ما سعر usb modem المفتوح وأين يباع ؟

[MohammedAladel]

السلام عليكم

سقط الكمبيوتر وكنت اضع به فلاشة النت فانكسرت وأريد شراء أخرى جديدة

سألت على الفلاشة العادية سرعة 7.2 من فودافون التوكيل نفسه سعرها 125 جنيه
خارج التوكيل 80 جنيه فقط وفى كلا الحالتين لا يوجد مع الخط رصيد

سالت على فلاشة اتصالات خارج التوكيل سرعة 7.2 ميجابايت سعرها 90 جنيه بدون رصيد أيضاً
ومن الممكن فتح الفلاشة المغلقة على شبكة معينة ....ولكنى أريد معرفة أين يباع مودم النت بدون خط مفتوح على كل الشبكات ؟ وكم سعره ؟

[svneleven]

أي فلاشة من دول ممكن تتفتح علي كل الخطوط. أنا عندي واحدة اتصالات و شغال بيها في الكويت كمان.

[enayat]

أي فلاشة من دول ممكن تتفتح علي كل الخطوط. أنا عندي واحدة اتصالات و شغال بيها في الكويت كمان.

بعد اذن حضرتك ممكن اعرف اشتغلت عادي ولا حضرتك فتحتها ببرنامج ولا ازاي؟ وشكرا لحضرتك

[mohamed hussei]

اي فلاشة ممكن تفتحها ببرنامج بس للسف البرنامج مسحتوا و المدونة الي نزلت من عليها البرنامج اتقفلت بسبب حقوق الفكرية ولة الملكية

[the lawyer]

انت عايز نوع ايه ؟

[hugan]

يعني لو عندي فلاشه موبنيل
ممكن اشغلها اتصالات ولا ماينفعش

[M.Elwan]

ممكن تجيب وايرلس راوتر افضل من الusb
دى بتيجى مفتوحها وبتشتغل على اى خط وليها ميزة انها ممكن تتدخل بيها الايباد او التليفون على النت

https://www.facebook.com/iMediastore/photos/pb.177675352303469.-2207520000.1393673387./587722481298752/?type=3&src=https%3A%2F%2Ffbcdn-sphotos-f-a.akamaihd.net%2Fhphotos-ak-prn1%2Ft1%2F1522180_587722481298752_2007391782_n.jpg&size=600%2C800&fbid=587722481298752

[aly_hosny]

مش كل ال usb modemبتتفتح

حسب نوعها والموديل بتاعها

و لو عايز تشتري واحدة يونيفرسال هتلاقيها غالية جدا "كنت شوفتها ب300 جنيه تقريبا"

[amrezzat82]

بناءا على تجربة 100 حاجة و برنامج و منتديات عربي و اجنبي
مفيش غير عدد قليل من الفلاشات بيتفتح و ممكن كمان لما تفتحه تحتاج كل ما تشيله من الجهاز تعمل الموضوع تاني

البرامج كتير جدا اكتب فى جوجل موديل الفلاشة و اكتب جنبها unlocker software codes
و فى فلاشات بترفض و تتضر تعملها اعادة تحميل للفيرم واير بتاعها كانك بتربمجها زي الرسيفرات كدا

و بعد ماتتفحت لازم تحمل اليونيفرسال دايلر عشان تتصل بالشركة اللى عايزها لان برامج الشركات جترفض اصلا تتصل و اسم البرنامج Mobile_Partner
من الآخر حوار فاشل

هاتلك موديم 3g من راديو شاك
شركة اسمها LOGN منزلة كام موديل و فى شركة اسمها airlink , و سمعت كمان ان tp-linkنزلت جهاز
ابقى جرب الفلاشة قبل ما تشتري او اسأل الجهاز بيشغل ايه موديلات

[MohammedAladel]

قمت بالبحث عنها فى أكثر من محل ولم أجدها

ولكن وجدت فلاشة منتشرة فى أغلب المحلات من فودافون وليس مكتوب عليها ماركة محددة فهى ليست هواوى كعادة فودافون
ومكتوب عليها 21 ميجا بايت

تقريبا مكتوب عليها z4208
وسعرها 75 جنيه

ما رأيكم بها ؟ وهل اشتراها أحد وجرب فك شفرتها ؟
بالنسبة لفك الشفرة بيتم ببرنامج مساحته صغييرة لو بحثت على النت ستجد كثير من هذه البرامج

واستخدمته فعلا مع فلاشة اتصالات قديمة عندى اسمها mf 100 صناعة شركة zte
وقمت بفتحها واشتغلت مع موبينيل
ولكن بعد 4 سنين من العمل بكفاءة فجأة أصبحت أشارة الفلاشة ضعيفة ولا تستطيع أن تلقط إشارة ال 3g وقمت بفكها ولم أتوصل لشئ

ولكن قمت بتنزيل التحديث لبرمجة الفلاشة من موقع اتصالات أغلقت مرة أخرى

[svneleven]

كان عندي فلاشة اتصالات فتحتها و اتستعملتها في الكويت و بعد كده جبت فودافون بطلت استعملها و بعد شوية أخويا خادها و ففتحتهالو و شغلها علي اتصالات. فيه رقم imei بيكون مكتوب علي ضهر الفلاشة كنت بدخله في برنامج يطلع كود تدخله في الفلاشة بعد ما تحط فيها ال sim الجديدة و خلاص. هدور علي البرنامج و أقولك.