موبيل في حدود 2000 - 2500

[MRBEBO]

محتاج سمارت فون في حدود

2000 - 2500 أو 3000 بس مش حابب ارفع الميزانية عن 2500

انا اساسا معايا نوت 2

ومحتاج تليفون مش كبير وكويس

ايه رايكم سوني وﻻ htc ولا سامسونج ولا ايه

اهم حاجة يكون استيبل وكاميرا معقولة

انا كنت ناوي ارفع الميزانية واجيب ايفون بس بصراحة تليفون مش مغري واوفر برايسد جداااا

[medo11_1]

Sony xperia v
موبايل جامد امكانياتة كويسة جدا و سعرة 2320 تقريبا فى دريم2000 و ضد المياه و التراب و كاميرا 13 ميجا
للعلم انا مش مجربة بس شوفت مواصفاتة و سعرة و عاجبنى بفكر اجيبو

[MRBEBO]

بس عيبه بتهيئلي اندرويد 4 وبروسيسور ضعيف ... ولا رايك ايه ؟؟

[javierzanetti]

xperia c و xperia L

Sony Xperia L C2105 (black) Price in Egypt | El Gezawy | EGPrices.com


Sony Xperia C Price in Egypt | El Gezawy | EGPrices.com

[Ayman_Amer]

Xperia C
اختيار جيد لكنه كبير الحجم ٥ بوصة
وسعره ١٩٧٥ج تقريبا

ولو عندك قريب في السعودية ممكن تخليه يجيب لك Motorolla Moto G
وسعره 1000 ريال لنسخة ١٦ جيجا بخطين

أو انتظر Xperia M2
هيكون في حدود ٢٦٠٠ ج لو نزل مصر
وفي السعودية هينزل ب ١٣٠٠ ريال بس مش عارف امتي تحديدا.

[smsm2015]

اكسبريا سى ...

[alfath8]

هواوى g610
السعر 1500 جنيه

تلفون جميل جدا فى كل حاحة حتى سعره

[J A G U A R]

لوميا 820 موبايل محترم جدا وخصوصا نظام الويندوز فون

[MRBEBO]

طيب هل ممكن الاقي جهاز فيه الاتي

الشاشه مش كبيرة ماكسيمم 4 وحاجه علشان يبقى سهل الاستخدام

رباعي النواه

2 جيجا رامات

كاميرا نقيه

هيتحدث للكيتكات

كل ده في رنج لغاية 2500

[Ayman_Amer]

التوليفة دي اظنها صعبة
لكن الأقرب لها من وجهة نظري هو
motorolla moto g
طبعا تحديثه للكيت كات أساسي
ولكن شاشته ٤.٥ بوصه (مش فارق كتير)
راماته ١جيجا (مع الكيت كات ستوفي كل احتياجاتك لانه مصمم للعمل علي ٥١٢ ميجا)
بقيت نقطة مهمة وهي عدم توفره في مصر وممكن تلاقي محلات جابته أو تجيبه مع صديق من السعودية والامارات وفي منه نسختين واحدة ٨ج ب ٩٠٠ ريال والثانية ١٦ ج ب ١٠٠٠ ريال (الأفضل لأن مفيش ذاكرة خارجية)
طبعا متنساش تجيب جراب معاه وقد يأتي جراب ظهر مجاني في بعض المتاجر وله ايضا جرابات فليب بألوان مميزة.

[Ahmed TRAVCO]

صعب تلاقي حاجة شاشة فوق الـ4 انش وكواد كور ورامات 2جيجا وجاهز للكيت كات وبالسعر ده... انا كان نفسي تجيب الاتش تي سي One بس للأسف بـ5000 وواضح انه مش هينزل عن كده لأنه اساسا كان بـ6000...

اقرب حاجة في نظري هتكون الـNexus 5 من إل جي... بس السعر اعتقد هيخش برضه في 3000 او 3500 وبدون ضمان...

حاول تزود شوية علشان تاخد حاجة كويسة او تقلل من شروطك وتقبل مواصفات اقل شوية...

[Mohab.Nabil]

Sony xperia v
موبايل جامد امكانياتة كويسة جدا و سعرة 2320 تقريبا فى دريم2000 و ضد المياه و التراب و كاميرا 13 ميجا
للعلم انا مش مجربة بس شوفت مواصفاتة و سعرة و عاجبنى بفكر اجيبو

معايا و مش عاجبنى منصحش بيه بصراحة

هو شكله وهم و مواصفاته على الورق حلوة جدا انا كنت جايبة من 7 شهور بـ 3000 بس بصراحة معرفش ليه الموبايل ده مدخلش دماغى مع انى من عشاق سونى و كان معايا قبلو موبايلين سونى اقل منه و كانوا عجبنى جدا بس معرفش ليه المرة ديه طلعت اوت .. البطارية مطلعة عينى و غيرتها و زبالة برضه و الكاميرا مش عجبانى متحسش خالص انها 13 ميجا .. المهم شكلى المرة الجاية هروح لـ htc او lg

[ahmed132465]

انت ممكن تبص على موبايل ال جي G Pro Lite Dual موبايل زى الفل هو راماته واحد بس سريع جدا و مفيش اى حاجة هنجت عليه هو شاشتة 5.5 بوصة وكاميرته8 ميجابكسل و فيه موضوع ظريف اوى ان انت ممكن تستخدمه كريموت للتليفزيون لانه يدعم انفراريد و الشاشة بتعته نقية جدا ومعاه قلم مدمج جواه زى النوت بس مش مجنتيك و الموبايل شبه النوت 2 بالظبت وهو سعره من2200الى 2300 هو الوبايل معايا ومصوره بس مش عارف ارفع الصور

[ahmed132465]

انا لسه شايف ان انت عاوزه شاشته صغيرة هو دا بس هيبقى عيبه بنسبالك لان هو حجمه كبير

[S O P H O S]

الجراند فالفئة دي