عايز اعمل الفكره دى حد يعرف ازاى ؟؟؟

[midoabdeen]

السلام عليكم ورحمة الله وبركاته

الى الخبراء

انا لو حبيت انفذ الفكره دى هتتكلف كام وكمان تنفع ولا لا وايه الخامات المطلوبه طبعا انا عايز انفذها بالخشب لان مساحه الاوضه صغيره و الفكره دى هتوفر عليا مساحه وهرتب براحتى العفش

[midoabdeen]

[مصطفى-حسن]

ياباشا دى اسهل من السهولة وعاملها عندى فى المحل
ومنفذها بايدى
والحامل الرئيسى بالعجل ايطالى سعرة حوالى 240ج على ما اذكر
وانا عامل فية تعديل كمان

[midoabdeen]

طيب الفكره عمليه ولا لا

ياعنى يستحمل الهلك وكده ولا ايه

وكمان الباب بيتقفل ازاى ياعنى ازاى يركب فيه ترباس او كالون علشان تعرف تقفله من جوه وبره

وكمان هل ليه صوت او تقل فى الحركه بعد فتره ولا لا

وانا مش عايز اعمل جرار على الارض لانه مش عملى بيلم تراب وممكن يكعبل حد وكده

ياريت تشرح لنا الموضوع ايه عيوبه ومميزاته والتكلفه كام لو سمحت

[mahmoud_ali]

متابع

[مصطفى-حسن]

طيب الفكره عمليه ولا لا

عملية وشايلة 100كجم خشب عرض وبضاعة

ياعنى يستحمل الهلك وكده ولا ايه

بيستحمل طبعا بس دة بيرجع للباب اللى انت هتعملة هل هيستحمل ولا لأ ......انا بكلمك على الحامل الرئيسى

وكمان الباب بيتقفل ازاى ياعنى ازاى يركب فيه ترباس او كالون علشان تعرف تقفله من جوه وبره

دى مجربتهاش بصراحة عشان انا عامل الفكرة فى محل هدايا

وكمان هل ليه صوت او تقل فى الحركه بعد فتره ولا لا

الى انا مركبة عشان تجارى وبيتحمبل اوزان لحد 200كجم فبيعمل صوت فى الحركة لان المجرى حديد والعجل حديد........

لكن اعتقد انة فية منة اللى بيعملوة فى بعض دولايب غرف النوم بيبقى انعم شوية ومبيعملش صوت

لكن للامانة معنديش فكرة عنة

وانا مش عايز اعمل جرار على الارض لانه مش عملى بيلم تراب وممكن يكعبل حد وكده

من غير مجرى فى الارض مش هيبقى باب يتقفل ويبقى ماسك نفسة......يبقى تركب باب اكورديون احسن

من غير مجرى تحت هيبقى بيلعب

ياريت تشرح لنا الموضوع ايه عيوبه ومميزاته والتكلفه كام لو سمحت

التكلفة الرئيسية هيا الحامل الايطالى اللى بتجيبة من عند بتوع الديكور (على ما اذكر سعرة 240ج)
لكن الباب وكدة دى حاجة بترجعلك وللى انت هتركبة

[abogoda]

ريح نفسك واشتري باب اوكورديون 150 جنيه

[midoabdeen]

الباب الاكورديون مش هينفع فى الاوض

هيبقى شكله سئ جدااا

[طارق _عبد السلام]

الفكره جميله وعمليه
بس لازم الباب يكون اعرض من الباب الاصلى علشان يغطى مكانه
ولازم دليل له فى الارض على فكره ممكن يكون دليل صغير جدا مش بطول الباب يعنى ممكن حاجه 5سم تكون دليل للباب من تحت ومش هتشوفها اصلا لانها هتكون تحت الباب عند فتحه
من ناحيه القفل هتشوف له حاجه زى قفل باب الاكورديون كده
وطبعا هو عملى الف مره عن الاكورديون ولازم وانت بتعمل الباب ميكونش باب تقيل ومحمل

[midoabdeen]

هو انا فكرت ان الدليل اللى فى الارض ممكن يبقى محفور علشان ميكعبلش حد
بس المشكله انه باردوا هيلم تراب والمياه لو نزلت فيه مش هتعرف تطلعها

ياعنى يكون ليه شفه او زى الجزء اللى فوق دا بعجله تمشى فى المجرى من تحت

[A.Saad]

ميدو انا لسه عامله فى نوم

المجرى الايطالى بحوالى 240

بييجى ليه كالون خطاف يقفله

الارض بيكون معاه دليل ده جزء معدن بيحركه على السيراميك
عرضه 100 سم اتكلف 600 جنيه من غير الحلق

الجزء الشمال عندك اللى الباب بيقفل عليه بييجى له سدابة علشان يقفل عليها

[midoabdeen]

طيب معنى كده ان مكان الحلق اللى هو المفروض سمك الباب او حلق الباب العادى هيبقى متساب فاضى والباب وراه

هل الشكل دا هيبقى مقبول ولا لا

وكمان الاوضه 3.5 * 3.5 هل تشيل اوضه نوم كويس ولا هتبقى ضيقه اوى

لانى بفكر اخلى ال3 اوض 2 علشان اوسع المساحه بس المشلكه انى كده مش هعمل اوضه معيشه

علشان كده فكرت فى فكره الباب دى

[A.Saad]

طيب معنى كده ان مكان الحلق اللى هو المفروض سمك الباب او حلق الباب العادى هيبقى متساب فاضى والباب وراه

هل الشكل دا هيبقى مقبول ولا لا

مش فاهم
بس الباب بيركب له حلق عادى جدا الاول
جايز علشان عندى شيش فكان لازم له حلق

انت جبت الشقة فين ؟؟؟ وشغال فين فى القرية ( ابعت خاص )

[A.Saad]

خللينى اشوف مساحة الاوضة دى وارد عليك
بس ممكن تصغر عرض السرير طبعا
وتقلل طول الدولاب

[طارق _عبد السلام]

هو انا فكرت ان الدليل اللى فى الارض ممكن يبقى محفور علشان ميكعبلش حد
بس المشكله انه باردوا هيلم تراب والمياه لو نزلت فيه مش هتعرف تطلعها

ياعنى يكون ليه شفه او زى الجزء اللى فوق دا بعجله تمشى فى المجرى من تحت

لا الدليل ممكن يتعمل بطريقه مختلفه
الحفر هيكون فى كعب الباب من تحت حفر بطول الباب
والدليل حديده صغيره على شكل حرف l بتكون راكبه فى بدايه الباب وهو مفتوح على الاخر مثبته فى البلاط والجزء المرتفع منها بيكون راكب فى الحفر الموجود فى الباب مش هتشوفها ومش هتلم تراب ولا مياه
ولازم الباب يكون عرضه اعرض من الباب لو راكب بحلق علشان يغطى المساحه على الاقل 5 سم من كل جانب