نادي وادي دجله

[devil_storm]

يا شباب حد مشترك في نادي وادي دجله يقولي النادي ده كويس ولا لا؟؟ كمان انهي فرع اشيك اللي في التجمع ولا شيراتون؟؟ انا رحت اللي في الشيراتون و عجبني بس النادي ضيق قوي و زحما جدا و مكناش لقين مكان نقعد و كان يوم سبت لكن النادي نضيف جدا
يا ريت لو حد مشترك فيه يفدني بخصوص فرع التجمع مقارنتا بفرع الشيراتون من ناحيه مين انضف و مين اشيك في الاعده

كمان السعر حاليا ٧٢ الف فلو حد يعرف ناس من الاداره يقدر يجبلي دسكونت يا ريت يقولي و اكون شاكر ليه جدا

[mohamed_selim]

انت لمست بنفسك اللى الاعضاء بيشتكو منه
النادى بياخد اعضاء كتير جدا اكتر من درجة استيعاب الفروع

[mohamed hussei]

هو انا رحت بتاع المعادي كذا مرة لكن لسا مجربتش شيراتون ولة التجمع والتجمع هيبئوا فرعين ودة هيخفف الحمل شوية المعادي انا روحت في وسط الاسبوع ورحت يوم خميس كان زحمة شوية بس كان في اماكن الواحد يقعد فية بس انت اكيد مدورتش كويس علي الاماكن في الشيراتون

[mohamed_selim]

بعض التعليقات من ناس مختلفه:
زحمة جدا جدا في الويك ايند ، ومش ناويين يوقفوا عضويات، و بعدين العضوية مش ثابتة اشتركنا بسعر وبعدين ناس بعدنا اشتركت ارخص مننا ، اشتراكات الالعاب صعبة و غالية، وواخدين جزء من نادي التجمع وعاملينها العاب بفلوس

روح زوره يوم سبت وانتي تلغي الفكرة من دماغك

انا مشترك من سنتين والله النادي جميل وحلو وكل مكان فيه سلبيات وإيجابيات فسلبياته هي الزحمة ايام الويك اند وأسعار اشتراكات الألعاب بس مستوي التدريب كويس أسعار الأكل معقول وبخاصة المطاعم الخاصة بالنادي اما الاخري مرتفعة شوية وموضوع انهم يقفلوا العضويات فده مستحيل واسعار الاشتراكات فعلا متفاوته حسب انت بتتكلم مع مين علشان تشترك فصديق لي كان هيشترك برقم وانا جبت له أرخص منه اما الإيجابيات فتتمثل في عدد الفروع المنير ودي ميزه كبيرة مستوي الأعضاء كويس ماعدا المعادي شوية فيه أعضاء غير مناسبين مع الاحترام لكافة أعضاء فرع المعادي واعتقد ان النادي أخد قطعة ارض اخري بالتجمع الخامس لبناء فرع جديد كما انني كل خميس هناك الدنيا مش زحمة بالدرجة كما ان الأمان كويس جداً وكل حاجة نظيفة جداً ولو عاوز تعرف اي حاجة ممكن تسأل وانا ممكن أساعدك

من اللينك ده:

https://www.facebook.com/groups/Dont.shop.here.advices/permalink/733066450045134/

و بعض التعليقات الاخرى برضه:

https://www.facebook.com/groups/Dont.shop.here/permalink/10153607434950338/

هتلاقى المبسوك و اللى مضايق بس هيديك فكره عن المكان ... و ممكن تدور على الجروب بتاعهم على الفيس بوك

[bobbozo4b]

وجهة نظر شخصية "عضو بالنادى"
النظافة ممتازه
الامن والامان ممتازه
المطاعم والاكل جيدة جدا
ايام الخميس والجمعة والسبت والعطل الرسمية زحام ملحوظ
المستوى الاجتماعى وتصرفات الاعضاء --- تخص الاعضاء ولا تعيب النادى او الادارة

[douha_wise]

إن شاء الله بعد إستئذان الاستاذ كريم منير سأعمل اليوم أو غدا موضوع عن نادى جديد بأكتوبر و له فرع فى التجمع الخامس سيتم افتتاحه خلال شهر أو شهرين على الأكثر بإذن الله و اسمه نادى بلاك بول Black Ball و يملكه مجموعه منهم المهندس احمد العبد صاحب شركة العبد لتوكيلات الاجهزة الكهربائية و معه لاعب الاسكواش العالمى عمرو شبانه و فرع اكتوبر مفتوح الآن و يتم استكمال باقى منشآته و هناك تخفيض خاص لإعضاء منتدانا الحبيب و السعر سيكون مفاجأه و الاشتراك يشمل كل فروع النادى الحاليه و المستقبليه لأول 3 الآف عضو و انتظروا الموضوع شامل الصور و التفاصيل و لمزيد من المعلومات يمكن الاتصال بى
01024640777