بيقولو المصري...مضياف ..وشهم..وابو الكرم بلاخيبة.

[mahmoudysf]

السلام عليكم
امبارح كنت بكشف لوالدي عند دكتور في برج الدقي الاداري
واللي عارف البرج ده عارف ان معظمه دكاترة وعليه ضغط كتير من الناس
ومفيش غير 2 اسانسير اللي شغالين وعليهم زحمة عالية جدا
الغريب ان فيه ناس كبيرة وتعبانة زي والدي وتلاقي شب زي الحيطة يزق ويعافر عشان ينط جو الاسانسير قبل ما المرضى يركبو..مش ده المهم.
كان فيه 5 واقفين قدام الاسانسير شاب ضغير و2 رجالة و 2 ستات ودول عرب وتقريبا يمنيين ال 5 دول معاهم حالة مريضة.
والاقي واحد كدة طول وعرض وارتفاع عامل زي البيج شو بتاع المصارعة يعني ممكن يشيل 2 ويطلع بيهم على السلم مش يطلع لواحدة بس..عمال يزعق فيهم ويشتم وكل ده عشا يركب قبلهم الاسانسير وهما ناس طيبين اوي ويقولو احنا ضيوف .يقولهم بلا ضيوف ولا زفت وهما ساكتين كدة وبيبتسمو بكسوف..وفي الاخر نزل اسانسير راح زاقق الشب اللي معاهم ومش عايزهم يركبو معاه...ويقولهم غورو كتكو ارف لولا ادخل شاب كدة وهدى الجو وخلاهم ركبو معاه.
يعوض ربنا

[Hunting_Eagle]

في ازمة اخلاق رهيبة في البلد

نفسي الاقي واحد بتاع اخلاق زي اللي فيلم فؤاد المهندس

[Secret-Man]

للاسف بقا ده العادى من الشعب الجميل

[ابوزياد]

ربنا يهديه

[exelence]

يا حسرتاه و الله.
حتى الكلمتين اللى كنا بندارى بيهم فشلنا يا مصريين ما بقوش موجودين.
الكرامة و الشهامة كله راح

[almohaor]

ده منحط اخلاقيا وعديم الانسانية والمرؤة
ولكن لسه الخير برضه موجود فى الشعب المصرى

[Y a r i s]

صوابعك مش زي بعض يا باشا
انا مثلاً. لمن. كنت باخود ابويا الله يرحموا والف بيه على المستشفيات. ولمن اجي انزلوا من العربية او حتى اركبوا العربية كنت بلاقي. امة لا إله إلا الله ايشي واحد ماسك من ايدوا وايشي من كتفوا وايشي من رجلوا وعمال أقولهم يا جماعه كتر خيركم بس انتم كده هتخلعوا كتف وايد الراجل في ايديكم سيبوني انا. بعرف ازاي اسندوا وهما ابداً مفيش فايدة ... صحيح اني معاك ١٠٠٪. ان في انحطاط في الاخلاق اليومين دول بدرجة كبيرة بس. لسه في شوية اخلاق

وكنت عاوز اقول كلمتين

تحية. كبيرررررررررة للانسان السوري ... فقد. بلدوا ... فقد بيتو ... فقد الامن والاماااان .... فقد. فلوسوا وشقى عمروا .... فقد اغلى. الناس وأحب الناس على قلبوا ... فقد اهلوا وعيلتوا ... لكن الحاجة الوحيدة الي مفقدهاش. هيا أخلالالاقوا
بجد تحية لهذا الأنسان. الذي مازال يتمتع بالقيم وبالاخلاق الحسنة ورافع راس بلدوا في كل مكان ... وتحية لكل مواطن مصري. اصيل يستنكر كل ما يحدث ونفسوا ترجع الاخلاق والقيم لكل أبناء بلدوا زي زمان .... وتحياتي

[mahmoudysf]

صوابعك مش زي بعض يا باشا
انا مثلاً. لمن. كنت باخود ابويا الله يرحموا والف بيه على المستشفيات. ولمن اجي انزلوا من العربية او حتى اركبوا العربية كنت بلاقي. امة لا إله إلا الله ايشي واحد ماسك من ايدوا وايشي من كتفوا وايشي من رجلوا وعمال أقولهم يا جماعه كتر خيركم بس انتم كده هتخلعوا كتف وايد الراجل في ايديكم سيبوني انا. بعرف ازاي اسندوا وهما ابداً مفيش فايدة ... صحيح اني معاك ١٠٠٪. ان في انحطاط في الاخلاق اليومين دول بدرجة كبيرة بس. لسه في شوية اخلاق

وكنت عاوز اقول كلمتين

تحية. كبيرررررررررة للانسان السوري ... فقد. بلدوا ... فقد بيتو ... فقد الامن والاماااان .... فقد. فلوسوا وشقى عمروا .... فقد اغلى. الناس وأحب الناس على قلبوا ... فقد اهلوا وعيلتوا ... لكن الحاجة الوحيدة الي مفقدهاش. هيا أخلالالاقوا
بجد تحية لهذا الأنسان. الذي مازال يتمتع بالقيم وبالاخلاق الحسنة ورافع راس بلدوا في كل مكان ... وتحية لكل مواطن مصري. اصيل يستنكر كل ما يحدث ونفسوا ترجع الاخلاق والقيم لكل أبناء بلدوا زي زمان .... وتحياتي

يا باشا انا عارف ان الناس الشهمة والطيبة موجودة وهتفضل موجودة ليوم الدين
ورسولنا الكريم صلى الله عليه وسلم.قال الخير في وفي امتي الى يوم الدين
لكن الموضوع نسبي.
يعني لما ييجي وقت نلاقي اصحاب الاخلاق والشهامة هم الاغلبية بنقول مجازا الناس كلها شهامة واخلاق رغم ان فيه ناس اخلاقهم سيئة لكن مش بيبانو من كثرة الجيد.
ولما نلاقي ان الاغلبية العظمى بقت اخلاقهم زبالة وكلو شغال بالفهلوة والدراع بنقول الناس وحشة رغم الجيد موجود ولكنه مش ظاهرة لكثرة السيء ووجودة على السطح.
وبمناسبة ذكر السوري
اه السوري الطيب المضياف صاحب الاخلاق ده لما حصله كرب وجه مصر شوف ايه اللي حصلة وتم تشوييهه ازاي من عديمي المرؤة والاخلاق.

[Y a r i s]

مع الاسف كلام حضرتك سليم ١٠٠٪ وصحيح
ومرات بقول لنفسي يمكن المصري القديم او المصري الطيب ابن البلد مش هو الي بنشوفوا في الشارع ومش هما دول الي بنتعامل معاهم. التانين قاعدين في بيوتهم مبيحتكوش بحد. ... بس حقيقي المجتمع فيه انهيار اخلاقي كبيررررر والشاطر الي يلهف التاني ، بالمناسبة صحيح اخبار صحة الحج ايه انشاء الله يكونوا بخير دلوقتي واتحسنت صحتوا .

ربنا يديلو الصحه وطولت العمر يارب ويشافيه ويعافيه قادر ياكريم ... وتحياتي

[Gamal.Eid]

في ازمة اخلاق رهيبة في البلد

نفسي الاقي واحد بتاع اخلاق زي اللي فيلم فؤاد المهندس

معاك حق والله

[Ahmed abdkarim]

اذا كان رب البيت بالدف ضاربا فشيمة اهل البيت الرقص واللعب

يعنى لما تكون اكبر مؤسسات فى الدولة بتبلطج علشان قوية تستغرب ان واحد قوى يبلطج على واحد ضعيف

[نور القمر]

كل حاجة في ماسر (مصر) في النازل حتى الاخلاق

[Mohamed_Hamid]

طيب ما دى الطبيعى ولا اى اندهاشة. عدم النخوة وموت الرجولة بقت مرض متفشى فى المصريين اكثر من الأمراض الوبائية خصوصا فى الأجيال الجديدة والمتوسطة. المصيبة ان المصريين مفكرين نفسهم مفيش زيهم وانهم شعب الله المختار على الأرض وان الدنيا كلها هتضيع لو هم عطسوا بس هههههههههههه

[mr_vampire]

انا معرفش البرج ده في دكاترة نفسيين ولا لاء . بس لا تستبعد ابداااااااااااا ان يكون مريض نفسي وقافش عالعيشة واللي عايشينها واللي عايش فيها.

وهذا مالزم بيانه.
ودمتم للنضال ( حتي يتم فك ايقاف قائلها الحصري ).

[mahmoudysf]

مع الاسف كلام حضرتك سليم ١٠٠٪ وصحيح
ومرات بقول لنفسي يمكن المصري القديم او المصري الطيب ابن البلد مش هو الي بنشوفوا في الشارع ومش هما دول الي بنتعامل معاهم. التانين قاعدين في بيوتهم مبيحتكوش بحد. ... بس حقيقي المجتمع فيه انهيار اخلاقي كبيررررر والشاطر الي يلهف التاني ، بالمناسبة صحيح اخبار صحة الحج ايه ان شاء الله يكونوا بخير دلوقتي واتحسنت صحتوا .

ربنا يديلو الصحه وطولت العمر يارب ويشافيه ويعافيه قادر ياكريم ... وتحياتي

ربنا يكرمك لسؤالك عن الوالد
الحمد لله على كل شيء
المرحلة متاخرة ...وللاسف معظم الدكاترة بيتعامل مع الحالات دي وكانهم خلاص عرفو ميعاد ملك الموت وضاربين معاه صحوبية....ونسيو ان دورهم ان يخففو الام المريض ما دام حي يرزق.
للاسف الماديات حلت محل الرحمة.
ربنا يرحمنا