مشكلة اجتماعية مع سكان العمارة

[moody_687]

دلوقتي العمارة مفهاش اتحاد ملاك والاسانسير مش متركب وحاليا انا بجمع فلوس الاسانسير ومعايا نص التمن من فلوسه وبقية السكان مدوخني اللي يقولي كذا واللي يقولي كذا اقترحوا عليا اعمل ايه قانونا واجتماعيا عشان بدأت افقد اعصابي عشان انا دايخ مع السكان

[eslamrace]

1-اما تكلم المحترم اللى دفع وكل اللى دفع يضاعف المبلغ بتاعه ويتركب الاسانسير بكارت او مفتاح واللى مدفعش يتمنع من استخدامه وبالطريقه دى حتقللوا استهلاكه وصيانته ولو حد من اللى مدفعش حب يدفع يدفع المبلغ مضاعف زيكم ويتصرف المبلغ ده على العماره او يترد للسكان او يتعمل بيه وديعه للعماره

2-او حضرتك ترجع الاموال لاصحابها وتلغى الفكره من اساسها

3-او حضرتك تقسط المبلغ للى مش عايزين يدفعوا وتصبروا كام شهر لحين السداد

**كل ده لازمله اجتماع مع السكان واللى ميحضرش يتعمله زياره من اكبر عدد ممكن من الناس اللى بتحضر واكبرهم سنا يكلمه كلمتين ناشفين ويخيره اما الدفع نقدا او يلتزم بدفع الاقساط ويتاخد منه كلام قدام الناس كلها اللى حاضره .
تحياتى

[saddam]

صديقي المواطن
قولا واحدا
أما قانونا فإياك تفكر فيها تاني الناس كلها حتكرهك وغير كده مفيش وجه قانوني ﻹقامة الدعوة ولو فيه حتقعد من غير أصانصير في المحاكم 10 سنين
اﻷصانصير يتعمل والسكان اللي مدفعتش ميتفتحش باب للأصانصير في دورهم وإن فيه دور ناس دفعت وناس مدفعتش فيتعمل اﻷصانصير بنظام البصمة أو الكارت عشان ميجيش مواطن فلحوص ساكن في الثامن ومش دافع يطلع باﻷصانصير للتاسع وينزل دور عالسلم أو يطلع السابع ويكمل طلوع دور عالسلم وده بيحصل في مصر
والعيب مش عليك العيب على مالك العمارة اللي المفروض يجنبكم كل المشاكل ويسلمكم العمارة بأصانصير ولكن هو ده الحال في مصر لازم أبسط حاجة يحصل فيها مشكلة
وعامة بكره تاخد ممثل عن شقة كل حد دفع وتطلعوا تشربوا الشاي عن كل حد مدفعش وتشوفوا جايز معندهمش ماديات وفي الحالة دي تعملوا من فلوسكم ويكون اﻷصانصير أسهم وكل من يغتني مستقبلا وعاوز يفتح فتحة عنده للأصانصير يدفع 150% من قيمة المدفوع أول مرة يعني اللي حصته النهارده 10 آلاف ومدفعش النهارده لما يعوز حيشتريها من اللي دفعوا كاش بمبلغ 15 ألف جنيه ودي غرامة تأخير وأيضا ضعف الجنيه سنويا وأيضا أنا مش ملزم أضيع رزقي ورزق عيالي لخدمة ناس مش حسيسة وفيه نظام جديد إتعمل دلوأتي الأصانصير يتعمل وفيه زي كوين كده تحط فيه نص جنيه يطلعك وده أحسن حاجة وممكن تلم منه قول 600 جنيه شهريا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[maged]

انا دلوقت بعمل اسانسير ثانى للعمارة ولم يوافق على الاشتراك فيه سوي نصف السكان فقط
نصيحتى ليك لاتبدأ فى تركيب اى مسمار فى الاسانسير الا بعد ان يدفع كل ساكن المبلغ بالكامل حتى لا تتورط انت مع شركة الاسانسير وتفضل تشحت من السكان الفلوس شحاته

[dedi]

كشف باسماء الذين دفعوا والذين لم يدفعوا يعنى احرج بالزوق
ثم كارت او مفتاح فقط مع الذين دفعوا

[mk3]

دلوقتي العمارة مفهاش اتحاد ملاك والاسانسير مش متركب وحاليا انا بجمع فلوس الاسانسير ومعايا نص التمن من فلوسه وبقية السكان مدوخني اللي يقولي كذا واللي يقولي كذا اقترحوا عليا اعمل ايه قانونا واجتماعيا عشان بدأت افقد اعصابي عشان انا دايخ مع السكان

لو فيها رزاله ممكن اعرف التكلفه الكليه اد ايه ؟

[moody_687]

للاسف السكان اللي مدوخني هما اللي مأجريين شققهم
واللي دفعوا الفلوس ليا هما الملاك اللي قعدين ف العمارة والمتضررين من عدم تركيب الاسانسير
المشكلة ان الناس اللي دفعولى الفلوس كل واحد دافع 5 الاف ج وده مبلغ طبعا
العمارة 7 ادوار وكل دور فيه 4 شقق يعني المفترض كل شقة 2500 ج ف خمسة ادوار فالعمارة فالناس دافعة ضعف الفلوس

[moody_687]

لو فيها رزاله ممكن اعرف التكلفه الكليه اد ايه ؟

الاسانسير هيتكلف اول عن اخر 50 الف ج

[نور القمر]

بس مشكلة المفتاح المشفر ان الرقم بيتسرب بطريقة ما لباقي السكان حتى للعيال وتلاقي الكل بيستخدمه وده حصل عندنا بالفعل

[Trondo]

يتعمل ب magnatic chip