحمل الطباعة على الوجهين كويس جدا .. وساعات بحطه كذا مرة جوة البرنتر مرة طبعت على نفس الورقة ورا بعض خمس مرات على الناحيتين والورقة طالعة زي الفل

....

لو مالاقيتوش في نوع تاني اسمه azhar ميزته إنه بيتم تقطيعه هنا في مصر مكتوب عليه صنع في مصر .. بس ولا مرة جربته لغاية دلوقتي بس لما شوفته لاقيت بياض ورقته وخامتها كويسين ومشجع للتجربة

...

الزيروكس بقى والحاجات التانية اللى زي كدة أولا مصنوعة في البرازيل زيها زي غيرها .. وثانيا غالية على الفاضي عشان اسمها يعني الكرتونة بتعمل حوالي 120 - 130 جنيه تقريبا

[new_man]

الزيروكس سويدى يافندم مش برازيلى

[D . a .\ AYMAN]

الزيروكس سويدى يافندم مش برازيلى

اعتقد إن الكراتين بتاعتها لما شوفتها في الفجالة كان مكتوب عليها made in brazil

وإن كنت مش متأكد لو حضرتك بتأكد المعلومة

[rockana9112007]

شكراا جزيلا ياجماعة على التفاعل الجميل دة