عايز اعزل

[abdelrahmaaan]

دلوقتى انا ساكن فى منطقة شعبية ساكن فى الدور الاول وتحتى ييجى 100 محل وقهوة وبلايستشن وكل يوم خناقات وشتايم وشرب حشيش...انا عايز اعزل اسكن فى منطقة هادية وفى نفس الوقت متكونش مقطوعة ومواصلاتها سهلة لوسط البلد عشان شغلى فى وسط البلد مع العلم كل اللى معايا 350 الف ايه احسن منطقة اسكن فيها بالسعر دا

[asaeed]

الترتيب من حيث الرقي
التجمع الثالث
اكتوبر
العبور
إما المعادي الجديدة مساكن السعودية ودي تعتبر وسط البلد
او المقطم جميلو وهادية

[abdelrahmaaan]

طيب هل دول الشقق فيهم بلسعر دا ولو حضرتك مكانى تسكن فين من حيث الاقرب لوسط البلد

[MEDO84EG]

بص يا فندم بالنسبه ليا شوف اكتوبر راقيه اوي ما شاء الله و مدينه ممتازة و الدائري جنبك
و استخير و دور و ربنا يجعلها بداية خير عليكم

[abdelrahmaaan]

طيب فين فى اكتوبر لانى اسمع انها تجمعات وانا عايز مكان ميكونش مقطوع يعنى الاقى اماكن اخرج فيها ومستشفيات ودكاترة وكدة يعنى

[أسامه طياره]

انا ساكن في اكتوبر وبنصحك ابععععععععععد عن اكتوبر مدينه سمعه بس لكن هي سيئه للغايه مواصلاتها الداخليه زفت والامان فيها قليل ومركزها اسمه ميدان الحصري بيطفح فيه المجاري ومليان باعه جائلين ولا العتبه معظم شوارعها مكسره وخدماتها من مرور وشهر عقاري زبااااااااااله وغير ادميين بالمره انا ساكن في الحي الرابع مهانه وقلة كرامه وانسانيه في الشهر العقاري وانا بسجل عربيتي وفي المرور وانا برخصها والمواصلات الداخليه انا ساكن على محور الكفراوي الحي الرابع ياتركب توكتوك يقولك عاوز 10 جنيه ياتركب عربيه نص نقل زي بتاعة البوكس وتوطي وانت راكب وانت خارج وحاجه قلة كرامه وبحلم باليوم اللي اقدر اسيبها فيه ده غير ان عشان تنزل وسط البلد ياتاخد المحور وده هتكاكي في اخره بالساعتين اغلب الوقت عشان توصل لميدان لبنان ياما تاخد الدائري بتاع اكتوبر اللي مكسر ومقضينها تصليحات وعشان كده بردو واقف طول الوقت عشان اخرج انزل الجيزه بقضيلي بتاع ساعه واكتر حاجه زفت ده غير ان الخدمات قليله يعني في حاجات كتير مبلاقيهاش هنا وبضطر انزل الهرم او اي حته تحت وطبعا مشوره وقرف ابععععععععععد عن اكتوبر نصيحه من ساكن متعذب واتحدى اي حد ساكن في اكتوبر يشوف ردي يغلطني في حرف من اللي كتبته

[foxhonda2008]

ذودهم شويه و اديلك شقه دوبلكس 3غرف و ريسبشن و 2حمام و مطبخ منفصل مساحتها 190 م
و في منطقه كويسه في الهرم و متشطبه سوبر سوبر لوكس و تعالي اتفرج عليها الاول لو عجبتك نقرب المسافات مع صاحبي
و الله صارف عليها كتير ما شاء الله
تحفه فنيه و العمارة على الشارع الرئيسي

[foxhonda2008]

و على فكرة قريبه من الدائري بتاع ميدان لبنان يعني 30 دقيقه بالكتير بتكون في وسط البلد
و العربيات التويوتا بتاعت رمسيس بتعدي من قدام العمارة عندك
و قدامك على الجنب التاني من الشارع سوبر ماركت كبير و تحت العمارة صيدليه و قريب من كل حاجه

[abdelrahmaaan]

كويس انك قولتلى يا استاذ اسامة..بس هل زايد نفس المشكلة???

[abdelrahmaaan]

و على فكرة قريبه من الدائري بتاع ميدان لبنان يعني 30 دقيقه بالكتير بتكون في وسط البلد
و العربيات التويوتا بتاعت رمسيس بتعدي من قدام العمارة عندك
و قدامك على الجنب التاني من الشارع سوبر ماركت كبير و تحت العمارة صيدليه و قريب من كل حاجه

معلش انا اسف انا عايز ابعد عن ااهرم وفيصل والحتت اللى فيها قلق دى انا عارف ان اللى معايا يسكننى هناك بس انا مش فى اختياراتى الهرم او فيصل

[Mohamed_Hamid]

الترتيب من حيث الرقي
التجمع الثالث
اكتوبر
العبور
إما المعادي الجديدة مساكن السعودية ودي تعتبر وسط البلد
او المقطم جميلو وهادية

ليه عمارات السعودية ممكن حاجة احسن فى العمارات اللى طالعة جديد عند ارض القادة وتقريبا نفس المبلغ او زيادة حاجة بسيطة اوى

[A.Saad]

انا ساكن في اكتوبر وبنصحك ابععععععععععد عن اكتوبر مدينه سمعه بس لكن هي سيئه للغايه مواصلاتها الداخليه زفت والامان فيها قليل ومركزها اسمه ميدان الحصري بيطفح فيه المجاري ومليان باعه جائلين ولا العتبه معظم شوارعها مكسره وخدماتها من مرور وشهر عقاري زبااااااااااله وغير ادميين بالمره انا ساكن في الحي الرابع مهانه وقلة كرامه وانسانيه في الشهر العقاري وانا بسجل عربيتي وفي المرور وانا برخصها والمواصلات الداخليه انا ساكن على محور الكفراوي الحي الرابع ياتركب توكتوك يقولك عاوز 10 جنيه ياتركب عربيه نص نقل زي بتاعة البوكس وتوطي وانت راكب وانت خارج وحاجه قلة كرامه وبحلم باليوم اللي اقدر اسيبها فيه ده غير ان عشان تنزل وسط البلد ياتاخد المحور وده هتكاكي في اخره بالساعتين اغلب الوقت عشان توصل لميدان لبنان ياما تاخد الدائري بتاع اكتوبر اللي مكسر ومقضينها تصليحات وعشان كده بردو واقف طول الوقت عشان اخرج انزل الجيزه بقضيلي بتاع ساعه واكتر حاجه زفت ده غير ان الخدمات قليله يعني في حاجات كتير مبلاقيهاش هنا وبضطر انزل الهرم او اي حته تحت وطبعا مشوره وقرف ابععععععععععد عن اكتوبر نصيحه من ساكن متعذب واتحدى اي حد ساكن في اكتوبر يشوف ردي يغلطني في حرف من اللي كتبته

مجارى فى الحصرى دى مش شوفتها
الزحمة فيه حقيقة
المواصلات الداخلية صعبة
لو معاك عربية هتبقى اسهل كتير

الخدمات اللى بتعانى من نقصها
زى ايه وممكن اساعدك فيه

[احمد المصرى]

انا ساكن في اكتوبر وبنصحك ابععععععععععد عن اكتوبر مدينه سمعه بس لكن هي سيئه للغايه مواصلاتها الداخليه زفت والامان فيها قليل ومركزها اسمه ميدان الحصري بيطفح فيه المجاري ومليان باعه جائلين ولا العتبه معظم شوارعها مكسره وخدماتها من مرور وشهر عقاري زبااااااااااله وغير ادميين بالمره انا ساكن في الحي الرابع مهانه وقلة كرامه وانسانيه في الشهر العقاري وانا بسجل عربيتي وفي المرور وانا برخصها والمواصلات الداخليه انا ساكن على محور الكفراوي الحي الرابع ياتركب توكتوك يقولك عاوز 10 جنيه ياتركب عربيه نص نقل زي بتاعة البوكس وتوطي وانت راكب وانت خارج وحاجه قلة كرامه وبحلم باليوم اللي اقدر اسيبها فيه ده غير ان عشان تنزل وسط البلد ياتاخد المحور وده هتكاكي في اخره بالساعتين اغلب الوقت عشان توصل لميدان لبنان ياما تاخد الدائري بتاع اكتوبر اللي مكسر ومقضينها تصليحات وعشان كده بردو واقف طول الوقت عشان اخرج انزل الجيزه بقضيلي بتاع ساعه واكتر حاجه زفت ده غير ان الخدمات قليله يعني في حاجات كتير مبلاقيهاش هنا وبضطر انزل الهرم او اي حته تحت وطبعا مشوره وقرف ابععععععععععد عن اكتوبر نصيحه من ساكن متعذب واتحدى اي حد ساكن في اكتوبر يشوف ردي يغلطني في حرف من اللي كتبته

ايه كل دا يا باشا دا انت مفقوع اوى من 6اكتوبر بس اقولك انت معاك حق بس الصوره من غامفه اوى كدا برضوا



انا ساكن على محور الكفراوى برضوا وفعلا بخصوص السيارات بتاعت محور الكفراوى امنيه حياتى انها تتلغى خالص ولا زم تتغير لعربيات محترمه لانها غير اداميه بالمره خالص



بالنسبه للخدمات الشهر العقارى انا اتعاملت معاه اكتر من مره وبالنسبه ليا افضل مليون مره من الشهر العقارى بتاع الجيزه مثلا بخلص ال عايزه فى وقت مش كبير بصراحه


بالنسبه للمرور طبعا حدث ولا حرج علشان تخلص ورق بسيط عايز ساعات وساعات بس نقول انت دا عيب عام مش خاص يعنى كل المرور كدا مش مرور اكتوبر بس

الزحمه

انا شخصيا من بروح الحصرى خالص نهائيا نهائيا ولغا بعدى من هناك غير ممكن الساعه 7 الصبح علشان بيكون فاضى


علشان تنزل من اكتوبر لوسط البلد مش بفكر اساسا فى الفكره دى

بس برضوا اكتوبر هاديه ودى اكبر ميزه فيها مش بتلاقى محل حداد ولا نجار تحت البيت ولا وجع قلب وخلافه

وتشرفت بمعرفتك يا باشا

[abdelrahmaaan]

طيب زايد يا جماعة نفس مشكلة اكتوبر ولا احسن

[mohamed hussei]

المقطم هو الحل متوسط البلد ومشكلة قليلة 350 الف ممكن تسكن في شقة 2 اوضة في الهضبة العلية بعيد عن منطقة السوق وممكن 3 اوض في الهضبة الوسطي بس الخدمات لسا قليلة بس المنطقة في خلال سنتين هتبئا عاملة زي الهضبة العليا