الطريق إلي مراقيا

[tamohsen]

كننت نويت إن شاء الله اسافر من القاهره لمنطقه قرب مراقيا بالساحل الشمالي وحبيت استشير ذوي الخبره عن الطريق:

الطريق اللي أعرفه هو: اسكندريه الصحراوي- طريق وادي النطرون حتي مارينا - العوده في اتجاه اسكندريه للوصول ال مراقيا
بس اكتشفت انه طويييييل جدا وفي حلول تانيه عايز استشير فيها:

1- طريق اسكندريه الصحراوي- تقاطعه مع الطريق الدولي أو حاجه زي كده " موضح في الصوره- بس للأسف مش واضح علي جوجل إيرث نهايته فين" - الي الساحل
2- طريق اسكندريه الصحراوي- تقاطعه مع طريق استاد برج العرب - طريق مطار برج العرب - الإتجاه يمينا الي الساحل




أي طريق من التلاته أنضف - أسرع - أقل زحمه و لجان مرور؟

[Hossam_Hassan]

انصحك بالطريق رقم 2 مادمت رايح مراقيا، هيعمل معاك حوالى 225 كم لبطريق بتاع وادى النطرون هيعمل 310 كم.

[tamohsen]

شكرا حسام
بس يا تري أخبارالجزء من استاد برج العرب حتي مراقيا أيه؟

[Hossam_Hassan]

ميفرقش عن الصحراوى حاجة و يمكن أنضف.

[Karim_Monir]

لسه جاي من مراقيا من اسبوعين
خد طريق اسكندرية حتي مدخل برج العرب من جنب ماكدونالز وبعدين طريق برج العرب حتي تفريعة الاستاد مع اول تقاطع تدخل يومي
تمشي علي طول هاتعدي من فوق بحيرة كبيرة كانك علي كوبير قصر النيل
بعديها اوعي تدخل يمين عشان ما ترجعش الكيلو 21 تاني
كمل علي طول هاتلاقي بعد 2 كيلو الطريق الدولي الساحلي
تدخلة وتاخد اول يو تيرن بعد 500 متر شمال
بعد حوالي 10 كيلو هاتلاقي مرقيا
حمدالله علي السلامة

كريم منير

[tamohsen]

شكرا جزيلا شباب :D

[PAYOO]

يا كريم مدخل برج العرب موجود في الكيلو كام من الطريق
أصل أنا جه في دماغي الداحله الشمال إللي بعد ماكدونلدز وبنك الـCIB والطريق إللي يوديك على 6أكتوبر وشاطيئ النخيل

صح كده وللا أنا كده فاهم غلط ؟
================================================== =========

تعليق مالوش دعوه بالموضوع

مش عارف ليه لما قرأت العنوان (الطريق إلى مراقيا) جه في دماغي (الطريق إلى إيلات)

وكنت داخل أعلق وأقول
[marq=left:70c9e145fc]يـــا رتـــنــــي كـــنـــت مـــعــــاهــــم [/marq:70c9e145fc]

[Hossam_Hassan]

لا، هى الداخلة اللى قبلها.

[Karim_Monir]

في داخلتين عند ماكدونالز دي برج العرب تاخد اول يوتيرن شمال
الدخلة اللي بعدها لما تشوف بناء كدة عامل زي المسرح الروماني بس علي صغير اول ما تشوفة تدخل اليو تيرن اللي بعدة

[tamohsen]

وكنت داخل أعلق وأقول

ياباشا قول كل اللي في نفسك
ولا يهمك :)

[goodwave]

والله انتو عالم زي الفل والظاهر انكم تعرفوا اسكندرية اكتر مني!

يالا حصل خير

[محمدايهاب]

الطريق التاني أحسن
كريم منير دقيق جدا و كلامه صح هو فكرني بالطريق

[Karim_Monir]

الطريق التاني أحسن
كريم منير دقيق جدا و كلامه صح هو فكرني بالطريق

الله يكرمك
ده من اصلك
اصلي دماغي كومبيوتر في الطرق بالذات