هل ترى فقرة الاغاني في برنامج باسم يوسف مناسبة للبرنامج !! ؟

[Y a r i s]

هل ترى أن فقرت الأغاني في برنامج باسم يوسف مناسبة للبرنامج ؟

اسمحولي مش هقول رأيي علشان مئثرش على نتائج الاستفتاء
وأكيد نظرت الشباب. او نظرت كثير من الناس تختلف عن نظرتي الخاصة للامور :)

يالله صوتوا واكتب رأيك بكل صراحة ... بس مش بصراحة قوي علشان محدش يزعل هههه.

@@@@@@@
وتحياتي

[dede_dodo88]

أنا شايفها فقرة كويسة خصوصاً أنه بيجيب مواهب شابة مش معروفة لكل الناس و أغلبهم بيبقى مميز جداً فبيتشهر أكتر بعد ظهوره في البرنامج و دي حاجة تحسب لباسم..
من ضمن الناس اللي عرفتهم عن طريق البرنامج و عجبوني جداً,
أبو و الشباب, مسار أجباري, فابريكا..

[#MAAM#]

بصراحة أنا شايفها غير مناسبة وبقلب على طول اول مابتيجي مش عشان الاغاني مش عجباني بس بزهق منها وبدور على حاجة تاني

[Y a r i s]

. اااااه بالمناسبة انا لا اقصد الاغاني الي بيغنيها باسم
انا اقصد. فقرة المواهب الشابه .... ومتابع معاكم وشكراً :)

[amr011111]

لا مش بحب اشوفها بحس ان هوه علشان يكمل الساعه ونص بيملى البرنامج فى الاخر بفقرات مش بحب اشوفها وبحول علطول

[hossam_elwani]

الاراجوز ليه فقرات كتير من ايام سينما الاطفال فما تفرقش الفقرات مناسبه ولا مش مناسبه المهم انه فى الاخر اراجوز

[Trondo]

بيظهر فرق شابه و فيهم الكويس و فيهم اللى مش قوى
بس بيديهم فرصه للظهور و النجاح

عاوز تسمع حاجه حلوه ... دور على اغنيه قديمه اسمها بيقولوا الريس قاعد ... على قلبكوا قاعد :)))

الفقرات الجانبيه اللى بتكون موجوده لذيذه ... زى الجمعه اللى فاتت بتاعت الواد الماليزى :))

[r0xer]

فقرات جامدة جدا وبعضها كوميدي وبعضها مواهب.

باسم بيجيب ناس زي كايروكي وغيرهم فعلا بيدو جو للبرنامج...

انا صوتت بإنه مناسب :)

[AboELsoud]

هيه حلوه عشان بيكتشف مواهب جديده

بس المشكله ان المواهب ساعات بتطلع مش حلوه فلازم تقلب ساعتها

و ساعات بيجيب ناس مشهوره اصلا و حلوه زي محمد محسن المره اللي فاتت

بتبقى حلوه اوي ساعتها

[hosar]

كتييييييييييير ولا ليها أى لازمة

[AhMeD MeTwAlY]

انا بسمعه بالصدفه بس بصراحه مبيخنقنيش قد الالفاظ الخارجه الي بتحصل بحس ان مفيش غير ان الكلام الخارج هو الي مرغوب ودا بقئ في كل طبقات المجتمع
الاغاني مبسمعهاش لاني بسمع البرنامج بالعافيه

[ahmedteam]

شايف انها فقره مش ظريفه علشان مش ده هدف البرنامج + مبحبش اقعد اسمع اغانى متواصله كده و خلاص بزهق و بحس ان مسمعتش و لا كلمه اصلا

[S O P H O S]

كراي غير

[khaled_sabry]

هى مش دايما اغانى على فكره
تقدر تقول عليها فقره فنيه اعلانيه

[Y a r i s]

هااااااااا
لسه شايفين فقرت الاغاني مناسبة


The nile project

قرب لاي حبيبي قرب لاي حبيبي