صديقي المواطن بيان رقم 2 بعنوان مسابقة الطريق إلى مكة

[saddam]

صديقي المواطن
أيها اﻷخوة المواطنون في كل مكان
أيها اﻷعضاء الكرام اﻷفاضل
إخواننا القياديين واﻹداريين في منتدانا الكريم

إنه ومنذ فترة تسلل إلي إحساس بالملل من تكرر ورتابة المواضيع واﻷسئلة وعدم وجود قوة دافعة ودماء جديدة لتحريك المنتدى وإرتأيت أن بالمنتدى طاقات كبيرة ولكن تحتاج من يفجرها ويطلع بأفضل ما عندهم
ولقد إرتأيت أن أبدأ بنفسي وأحاول قدر إستطاعتي أن نعمل ما نقدر عليه والباقي عليكم
ولقد قررت التالي

إني أنا صدام المواطن
أدعو كافة أعضاء المنتدى الكرام لعمل مسابقة محصورة بأعضاء المنتدى الكرام ممن تكون تاريخ عضويته حتى بعد 96 ساعة من كتابة هذه السطور
وقد راودتني أفكار كثيرة عن ماهية المسابقة
فأولها كانت عن تعديل السيارات ووجدت أن هذا ملعبي ولن يكون من اﻹنصاف أن أدخل في مسابقة أنا أنظمها وأيضا لن تكون منصفة ﻷنها لن تمس كل أعضاء المنتدى الكرام ثم فكرت بأن تكون المسابقة حول من قام بأكثر أعمال إنسانية تجاه المجتمع ثم فكرت بمسابقة تكون مثلا من أكثرنا برا بوالديه ويروي قصته ثم تراءت لي فكرة أراها الصواب
سأسلم اﻷمر للديمقراطية
وهذا الموضوع سيتم إعتباره ساحة لكي نتلقى فيه مقترحاتكم حول موضوع المناسبة وسنستمر بإستقبال الترشيحات واﻹقتراحات حتى اﻷول من شهر الرابع أبريل من عام 2014 ثم سندعو اﻹدارة لنشر رابط إجباري عند دخول المنتدى للتصويت حول موضوع المسابقة ثم نعتمد الموضوع وتنشيء اﻹدارة موضوعا رسميا للمسابقة ثم نبدأ ولو لم ترغب اﻹدارة برعاية الموضوع فسأقوم أنا ورفيق النضال العضو الفاضل الشيخ خالد بإدارة الموضوع وسنختار حكاما ممن ترشحونهم من أكثر اﻷعضاء شهرة وإحتراما في المنتدى
وسيتحمل صدام المواطن صاحب الغكرة الجوائز
وهي
رحلة عمرة مدفوعة التكاليف إلى أرض الله الحرام
إن كان الفائز من غير المسلمين فيتم إستبدالي للجائزة
برحلة إلى تركيا مثلا
أو يخير بين 4 إطارات وبطارية جديدة لسيارته
أو يأخذ جهاز المنزل عبارة عن ثلاجة وبوتاجاز وسخان كهربائي وغسالة

أما لو كانت الفائزة من اﻷخوات
فصعوبة إرسالها للعمرة لتطلب المحرم فسيكون إستبدال الجائزة حسب رغبتها
ولها الحق في اﻹختيار بين الجوائز البديلة أعلاه أو
عقدا من الذهب الخالص لن يقل عن 20 جرام

أرجو من اﻹخوة المواطنين التفاعل اﻹيجابي
وننتظر مقترحاتكم الكريمة

لمحات

تكلفة الجوائز
يتحملها العضو صدام المواطن
ويتحمل الشيخ خالد الرقابة واﻹشراف وهو من سيقوم بعمل دورة تعريفية قبل السفر للفائز إلى بيت الله الحرام عن الشعائر والفرائض في عمرته وكيفية أدائه بإعتبار أن الشيخ خالد ما بين عمرة وعمرة بيروح يعمل عمرة

موضوع المسابقة
أنتم تحددونه بحيث يكون موضوع يلمس كل اﻷعضاء الجديد والقديم

شروط المسابقة
أن يكون العضو منتسبا للمنتدى قبل يوم
2014/2/5


اﻹدارة مطالب منها ضمان جدية صدام المواطن
وسيتم تسليم الجائزة للإدارة قبل إعلان الفائز

يغلق باب المقترحات لموضوع المسابقة في يوم
2014/4/1

نسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mohamedbook]

اخ صدام جزاك الله خيرا
انا هعبر عن رائي من غير زعل دي وجهة نظري وممكن تكون غلط
بدل مندي واحد اربع فرد كوتش ومعاهم بطارية او نسفرة رحلة لتركية او للعمرة
والله فيه ناس كتير من الشعب المصري بياكلوا من الزبالة وفيه ناس مريضية مش لقية العلاج وواحده ياتيمة عايزة تتجهز واسر سورية كتيرة بعد الكرب الي حصلهم مش لقيين يصرفوا ومعاهم اطفال
بما انا حضرتك متيسر الحال ياريت الناس دي اولي من اننا نصرف الفلوس علي نفسنا عندنا سيارات والحمد لله وحالتنا كويسة ندور علي المحتاجين والفقراء الذين لا يسالون الناس الحافا
تقبل مروري ودي في الاول والاخر وجهات نظر ممكن يكون كلامي غلط بس وجه نظري كده

[saddam]

اخ صدام جزاك الله خيرا
انا هعبر عن رائي من غير زعل دي وجهة نظري وممكن تكون غلط
بدل مندي واحد اربع فرد كوتش ومعاهم بطارية او نسفرة رحلة لتركية او للعمرة
والله فيه ناس كتير من الشعب المصري بياكلوا من الزبالة وفيه ناس مريضية مش لقية العلاج وواحده ياتيمة عايزة تتجهز واسر سورية كتيرة بعد الكرب الي حصلهم مش لقيين يصرفوا ومعاهم اطفال
بما انا حضرتك متيسر الحال ياريت الناس دي اولي من اننا نصرف الفلوس علي نفسنا عندنا سيارات والحمد لله وحالتنا كويسة ندور علي المحتاجين والفقراء الذين لا يسالون الناس الحافا
تقبل مروري ودي في الاول والاخر وجهات نظر ممكن يكون كلامي غلط بس وجه نظري كده

صديقي المواطن
شكرا لنصيحتك الكريمة الغالية ويعلم الله وهو مطلع على القلوب أني لا أدخر جهدا رغم ظروفي في خدمة إخواننا من السوريين ولسه عامل عمليه ﻷخ سوري فاضل وأنا وكل أعضاء المنتدى الكرام نتسابق لفعل الخير وأنا أضعف حد فيكم وأكثركم تقصيرا في حق المحتاجين والمعوزين
ولكني أستحلفك بالله أن لا نحرف الموضوع عن ما أنشيء له
دي مسابقة جميلة لنجمع اﻷعضاء واﻷحباب ثم زيارة بيت الله الحرام عمل عظيم فمن يدريك لعل الفائز بتنازل عنها ﻷبيه أو ﻷنه فيدخل الفرح إلى قلوبهم في آخر أيامهم وإن كنت ترى نفسك وتراني من الموسرين فليس كل المنتدى ملاك سيارات وكثر منهم في أول الطريق فأرجوك إحنه لو فكرنا زي ما حضرتك أشرت بيه محدش حيعمل حاجة ولا حد حيركب عربية جديدة ولا حد حيبني بيت ﻷن كل ما يعمل حاجة حيقللك ﻷ ده فيه ناس محتاجة ده فيه ناس أولى
ثم حضرتك أغفلت إني من ضمن الحاجات التي أقترحتها لموضوع المسابقة هو ما يشبه التطوع للأعمال الخيرية
وأنا أشكرك بأن ذكرتنا بما قد يفوتنا ونعدك بأن لا نقصر فيه ما إستطعنا
وأستحلفكم بالله ندع النقاش في هكذا مواضيع ونلتزم بجو من البهجة في مواضيع المسابقة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed_Rahem]

انا اقترح ان المسابقة تكون متنوعة في نوعية الاسئلة، بمعنى لو سألت على معلومة عامة يبقى الى حافظها او عارفها. فننوع انواع الاسئلة ومصادرها، سؤال ذكاء، سؤال خاص بمهن معينة، أسئلة عامة، وهكذا.
وتاسلام ختام

[MTAK]

بصراحه مش عارف اقول ايه

الجائزه رحله عمره

جزاك الله كل خير

فى الفكره و فى التبرع للجائزه

[kar!m]

هي طبعا فكرة جميلة أحيي حضرتك عليها .. المشكلة في عالم الانترنت اللي احنا فيه .. الحصول على المعلومة أصبح سهل جدا .. أي حد هيبحث عن الأسئلة هيلاقي الاجابة .. ده حتى مش هيلحق يبحث .. جوجل هيكمل السؤال لوحده :-)

[Trondo]

استاذ صدام

الموضوع دا ممكن يعجبك

http://www1.youm7.com/News.asp?NewsI...4#.UxGnFmthiSM

تحياتى

[Ahmed abdkarim]

فكرة حلوة جدا .
جزاك الله خيرا وفعلا العمرة تعتبر احلى هدية

[saddam]

هي طبعا فكرة جميلة أحيي حضرتك عليها .. المشكلة في عالم الانترنت اللي احنا فيه .. الحصول على المعلومة أصبح سهل جدا .. أي حد هيبحث عن الأسئلة هيلاقي الاجابة .. ده حتى مش هيلحق يبحث .. جوجل هيكمل السؤال لوحده :-)

صديقي المواطن
غالب ظني لا تقلق لن تكون مباراة من اﻷسئلة واﻷجوبة ولا زلنا ننتظر بقية آراء كل اﻷعضاء من أجل ذلك تركت باب المناقشة مفتوح حتى أول أبريل القادم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

استاذ صدام

الموضوع دا ممكن يعجبك

http://www1.youm7.com/news.asp?newsi...4#.uxgnfmthism

تحياتى

صديقي المواطن
رغم إن الموضوع خارج موضوع المسابقة ولكن أنا حجاوبك ولكن مش حتوسع في الردود عشان يفضل الكلام في المسابقة فقط
بالنسبة لبطاح فالفرق بيني وبينه شاسع أولا هو يقتني فكرة وليس عاشقا للسيارات مثلي يعني هو يقتني حتى يقال عنه يقتني سيارة الراحل الكبير فلان وكما ترى حالة السيارات في الصور فهو لا يفهم معنى التجديد والتعديل وإنت شفت حال الصور وأنا لو قطعتني حتت لا يمكن أوري عربياتي صور ﻷي حد وهي بالمنظر ده لازم تجدد أحسن من اليوم اللي صنعت فيه ثم يمكن بطاح ماليا قبل الثورة كان أقل مني بكثير ولكن اليوم هو تفوق علي وحتى أقف على قدمي ماديا مرة أخرى فستكون لي صولات وجولات معه ثم أنا أعرف بطاح شخصيا وموضوع 50 مليون من شاكيرا ده فيلم وبطاح لو كان إتدفعله 2 مليون دولار بس كان فكك العربية ووصلها بشنط وجمعهالها هناك في بيت شاكيرا وأنا حاليا معنديش غير 11 عربية ونص مرشحة خلال 6 شهور أن تصل 13 أو 14 عرببة العلم عند الله واﻹنجاز في التطوير عندي ليس بالسرعة التي أتمناها ولكن أنا أعشق سياراتي وأعاملها كما أطفالي لكن حبيبي بطاح روح شوف بعينك بعض العربيات مرمية في كراج عام وحالتها مكسرة ويستخسر فيها حتى غطا
والفرق أيضا أنا عاشق ﻷنواع معينة من العربيات مش كل العربيات يعني تهمني العربية ذات نفسها وليس كانت عند مين يعني لسه من شهرين شاري عربية طلعت لسه بإسم إبن عم السادات وكنت حشتري عربية ووقفنا على 10 آلاف جنيه كانت بتاعت جيهان السادات وربك وفقني بعديها بأسبوع بأحسن منها ونفس الشكل والموديل بعربية كانت في موكب حسني مبارك فالموضوع مش مهم.بتاعت مين المهم العربية وربنا يوفق الجميع ولسه شغالين وأنا بقتني وبعدل حديث وقديم مش قديم بس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

نعود اﻵن لموضوع المسابقة وننتظر المقترحات ﻹختيار الموضوع

[monamize4]

مبدأيا انا داخل اشكرك يا استاذ صدام ع الفكرة الحلوة دى

ثانيا ,, ياريت تبقى الجايزة عبارة عن حاجة بسيطة رمزية زى اكسسوارات العربيات مثلا
عشان نرفع الحرج من الموضوع لان صعب ان حد ياخد جايزة زى دى من شخص مش من مؤسسه
لان صعب ان حد يرضى ان شخص تانى يصرف عليه و دا رأى الشخصى

ثالثا ,, بقترح ان المسابقة تكون فكرتها بسيطة
زى مثلا عن ان كل واحد يصور عربيته من بره و جوه و نشوف زوق كل واحد ف التعديل طبعا ف الشكل فقط
و نعمل استفتاء عن اجمل تعديل و اكتر شكل متناسق و اللى يكسب ياخد الجايزة بشرط ان مثلا اللى يكسب
يكون ع الاقل اخد 100 صوت و كل جولة يتنافس فيها 10 اعضاء

و طبعا الفايز لما يجى يستلم الجايزة يبقى يجى بالعربية اللى فاز بيها و معاه الرخصة و البطاقة
عشان نضمن نزاهة الموضوع

[saddam]

مبدأيا انا داخل اشكرك يا استاذ صدام ع الفكرة الحلوة دى

ثانيا ,, ياريت تبقى الجايزة عبارة عن حاجة بسيطة رمزية زى اكسسوارات العربيات مثلا
عشان نرفع الحرج من الموضوع لان صعب ان حد ياخد جايزة زى دى من شخص مش من مؤسسه
لان صعب ان حد يرضى ان شخص تانى يصرف عليه و دا رأى الشخصى

ثالثا ,, بقترح ان المسابقة تكون فكرتها بسيطة
زى مثلا عن ان كل واحد يصور عربيته من بره و جوه و نشوف زوق كل واحد ف التعديل طبعا ف الشكل فقط
و نعمل استفتاء عن اجمل تعديل و اكتر شكل متناسق و اللى يكسب ياخد الجايزة بشرط ان مثلا اللى يكسب
يكون ع الاقل اخد 100 صوت و كل جولة يتنافس فيها 10 اعضاء

و طبعا الفايز لما يجى يستلم الجايزة يبقى يجى بالعربية اللى فاز بيها و معاه الرخصة و البطاقة
عشان نضمن نزاهة الموضوع

صديقي المواطن
أبادلك الشكر والتحية ووجهة نظرك تحترم
ولكن أخيك صدام المواطن هو أخ أصغر أو أخ أكبر حسب الفئة العمرية لكل أعضاء المنتدى الكرام ومفيش أي حرج ولا حاجة وأنا زمان كنت بعمل مسابقات خارج مصر وكانت بتيجي في التلفزيون ثم أخوك صدام المواطن دولة وعلم لوحده ومفيش أي إحراج بالعكس ده إحنه حنعمل مقابلة وداعية وندعو كل اﻷعضاء لتوديع الفائز في المطار
أما ثانيا كانت أصل الفكرة قبل أن تختمر في رأسي كانت أن أعمل مسابقة في تعديل السيارات بأن أتحدى أي حد نروح نشتري عربية مكسرة ونتقابل بعد سنة ونصور كل مراحل العمل ونحط جايزة كبيرة بأن المنتدى مثلا يشتري عربية الخاسر ويهديها للفائز بعد كده فكرت وقلت ده مجد شخصي ويمكن من 150 ألف عضو في المنتدى مش حيشترك غير أنا ومعايه عضوين أو تلاته بالكتير بعد كده قلت ﻷ لازم المسابقة تمس كل اﻷعضاء وممكن يشتركوا بيها أما إقتراحك فأحب أقول لك نصف المنتدى معهمش عربيات ولسه شباب في مقتبل العمر ولسه بيحلم يجيب عربيه فبكده حيتحرم من المشاركة
ولكن أنا منتظر آراء باقي اﻷعضاء
وممكن نحط شوية مقترحات زي مثلا
كل واحد يخش ويقول هو ليه عايز يزور الكعبة
أو.مثلا من صاحب أكثر قصة ظلم حصلت له في حياته
أو مثلا من أكثر واحد برا بوالديه
أو مثلا من صاحب أكثر رحلة كفاح وتضحيات
أو من صاحب أكثر مصائب تعرض لها في حياته
أو حد يخش يقول ليه هو أحق واحد بالفوز في المسابقة ومنتظرين إقتراح الأخوات كمان
عايزين تفاعل وأفكار جديدة فكروا معايه
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[Ah.Farid]

استاذ صدام فكرة رائعة فكرة المسابقة بس حابب اضيف مايلى :
لية تجديد سيارة قديمة ممكن يكون اختراع او تطوير هام او ابتكار فى جزء من اجزاء السيارة ويتم تقييمة بمعرفة لجنة من مهندسين فى مجال السيارات

[saddam]

استاذ صدام فكرة رائعة فكرة المسابقة بس حابب اضيف مايلى :
لية تجديد سيارة قديمة ممكن يكون اختراع او تطوير هام او ابتكار فى جزء من اجزاء السيارة ويتم تقييمة بمعرفة لجنة من مهندسين فى مجال السيارات

صديقي المواطن
أهلا بمقترحك الكريم وأيضا لا يزال باب المقترحات مفتوحا حتى شهر 4 القادم وأنا والشيخ خالد في طور إتصالات مستديمة للتوصل حول أفكار للمسابقة تمس 90% من أعضاء المنتدى ذكورا وأناثا مسلمين وغير مسلمين عنده سيارة أم ليس عنده سيارة لذلك غالبا ستكون فكرة المسابقة بعيدة عن إمتلاك السيارات أو تعديلها وممكن برضو تكون مسابقة تعديل ونقسم الجمهور لمصوتين ونعمل قرعة لكل الجمهور اللي صوت للفائز والقرعة تختار الفائز بالجائزة الكبرى
وكل ده مقترحات واﻷمر متروك للأعضاء في إختيار موضوع المسابقة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ibrahim sallam]

أقترح على الاخوين الكريمين صدام والشيخ خالد...

بان يكون مضمون المسابقه عباره عن بحث ...

سواء عن ثورة يناير إلى يومنا هذا....

أوعن شخصيه مشهوره سواء من الصحابه او من الاعلام المشاهير مثل صلاح الدين مثلا او غيره(حسب الإختيار)...

أو عن حقبه زمنيه معينه ... إلخ

واقترح ان يتم إرسال البحث بالبريد سواء للاخ صدام او الشيخ خالد

ثم يعرض مصورا هنا في المنتدى