اشترى الورق دة منين ؟

[mido_soliman]

العنوان غريب والطلب اغرب :) بس انا قلت اسأل يمكن حد يفيدنى لانى مش عارف اروح فين ولا اسأل عند مين كمان :d

باختصار عايز اغلف صينى وكاسات و اجهزه الكترونيه ضد الكسر والكلام دة لانى حنقلها من مكان لمكان

وملقتش انسب من البتاع البلاستيك اللى بيبقى مليان فقاعات وبنعد نفرقع فيه دة بعد ما نجيب اى جهاز كهربى او اى حاجة اكيد انتوا فهمتوا انا عايز اية خلاص :)

المهم بأه هل الورق البلاستيك دة او اسمه اية اصلا :) بيتباع باللرول مثلا ؟؟
واجيبه منين

جزاكم الله كل خير بصراحه :)

[A.Saad]

اول شارع الجيش قبل العتبة بشوية
موجود هناك

[saddam]

صديقي المواطن
كيلو الجرايد عند بتاع البوهية والموانين ب 2 جنيه ونص خدلك 10 كيلو وغلف براحتك وإعمل منه كور اللي بتسأل عليه ده قولا واحدا غالي وحيوقف بخسارة وأنا زمان لما كنا بنفتح صناديق النجف بنلاقيها مليانة ورق مقطع
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

[أبو آسر]

صديقي المواطن
كيلو الجرايد عند بتاع البوهية والموانين ب 2 جنيه ونص خدلك 10 كيلو وغلف براحتك وإعمل منه كور اللي بتسأل عليه ده قولا واحدا غالي وحيوقف بخسارة وأنا زمان لما كنا بنفتح صناديق النجف بنلاقيها مليانة ورق مقطع
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال

وكمان لو اللي هيتنقل عفش شقة ممكن تجيب الهدوم القديمة شوية والفوط وما شابه وتلفهم حوالين الصيني والكاسات علشان يمتصوا الصدمات مع تغليف كل قطعة من الصيني والكاسات بعدة صفحات من الجرايد زي ما أخونا صدام قال

[أبو صلاح]

اسمه ياباشا بابلز
هتلاقه في العتبة هتجيب الرول الكبير تقريبا ال 100 متر بحوالي 80-100 ج
هو عمل جدا بس محتاج معاه سلوتب قوي علشان تعرف تغلف كويس
كنا بنستخدمه في شركة الدعاية والاعلان اللي كنت شغال فيها كانوا بيغلفوا بيها اثاث وخشب ومواد دعاية بكل اشكالها وعملي جدا بس بيعتمد على على المهارة في التغليف واللزق

[besso]

احنا لما جينا ننقل من الشقه غلفنا كل الزجاج من كاسات لاطباق لنجف بالورق وفعلا مافيش حاجه اتكسرت الحمد لله حتي التلفيزيون حطيناه في كرتونه وحشيناه ورق

[Abo Yasso]

شارع الجيش
وكمان هناك فى كرتون مشرشر خفيف كده عشان تلف بيه الخشب عشان ميتجرحش من العربيه او الطلوع والنزول