لا حول ولا قوة الا بالله اهل الطفلة زينة ينهارون بعد الحكم المخفف على مغتصبى الطفلة

[الفجر]

قضية الطفلة زينة الشهيرة اللى اغتصبوها شوية جزم ورموها من الدور الحادى عشر بعد الاغتصاب اخدوا حكم 15 سنة فقط يعنى اغتصاب وقتل ناقص اية تانى ابشع من كدة؟؟

حاجة تضحك وتبكى فعلا

ةدة الفيديو اللى اهل زينة بيقولوا طالما مفيش قانون فى البلد هناخد حقنا بايدينا فقط

‫بعد صدور حكم قضية" الطفلة زينة " جدها يتحسر علي عهد مبارك والعادلي !!‬‎ - YouTube

[احمد المصرى]

لا حول ولا قوة الا بالله

[dodo2000]

القضاء شامخ مدى الحياة

[Dr_Smart]

اللي فهمته ان القتله أحداث ودي أقصى عقوبة في القانون المصري بالنسبة لهم

[Egyzizo]

وقال المستشار حمدى، إن اليوم يقف هذان الذئبان، أمام قضاء مصر الشامخ الذى لا يفرق بين جنس أو لون أو دين، فالكل سواسية أمام قانون العدل، وقد تراءت المحكمة بتوقيع أقصى عقوبة للبالغين، وهى عقوبة الإعدام، إلا أنها تأسف لعدم وجود عقوبة فى القانون العقابى المنطبق على المتهمين، أشد من الذى تقضى به، وتقف عاجزة أمام القيد القانونى بنصوص قانون الطفل، رقم 12 لسنة 1996، والمعدل بالقانون رقم 126 لسنة 2008، وما وقعت عليه مصر فى الاتفاقية الدولية لحقوق الطفل سنة 1989، والذى شرع فى القانون المصرى احترما للمواثيق الدولية.

وأشار رئيس المحكمة إلى أن المادة الثانية من قانون الطفل، قد نصت على أنه من لم يبلغ 18 عاما، فى سنة ميلادية، كاملة، وقت ارتكاب الجريمة، ومن ثم فإن قيد الميلاد للمتهم الأول محمود محمد محمود كسبر، 20 / 8 / 1996، وقيد ميلاد المتهم الثانى علاء جمعة حسب الله، 24 / 3 / 1998، وعملا بنص المادة 111 على أنه لا يوجب إعدام ولا بالسجن المؤبد ولا المشدد على المتهم الذى لم يبلغ سن الـ18 فى سنة ميلادية كاملة، وقت ارتكاب الجريمة، ومع عدم الإخلال بحكم المادة 17 من قانون العقوبات والتى تنص على أنه إذا ارتكب الطفل جريمة عقوبتها الإعدام أو السجن المشدد أو السجن المؤبد، يحكم عليه بالسجن الذى حده الأقصى لا يزيد عن 15 عاما.

[مصطفى-حسن]

واحب اضيف وأأكد ان هيئة المحكمة بتاسف انة العقاب دة هو اقصى عقاب بتسمح بيسمح بية القانون يعنى المحكمة لو لقت عقاب اقصى من دة فى نص القانون كانت نفذتة وهو الاعدام

والى هيقرأ الصفحة دى على اليوم السابع هيفهم

http://www1.youm7.com/News.asp?NewsID=1509450&SecID=12

[Ahmed_Adham]

ربنا يصبر أهلها. اللوم على كل واحد دخل مجلس الشعب من يوم صدور القانون لحد النهارده ومفكرش يطلب تعديله. بس يتعدل ليه وهما بيدخلو مجلس الشعب عشان ينهبو مش عشان يخدمو الناس.

[r0xer]

المحكمة مظلومة..واهل الطفلة عندهم حق في اي حاجة يعملوها.

للأسف احيانا القانون مش بيحل المشاكل ودا خلاصة قراية الاحداث في العالم كله..

فاكرين فيلم godfather? اول مشهد؟ هو دا بالظبط..

في جرايم وفي احداث القانون ضعيف جدا فيها.

انا دمي محروق لكن مقدرش انتقد المحكمة لانهم بيحكموا بالقانون بتوع بهوات مجلس الشعب مش اكتر!

[dodo2000]

اهلها يخلصو عليهم بطلقتين و المحكمة هتراعى ظروف اهلها و شكرا

[Ahmed abdkarim]

حسبى الله ونعم الوكيل فى البلد اللى يهتف فيها فى مظاهرة ياخد اعدام (بنص قانون التظاهر )
واللى يغتصب طفلة و يقتلها ياخد حكم مخفف

[ابو لؤى]

يعنى شباب وبنات اقل من 18 سنه ينزلو فى مظاهره ياخدو 17 سنه وتقولى عدل حسبى الله ونعم الوكيل

[ابو لؤى]

[quote=zarif;3875428125]واحب اضيف وأأكد ان هيئة المحكمة بتاسف انة العقاب دة هو اقصى عقاب بتسمح بيسمح بية القانون يعنى المحكمة لو لقت عقاب اقصى من دة فى نص القانون كانت نفذتة وهو الاعدام

والى هيقرأ الصفحة دى على اليوم السابع هيفهم


[url=http://www1.youm7.com/news.asp?newsid=1509450&secid=12]

[ابو لؤى]

[quote=zarif;3875428125]واحب اضيف وأأكد ان هيئة المحكمة بتاسف انة العقاب دة هو اقصى عقاب بتسمح بيسمح بية القانون يعنى المحكمة لو لقت عقاب اقصى من دة فى نص القانون كانت نفذتة وهو الاعدام

والى هيقرأ الصفحة دى على اليوم السابع هيفهم


[url=http://www1.youm7.com/news.asp?newsid=1509450&secid=12]

[mahmoud_ali]

القانون ده لازم يتعدل والاوثاخ دول هما واشكالهم ومن تسول له نفسه ان يقوم بهذا الجرم ياخد اعدام

[esam_refaat]

شرع ربنا مفيهوش 18 ولكن فيه التكليف من سن البلوغ والقصاص الحق اعدامهم وليذهب القانون الى الجحيم