من مذكرات زوجين مصريين

[Gamal.Eid]

بمناسبه الزوج و الزوجه علشان تعرفوا ان معظم الناس لم تتعمق فى العلاقه الجميله مع زوجاتهم

شوفوا الحوار ده

في حاجات مش هتعرفها غير وانت متجوز. لا مش اللي في دماغك عشان دا كل الناس عرفاه.

انك تبأى قاعد بتشرب كباية شاي وتلاقيها عاملة نسكافية لنفسها فتروح واخده منها وتشرب الاتنين. وتقولك بألف هنا يا حبيبي وتعمل واحد تاني

.. لما تحلق دقنك تلاقي حد يحطلك افتر شيف

وانت قاعد تقرأ الجورنال.. قلمك اليوني بول الاسود مش هيضيع كل ربع ساعة

. دايما في شور جيل ريحته حلوة في الحمام.

هتلاقي حد تديله شرباتك القديمة.
المرة الوحيدة اللي هتحس بنشوة النصر في كل الالعاب ابتداءا من الكوتشينة والطاولة والشطرنج مرورا بخبط الكورة في الحيطة بمهارة وتديها كباري.. وطبعا هتطبق كل حركات الاستاذ ممدوح فرج في المصارعة عليها؛ الدي دي تي والسوفلكس والتروكي.

هتلاقي حد يطبلك.. حقيقي الست بتاعتك لما تحبك وتطبلك هتحس انك اجدع من يوليوس قيصر.. مش هتعوز حاجة تانية في الدنيا. مش هيهمك اللي بيكسر عليك وانت سايق أو اللي بيكرهك في الشغل أو المرتب المتأخر..

سندوتش الجبنة في الفطار هيجيلك اربع تربع على طبق حواليه قطعتين زيتون وشرايح خيار وفنجان قهوة بوش.. مش رغيف تاكله وانت قاعد في التلاجة زي كلب البحر.

هتلاقي حد تعمل فيه مقالب وتخوفه وتستمتع بتمسحه يتحامى فيك.. كل مرة هتسقف جامد وهي بتحط فيشة السخان فتتفزع هي وتفتكر ماس.. وتفضل تشتم فيك وانت عمال تضحك زي الاهبل في الصالة.

وفجأة تسمع صويت في المطبخ تجري عليها، تلاقيها واقفة في ركن المطبخ خايفة من خنفسة على الحيطة.. فتمسك الشبشب كأنك هانيبال الافريقي الذي دوخ جيوش الرومان، وتقضي على الخنفسة بضربة واحدة، فتيجي تشدك من كمك في امتنان، فتحس انك قمت بانتصار يفوق سقنن رع في مواجهة الهكسوس أو رمسيس الثاني في معركة قادش.

وكل ما تبدأ هي دايت تروح تشتري نص دستة جاتوه من مونجيني وتقعدوا تحتفلوا بالدايت سوا.. وليحيا الكرش.. وتقولها يا حبيبتي شكلك كدة حلو.. دايت ايه وخيبة ايه الست المصرية الرقيقة لازم تكون عريضة المنكبين واسعة المجانص وعندها رباط صليبي.

- وحضرتك متجوز على كدة..؟


.
.
.
.
.
.
.
.
.
.
.
.
.
.
.
.

.
.
.
.
.
.

- لا أنا مطلق ..!

منقول

ههههههههههههههههههههههههههههههه اهى لاء انا مطلق دى فصلتنى ضحك هههههههههههههه

[exelence]

محدش بيعرف قيمة الفضا اللى فى حياته الا لما يتجوز و ما يبقاش لاقى وقت حتى يفكر.
فكرتونى بواحد صاحبى زوجته بتسأله على الأكل ايه رايك فى الأكل النهارده قالها تحفه بجد تسلم ايدك
اليوم اللى بعديه قدمتله نفس الأكل لانها ما عملتش اكل جديد و سألته نفس السوال الراجل كان هيعيط و قالها يا بنتى ما انا قلت لك امبارح الأكل تحفه هوانتى عامله اكل جديد ولا لازم مع كل اكله احلف انه أكل حلو.

[محمود السيد]

كونى لهو جارية يكن لكى عبد

[zrzr1]

ههههههههههههههههههههههههههههههههههه ايه كمية الضحك دي يا جدعان

[amrelsha3er]

محدش بيعرف قيمة الفضا اللى فى حياته الا لما يتجوز و ما يبقاش لاقى وقت حتى يفكر.
فكرتونى بواحد صاحبى زوجته بتسأله على الأكل ايه رايك فى الأكل النهارده قالها تحفه بجد تسلم ايدك
اليوم اللى بعديه قدمتله نفس الأكل لانها ما عملتش اكل جديد و سألته نفس السوال الراجل كان هيعيط و قالها يا بنتى ما انا قلت لك امبارح الأكل تحفه هوانتى عامله اكل جديد ولا لازم مع كل اكله احلف انه أكل حلو.

هههههههههههههههههههههههههه
موتنى ضحك هم كده فعلا

[amrelsha3er]

الجواز لادين له

[besso]

ياااااااااااااااه للدرجه دى شايلين
بجد موضوع مسخره ههههههههههههههههههه

ده انا على كده مش هاتجوز بقى هههههههههههههههههههههههههههههه

المهم طمنونا المشكله طلعت مارش ولا بطاريه ؟؟ ههههههههههههههههههههههههه

[omar-saad]

تقريبا اى حد عازب هايقرا الموضوع دا
وانا اولهم هضرب عن الجواز
هو الوحد نقص جنان اكتر من اللى هو فيه

[Mahmoudyoussif]

مالو الجواز ولله العظيم بتحس انك بتربي طفل زيادة فوق الطفل اللي معاك
الست لازم الواحد يتعامل معاها كجنتل مان لان هي بتحب كدة و بتحب الاهتمام بيها
بمعنى تحسسها خوفك عليها تاخد رايها في الكبيرة و الصغيرة
انا بستغرب من ناس بتنزل مع اصحابها بالساعات و تكون وظيفة زوجته انها تعمل الاكل اول ما يجي البيه
و تنضفله هدومه عشان ينزل تاني ... راعي شعورها و حط نفسك مكانها من تنضيف للبيت لتربية اطفال
لعمل اكل لحضرتك ... الواحد فينا لما بيزهق من الشغل بيريح ... هيا بقى تعمل ايه
طبعا لو الكلام اللي فوق دا انت عملتة مع زوجة طبيعية الطبيعي انك تلاقيها بسبوسة معاك عالاخر
و لا مانع من قليل من التنغيص مع تكبير الدماغ ... لكن لو ما جابش نتيجة فاحسن حاجة هو الحرمان من الاشياء اللي انت كنت بتعملها عشان تعرف قيمتها و التجاهل تماما ... لان اكتر ما يقتل النساء هو التجاهل

[mostafa magdy]

أنا إتقال لي " إنت بتحب العربيه أكتر مني " بعدد شعر راسي :d
تحياتي

[pro_samir]

هههههههههههههه

قلبت عليا المواجع

تقول القاعده الثالثة عشر: لو الدنيا اتطربقت فوق دماغك وبيتك علي وشك يتخرب مش من حقك تبوز في وشها حتي لو كنت سايب كل مشاكلك و رايح معاها مشوار.. هي ملهاش ذنب تديها بوز، لكن هي من حقها تنكد عليك و علي اللي خلفوك وتديلك احلي بوز لمجرد ان حد ضايقها.

من القواعد الأربعون للمفشكل المغبون
محمد بن سمير

[Survival]

كنت بحب انظف عربيتي بنفسي لدرجة ان الجيران كلهم بيقولولي ان عربيتى انظف عربية فالشارع مع ان لونها نبيتي.
مراتى فضلت ورايا لحد ما بقت عربيتى الجديدة السلفر بقت هى التراب لون واحد. و من جوه بنظف الكرسي بتاعى بس. جت تقولى نظف العربية اديتها الفوطة الفايبر.

[hilal]

موضوع جميل وواقغي جدا
بالنسبة لي الواقع اكثر من ذلك
انا لا اسمع ماذا تقول زوجتي اصلا عند انشغالي مع السيارة
لدرجة انها تحلف انها قالت لي شيء معين في السيارة ، وانا احلف اني اول مرة اسمع الكلام ده
ولذلك اتفقت معها الا تقول اي شيء مهم اثناء انشغالي مع السيارة لاني باسمع من هنا وافوت من هنا

[rompo10]

اجري يامجدي