ازاى اضمن حقى وانا بشترى شقه؟؟؟؟؟؟

[midoabdeen]

السلام عليكم ورحمة الله وبركاته

عايز اعرف ازاى اامن نفسى

لو هشترى شقه اعمل ايه علشان اضمن حقى
والالجراءات دى هتتكلف كام ومنين

وشكرا

[svneleven]

أنت تجيب الموضوع من أوله. يعني تشوف عقد الأرض و رخصة المباني بتوع العماره و تشوف صاحب العمارة مين. و تشوف العقد من صاحب العمارة باع ل x مثلا و بعد كده x باع ل y مثلا لحد ما توصل للشخص اللي بيبيع لك و هو يعملك توكيل بالتصرف و البيع للنفس و الغير و التسجيل بالشهر العقاري و كمان تكتب عقد بينك و بينه و تاخد عليه صحة توقيع علي الأقل لو مش هتسجل.
طبعا لو العمارة جديدة و بتشتري من المالك يبقي الموضوع أسها لكن بتاخد الرخصة و عقد الأرض و تسأل علي العمارة في الحي.
و يا ريت بقي تخسر 200 جنيه و تشوف محامي يمشي معاك الموضوع دع و يسأل في الشهر العقاري و يظبط الدنيا.

[A.Saad]

اهم حاجة الاستلام
لو استلمت ساعة العقد يبقى افضل