إعـــــــلان

Collapse

.

,
See more
See less

أخواتنا اللي بيشتغلوا في البنوك, سؤال عن التمويل العقاري

Collapse
X
 
  • Filter
  • الوقت
  • Show
Clear All
new posts

  • أخواتنا اللي بيشتغلوا في البنوك, سؤال عن التمويل العقاري

    البنك المركزي عامل مبادرة جديدة للتمويل العقاري بحيث ان الفايدة تقل ل7% متناقصة لمحدودي الدخل و 8% متناقصة لمتوسطي الدخل بشرط ان قيمة الوحدة ما تزيدش عن 300 ألف. الفايدة دي متناقصة يعني الفايدة الفلات حتبقى تقريبا 5.5% و 4.5% أو حاجة زي كدة حسب المدة طبعا.

    أنا كان عندي نية من فترة ان انا أشتري شقة بأذن الله عن طريق التمويل العقاري, بس تمنها طبعا يعدي ال300 ألف. الفايدة حاليا في البنوك بالنسبة للتمويل العقاري ما بتقلش عن 14% متناقصة. طبعا أنا فاهمة ان المبادرة بتاعة البنك المركزي لمحدودي و متوسطي الدخل و متنطبقش على نوع التمويل اللي أنا عايزاه, انما أنا كان سؤالي خاص بتأثير المبادرة دي على فايدة التمويل العقاري بصفة عامة. هل متوقع ان الفايدة تقل عن ال14% الحالية؟؟ أصل مش معقول يعني واحد ياخد تمويل بضعف الفايدة بحجة انه مش من محدودي الدخل. انا عارفة انه أكيد الفايدة حتكون أكبر من ال 8% انما المفروض يعني تتخفض عن دلوقتي بكتير.

    يا ريت لو فيه حد عنده خلفية عن الموضوع ده او بيشتغل في الائتمان في أي بنك يقدر يجاوبني و أكون شاكرة ليه جدا.

  • #2
    اظن حضرتك محتاجة كمان تبحثى عن حكمها الشرعى

    Comment


    • #3
      مصر عندها واحد من اسواء انظمة التمويل العقاري في العالم... كل دول العالم المحترمة تكلفة التمويل العقاري بتتراوح من 3-4% عشان العقار ده قرض آمن بنسبة 90%... انما في مصر العزيزة... قروض التمويل العقاري أعلي من تكلفة تمويل السيارات... او حتي قروض شخصية ؟؟

      المختصر... ان اغلب البنوك ما بتعملش تمويل عقاري... الي بيعمل التمويل العقاري بيبقي شركات تابعة للبنوك (صباح النصاحة) الشركات ديه بتاخد قرض من البنك عشان تمول الشقة اللي سيادتك عاوز تشتريها نفترض انها بتاخد القرض ب 8% طبعا لازم تكسب فا بتديك القرض بفايدة أعلي 10 إلي 12% وطبعا بما ان الشركة في اغلب الوقت تابعة للبنك فالبنك بيكسب مرتين... وتحيا مصر...

      Comment


      • #4
        المشاركة الأصلية كتبت بواسطة firstknight_eg مشاهدة المشاركة
        مصر عندها واحد من اسواء انظمة التمويل العقاري في العالم... كل دول العالم المحترمة تكلفة التمويل العقاري بتتراوح من 3-4% عشان العقار ده قرض آمن بنسبة 90%... انما في مصر العزيزة... قروض التمويل العقاري أعلي من تكلفة تمويل السيارات... او حتي قروض شخصية ؟؟

        المختصر... ان اغلب البنوك ما بتعملش تمويل عقاري... الي بيعمل التمويل العقاري بيبقي شركات تابعة للبنوك (صباح النصاحة) الشركات ديه بتاخد قرض من البنك عشان تمول الشقة اللي سيادتك عاوز تشتريها نفترض انها بتاخد القرض ب 8% طبعا لازم تكسب فا بتديك القرض بفايدة أعلي 10 إلي 12% وطبعا بما ان الشركة في اغلب الوقت تابعة للبنك فالبنك بيكسب مرتين... وتحيا مصر...
        كلام حضرتك مضبوط واهم حاجة فيه انك وصفته بوصفه الحقيقى (قرض)ولكن القرض بيكون للمشترى (العميل) وليس لصاحب السلعة(الشركة)فالبنك بيقرض العميل فى ايد الشركة

        Comment


        • #5
          وايه الضمان ؟؟

          Comment


          • #6
            المشاركة الأصلية كتبت بواسطة firstknight_eg مشاهدة المشاركة
            مصر عندها واحد من اسواء انظمة التمويل العقاري في العالم... كل دول العالم المحترمة تكلفة التمويل العقاري بتتراوح من 3-4% عشان العقار ده قرض آمن بنسبة 90%... انما في مصر العزيزة... قروض التمويل العقاري أعلي من تكلفة تمويل السيارات... او حتي قروض شخصية ؟؟

            المختصر... ان اغلب البنوك ما بتعملش تمويل عقاري... الي بيعمل التمويل العقاري بيبقي شركات تابعة للبنوك (صباح النصاحة) الشركات ديه بتاخد قرض من البنك عشان تمول الشقة اللي سيادتك عاوز تشتريها نفترض انها بتاخد القرض ب 8% طبعا لازم تكسب فا بتديك القرض بفايدة أعلي 10 إلي 12% وطبعا بما ان الشركة في اغلب الوقت تابعة للبنك فالبنك بيكسب مرتين... وتحيا مصر...
            لأ حضرتك في أخر سنتين أغلب البنوك بقت بتعمل تمويل عقاري مباشر عن طريقها و بعض البنوك بتعمل شركات متخصصة للتمويل العقاري. اللي لقيته و انا بأدور ان البنوك بتدي فايدة متناقصة من 13- 15% على التمويل. الشركات بقة الفايدة بتاعتها مبتقلش عن 15 و بتوصل ل17 % بسبب ان فلوسهم اساسا جاية من البنوك زي ما حضرتك قلت. انما سواء البنوك و لا الشركات اللي بيحكمهم فايدة البنك المركزي المرتفعة. المبادرة الجديدة دي بقى عبارة عن ان البنك المركزي حيوفر 10 مليار جنيه للبنوك بفايدة منخفضة, بحيث ان البنوك تدي قروض تمويل عقاري بفايدة 7% متناقصة لمحدودي الدخل بشرط الوحدة تمنها ميعديش 120 ألف أو 8% متناقصة لمتوسطي الدخل لوحدات تمنها ميعديش 300 ألف, و مدة السداد توصل ل20 سنة. هي مبادرة رائعة الحقيقة و ممكن تساعد ناس كتير انما انا عايزة حاجة أكبر من كدة, و عندي أمل انهم يخفضوا شوية الفايدة على التمويل العقاري للوحدات اللي تمنها أكتر من كدة, يعني يخلوه 9 و لا 10% معقولة انما 14% ده كتير قوي, و مش عدل بصراحة ان الفرق بين الفايدة على الوحدات المدعومة و غيرها يبقى قرب الضعف.


            المشاركة الأصلية كتبت بواسطة hossam_elwani مشاهدة المشاركة
            وايه الضمان ؟؟
            التمويل العقاري بيبقى بمفردات مرتب زي تمويل السيارة كدة, و بيبقى العقار نفسه هو الضمان و البنك من حقه يحجز عليه لو تعثرت في السداد. و بتدفع مقدم على الاقل 20% و مينفعش القسط يكون أكتر من 40% من صافي المرتب. و ممكن تجمع مرتبك مع مرتب زوجتك

            Comment


            • #7
              المشاركة الأصلية كتبت بواسطة أحمد عبدالله مشاهدة المشاركة
              اظن حضرتك محتاجة كمان تبحثى عن حكمها الشرعى
              أكيد طبعا. عموما فيه بنوك و شركات بتعمل تمويل عقاري بعقود موافقة للشريعة الاسلامية (و أنا عارفة ان فيه مشايخ بيفتوا بحرمانيتها و شيوخ تانية بتحللها و قريت كتير في الموضوع), انما فيه دلوقتي تعديلات بتتم على قانون التمويل العقاري و لايحته التنفيذية و المفترض ان شاء الله ان حيكون فيه انظمة جديدة متوافقة مع الشريعة منها على سبيل المثال التأجير التمويلي اللي بينتهي بالتملك. أدعيلنا ربنا ييسر لنا أمرنا و يغنينا بالحلال دايما يا رب.

              Comment


              • #8
                المشاركة الأصلية كتبت بواسطة hh مشاهدة المشاركة
                أكيد طبعا. عموما فيه بنوك و شركات بتعمل تمويل عقاري بعقود موافقة للشريعة الاسلامية (و أنا عارفة ان فيه مشايخ بيفتوا بحرمانيتها و شيوخ تانية بتحللها و قريت كتير في الموضوع), انما فيه دلوقتي تعديلات بتتم على قانون التمويل العقاري و لايحته التنفيذية و المفترض ان شاء الله ان حيكون فيه انظمة جديدة متوافقة مع الشريعة منها على سبيل المثال التأجير التمويلي اللي بينتهي بالتملك. أدعيلنا ربنا ييسر لنا أمرنا و يغنينا بالحلال دايما يا رب.
                امين...... ولكن هناك اشياء لا خلاف عليها لان النص قائم عليها:
                1-نهى النبى ان يبيع المرء ما لا يملك والبنك ما هو الا مقرض كما سبق
                2-شرط موجود فى كل العقود لا تنازل عليه غرامة التاخير وده ربا بالاجماع .........فاذا وجد بغير هذين المحظورين فنعم اما اذا وجدوت محاظير شرعية فلا يجوز التعامل بالربا وان سمى اسلامى.

                Comment


                • #9
                  احسن حل هو الشراء في المشروعات الجديدة اللي بيكون الاستلام بتاعهم بعيد شوية....وهما بيقسطوا بدون فوائد علي حوالي 4-6 سنين

                  Comment


                  • #10
                    التمويل العقاري في مصر عبارة عن سرقة علني فقط ..
                    [FONT="Arial Black"][SIZE="4"]سبحان الله عدد ما كان و عدد ما يكون و عدد الحركات و السكون[/SIZE][/FONT]

                    Comment


                    • #11
                      والمفروض متوسط الدخل يكون المرتب بتاعة في حدود كام

                      Comment


                      • #12
                        اسمحولي انا عندي سؤال جانبي.
                        إيه تعريف محدود الدخل؟
                        ومعنى كدة إن لو دخلي طبقاً لمفردات مرتبي اللي هاقدمها أعلى من تعريف محدود الدخل يبقى مش من حقي أقسط بالفايدة دي؟
                        [CENTER]Me on Twitter
                        @aliabutaleb[/CENTER]

                        Comment


                        • #13
                          المشاركة الأصلية كتبت بواسطة aliabutaleb مشاهدة المشاركة
                          اسمحولي انا عندي سؤال جانبي.
                          إيه تعريف محدود الدخل؟
                          ومعنى كدة إن لو دخلي طبقاً لمفردات مرتبي اللي هاقدمها أعلى من تعريف محدود الدخل يبقى مش من حقي أقسط بالفايدة دي؟
                          محدود الدخل و متوسط الدخل متتحد لهم تعريف في القانون. محدود الدخل اللي دخله الشهري ميزدش عن 2500 و متوسط الدخل اللي دخله ميزدش عن 8000. و بالنسبة للوحدات تمنها ميزدش عن 100 ألف (مش واثقة قوي من الرقم) لمحدود الدخل و 300 ألف لمتوسط الدخل

                          Comment


                          • #14
                            بعد أذنكم لو حد بيشتغل في بنك و يقدر يسأل لنا على الموضوع ده أكون شاكرة ليه

                            Comment

                            Working...
                            X