محتاجة مشورتكم

[إنسانة]

السلام عليكم

محتاجة مشورتكم في شيء مهم جدا بالنسبالي

بندور على شقة وكل الشقق اللي لقيناها غاليه جدا

فلقيت حل اننا ناخد شقة في عمارة لسه بتتبني بدري شوية قبل التسليم وناخدها بدون تشطيب

ففعلا دورنا على شقة بالمواصفات دي لقينا سعرها هيفرق نصف السعر تقريبا

لكن عندي عدة استفسارات , العمارة فيها دور ارضي "مواقف" و5 أدوار فوقيه

كل الشقق تقريبا حجم واحد 180 لكن الدور الخامس والأخير الشقة معاها سطح خاص بيها

انا عاجبني الدور الخامس لاكتر من سبب اولا انه يمكن اامن من باقي الادوار

ولانه بعيد عن الازعاج ومفيش حد فوقنا يخبط علينا واوسع وشمس وكدا

لكن عيبه ان الشقة دي في السعودية بيسموها" ملحق " يعني شقة على السطوح

فكانها قيمتها اقل ومش بيسكنها الا الفقراء او البوابين مع ان سعرها اغلى من باقي الشقق اللي في الادوار اللي تحتها

ودا الشيء اللي مخليني مترددة اخدها او اخد شقة في العمارة تحت ولكن مفهاش المميزات دي

غير كدا ميزة المساحة الشقة مع السطح حوالي 300 متر وممكن استفيد من المساحة دي

لكن هو دا العيب الوحيد اللي مخليني مش حابة اخذها

وفيه شقة جنبها وتابع لها نصف السطح التاني

علما ان السطح للعمارة كلها فوق الشقتين دول ومنعزلين تماما عن السطح بتاع الشقتين دول

فإيه رأيكم في المسألة دي ؟ وكمان التسليم على اللياسة يعني مش هناخدها مشطبة

ولما بحثت عن اللياسة في النت لقيت انها هتكون بالشكل دا



بس العمارة كلها هتكون متشطبة بس الشقة اللي هنشتريها هتكون كدا عشان موضوع السعر

هل الحل دا فعلا انسب ولا التشطيب هيكلفنا كتير ؟

علما اني اقترحت على زوجي انه يشطب المطبخ واوضة ودورة مياة وبعدين يبقى يشطب اوضة اوضة على مهلة

فأنا عايزة أعرف هل كدا صح وفيه اي شيء ممكن تنصحوني بيه قبل ماعمل الخطوة دي ؟ وايه الانسب ؟

جزاكم ربي كل خير

[rockana9112007]

معلش هيا الشقة دى فى مصر ولا السعودية ؟؟؟؟

لو فى مصر ..اتأكدى ان الدور دة مش مبنى مخالف ...يعنى لة ترخيص عشان ساعات يبقى العمارة مثلا طالعلها تصريح بأرتفاع 5 أدوارفيبنو عمارة 5 ادوار + انهم يقفلو نصف السطح ويتباع على انة شقة ..طبعا هيبقى فى مشاكل فى دخول عدادات الكهرباء والغاز والمياة ....بس فى ناس بتعرف تسلك امورها

بالنسبة ان الشقة هتبقى على سطح .. نصيحتى ليكى خدى اللى يريحك ..فى كومباوندات وجمبى فعلااا كومباوند بيبيع شقة السطح وشقة الدور الارضى اللى مطله على جنينة بسعر اغلى من الادوار المتكررة ...بس بصراحة مقفل ومشطب بطريقة شيك جدااا

[minicooper20]

لو انتى فى جده
اعتقد انك هتستفيدى بالروف ميكسمم شهرين فى السنه الهما الشهرين الحنا فيهم دول
و هتتيعزبى بقيت السنه من الرطوبه و الشمس الضاربه فى الحيطان و السقف عندك
ده غير ان مفيش منو اى فايده ربما ممكن تنشرى عليه
على فكره الملحقمش بتاع بوابين ولا حاجه انا واخد ملحق ب 40 الففى سنه
و لازم خدامه لان الروف محتاج نضافه و عنايه كتير شان الحشرات و التراب
خدى فى دور وسط و هى كلها مقفله منتى عارفه نظام العوائل هنا
شلا لو ختى فى السما برضو خنقه

[samyyousef]

بالتوفيق ان شاء الله لكن تأكدي ان السطح لن يستغله باقي السكان او يطلبوا وضع اطباق عليه او ما شابه
تحياتي

[mk3]

اعملى حسابك فى عزل السطح جيدا عشان الشمس وده اكيد له تكلفه اضافيه

[إنسانة]

شكرا لكم بجد

الشقة في السعودية مش مصر و في منطقة قريبة من البحر جدا جدا مطلة على بداية جسر البحرين

يعني من الشبابيك تشوف الطريق المؤدي للجسر فهي منطقة بحرية

العوازل قلت لزوجي يسأل عنها المهندس عازل للحرارة وللماء

وسطح السكان منفصل فوق الشقتين اللي في اخر دور فالسطح بتاعها خاص بيها فقط

وقال لسه هما هيبنوا فيه والسطح هيكون جزء صغير انا بفكر احط عليه سقف زجاجي هينفع دا ولا فكرة خيالية

[إنسانة]

* توضيح بس المناطق البحرية في السعودية بتكون رطوبة و ضباب ورياح وكل عوامل الطبيعة بتكون مضاعفة فيها
اضف ان المنطقة حديثة فدي كلها عيوب هتكون اضافية في الدور الأخير بس الميزة ان في الاوقات العادية هيكون فيه مكان مفتوح متنفس يعني
هل دي ميزة ممكن تلغي العيوب دي ؟

[3mr Farrag]

حضرتك من كلامك شكلك في الظهران
عماتا لو في الظهران و الدمام و جده و الحتت اللي كلها رطوبه عاليه ديه
ماعتقدش هتستفيدي اوي بالروف غير الشمس الجامده

الروف هيبقي حلو لو في ابها او الطايف او اي حته الجو بتعها معقول و مافيهاش نسبه رطوبه عاليه

ديه الظهران لو الواحد طلع دماغه من شباك العربيه ممكن يتخنق من الرطوبه :)

[MuhamedNabil]

اخر دور فى البلاد الحر بيكون عبارة عن فرن بسبب تعرض السطح المباشر للشمس لو مش حتعملوا حاجة على السطح تظلل
العزل مهما كان النتيجة مش زى بتتعدى 30 غير التظليل بيبجب سحونية الشمس بنسبة 90%