لحظة لو سمحت

[YahiaAshraf]

بسم الله الرحمن الرحيم



لحظة يا باشا اذا سمحت اقرأ الموضوع

1- لو شوفت حد ماشى فى الشارع بيبتسم مرة.واحدة مع نفسه ...متركزش معاه مايمكن بيفتكر حاجة.حلوة تهون عليه ايامه.

..

2- لو.شوفت اسرة فى العربية اللى جنبك فى الإشارة بيتخانقو..إعمل نفسك مش واخد بالك..العربية لها خصوصية زى البيت متدخلش بعيونك...

3- لو.شوفت واحد بيكلم نفسه بصوت عالى وهو.ماشى متحسسوش إنه مش طبيعى ضغوط الحياة كل واحد بيتعامل معاها برد فعل مختلف عنك...

4- لو ولد او بنت صغيرين بيبيعوا مناديل وقرب بيديك المنديل ماتعملش قرفان من شكله وهيئته..مظهره مش بإيده لكن سلوكك إنت مسئول عنه...

5- لو راكب اى مواصلة طيارة قطر ميكروباص وكان فى طفل مع مامته عامل دوشة بلاش حركة تؤتؤتؤتؤ اوووووف...ماتحرجش الأم هى قرفانة اكتر منك يعنى هتعمل إيه ياتحاول تشغل الطفل وتضحكه ياتسكت، دى إسمها مواصلات عامة مش مواصلة ملاكى!!...

6- لو.ماشى فى مول ولقيت طفل فى عربيته الخاصة.وبيعيط وامه مش معبراه بلاش بصة إنها الأم المتجبرة ..ده مطلع روحها الشبر ونص ده مفيش حد هيحب إبنه اكتر من امه فبص الناحية التانية وكمل طريقك...

7- لو حد طلب منك المساعدة.فى الشارع وإداك كيس مناديل متدلوش الفلوس وعليه كمان البضاعة اللى بيبعها لا خدها متعلموش الشحاتة علمه إن بضاعته سر رزقه مش مظهره الغلبان...

8- لو بنت وقعت قدامك مش لازم تبينلها إنها فى موقف لاتحسد عليه إعمل نفسك مش مركز اصلا كفاية الرعب اللى هى فيه وقتها.

..

9- لو.شوفت شخص من ذوى الإحتياجات او عنده إعاقة معينة بلاش نظرات العطف والشفقة مين قالك إنه ممكن ميكونش احسن بكتير فى مجالات تانية بلاش تحسسه إنه مش طبيعى عادى كأنه زيه زيك..

.

10- لو واحد لابس نضارة شمس فى المغرب بلاش السخرية مايمكن عينه مريضة بشىء إنت اصلا بتدخل ليه؟؟..

11- لو.راجل بيكلم مراته فى السوبر ماركت على حاجة البيت بنقاش حاد متضحكش وتبين إنك معاهم ع الخط، اللى بتجيبه سعاتك بكل بساطة.غيرك بيخطط مرة وإتنين قبل مايشتريها....

12- ماتتريقش على ناس بتطلب تمن كيلو وتبص بإستغراب اوى .مش شياكة يعنى اشترى بكميات ولا مبدأ إن ياأجيب كمية يا مفيش خالص..خليك فى طلباتك عشان تلحق تروح...

حاجات كتيير اوى بنتدخل فيها لمجرد إن غيرنا عدى من طريقنا ...خليك فى حالك ومتعملش زحمة بفضولك كمل طريقك عشان متقعش وغيرك يركز معاك

[grumby78]

جميل جدا من اروع النصائح اللي قريتها .. في المجمل خليك في حالك

[eslamrace]

انت لخصت اغلب الظواهر السيئه اللى اصبحت منتشره فى مجتمعنا ويا رب تتغير
تحياتى .

[J A G U A R]

جميل والله وياريت نتعود علي الحاجات دى

[saddam]

صديقي المواطن
موضوع جميل ونصائح تكتب بماء الذهب ولكن أين المستمع وأين من يطبق إليكي أشكو همي وحزني يا بلدي على ما وصل إليه حالك
ومش تنسانا من نصايحك الجديدة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ihabyossef]

استاذ يحيى

الله يفتح عليك والله موضوع من اروع ما قرأت انت لخصت حاجات كتير اوي بتضايقني من تصرفات الناس اللي في الشوارع

بجد الله ينور

وعلى فكرة احنا اسكندرانية زي بعض

وشكرا

ايهاب يوسف

[abosharbat]

اكثر من ممتازة
رائعة وجزاءك الله كل خير

[mastr_n]

واللة لو رجعنا طبقنا تعاليم دينا الجميل وتمسكنا بسنة سيد الخلق محمد صلى اللة علية وسلم هانرجع تانى نبقى احسن الامم
جزاك اللة كل خير على النصائح الغالية

[Adel.Nasr]

دا احنا لو عملنا بالنصايح دي فعلا نبقى عومد :)

[Omar Mahmoud]

موضوع جميل و مفيد بس بالنسبة للنقطة رقم 6 مرة كنت في محل ملابس و طفل صغير في عربيته كان بيعيط بس ده عادي مش مشكلة بس بدل مالام تطنش او تسكته كانت بتضربه عايز اقوللك ان مفيش حد مشتمهاش او ماجابش في سيريتها

[S O P H O S]

كلام سليم تماما

[Ah.Farid]

بسم الله الرحمن الرحيم



لحظة يا باشا اذا سمحت اقرأ الموضوع

1- لو شوفت حد ماشى فى الشارع بيبتسم مرة.واحدة مع نفسه ...متركزش معاه مايمكن بيفتكر حاجة.حلوة تهون عليه ايامه.

..

2- لو.شوفت اسرة فى العربية اللى جنبك فى الإشارة بيتخانقو..إعمل نفسك مش واخد بالك..العربية لها خصوصية زى البيت متدخلش بعيونك...

3- لو.شوفت واحد بيكلم نفسه بصوت عالى وهو.ماشى متحسسوش إنه مش طبيعى ضغوط الحياة كل واحد بيتعامل معاها برد فعل مختلف عنك...

4- لو ولد او بنت صغيرين بيبيعوا مناديل وقرب بيديك المنديل ماتعملش قرفان من شكله وهيئته..مظهره مش بإيده لكن سلوكك إنت مسئول عنه...

5- لو راكب اى مواصلة طيارة قطر ميكروباص وكان فى طفل مع مامته عامل دوشة بلاش حركة تؤتؤتؤتؤ اوووووف...ماتحرجش الأم هى قرفانة اكتر منك يعنى هتعمل إيه ياتحاول تشغل الطفل وتضحكه ياتسكت، دى إسمها مواصلات عامة مش مواصلة ملاكى!!...

6- لو.ماشى فى مول ولقيت طفل فى عربيته الخاصة.وبيعيط وامه مش معبراه بلاش بصة إنها الأم المتجبرة ..ده مطلع روحها الشبر ونص ده مفيش حد هيحب إبنه اكتر من امه فبص الناحية التانية وكمل طريقك...

7- لو حد طلب منك المساعدة.فى الشارع وإداك كيس مناديل متدلوش الفلوس وعليه كمان البضاعة اللى بيبعها لا خدها متعلموش الشحاتة علمه إن بضاعته سر رزقه مش مظهره الغلبان...

8- لو بنت وقعت قدامك مش لازم تبينلها إنها فى موقف لاتحسد عليه إعمل نفسك مش مركز اصلا كفاية الرعب اللى هى فيه وقتها.

..

9- لو.شوفت شخص من ذوى الإحتياجات او عنده إعاقة معينة بلاش نظرات العطف والشفقة مين قالك إنه ممكن ميكونش احسن بكتير فى مجالات تانية بلاش تحسسه إنه مش طبيعى عادى كأنه زيه زيك..

.

10- لو واحد لابس نضارة شمس فى المغرب بلاش السخرية مايمكن عينه مريضة بشىء إنت اصلا بتدخل ليه؟؟..

11- لو.راجل بيكلم مراته فى السوبر ماركت على حاجة البيت بنقاش حاد متضحكش وتبين إنك معاهم ع الخط، اللى بتجيبه سعاتك بكل بساطة.غيرك بيخطط مرة وإتنين قبل مايشتريها....

12- ماتتريقش على ناس بتطلب تمن كيلو وتبص بإستغراب اوى .مش شياكة يعنى اشترى بكميات ولا مبدأ إن ياأجيب كمية يا مفيش خالص..خليك فى طلباتك عشان تلحق تروح...

حاجات كتيير اوى بنتدخل فيها لمجرد إن غيرنا عدى من طريقنا ...خليك فى حالك ومتعملش زحمة بفضولك كمل طريقك عشان متقعش وغيرك يركز معاك

قصد سيادتك اننا نرجع لاخلاق وطيبة زمان اللى مفتقدنها ويكون عندنا احساس بالمريض وذو الحاجة ونحترم ادمية البشر ,,,,,,
وياريت نركز ونوجة كلامنا لاجهزة الاعلام والمسئولين عنها اللى مسيطرين على عقول الكثير بكافة السبل المرئية والمسموعة والفضائيات والانترنت بالكلام والتلميحات والصفات الغير صالحة بالمرة (من نوعية ابراهيم الابيض وعبدة موتة وما اكثرهم ),,,والتى تهدف الى ظهور رموز ناجحة من البلطجية ونربى الاجيال القادمة على ان امثال هؤلاء هم الناجحين ,,,,,

[محمود السيد]

بجد الله ينور عليك وعجبنى قوى

...خليك فى حالك ومتعملش زحمة بفضولك

[nodey]

لقد اصبت الهدف بارك الله فيك