حد يعرف توكيل بوتاجازات اريستون ( موديل قديم )

[michohat]

السلام عليكم ورحمه الله وبركاته

عاوز اعرف اذا كان في توكيل لبوتاجازات اريستون 5 شعله موديل قديم ( عمره تقريبا 20 سنه )
الزجاج الحراري الخارجي للفرن انكسر ومش لاقي بديل للزجاج ده
رفعت المقاسات هو ارتفاع 40 سم في طول 88 سم

حد يعرف الاقي المقاس ده فين او حتى لو كان لسه له توكيل

كلمت جريش اللي في العاشر قال لي ممكن يعمله لي بس اجيب معايا باب الفرن وانا جاي ( دي مش مشكله ) يرفعوا المقاسات وانه هياخد وقت علشان يعملوه ويجهزوه فسايب جريش ده اخر الحلول

[Medo.Malek]

المركز المعتمد للصيانة: صيانه-اريستون
لقيت ده على جوجل
لو الرقم مش مظبوط اعمل سيرش على توكيل اريستون القاهرة هاتلاقى كذا لينك

[michohat]

المركز المعتمد للصيانة: صيانه-اريستون
لقيت ده على جوجل
لو الرقم مش مظبوط اعمل سيرش على توكيل اريستون القاهرة هاتلاقى كذا لينك

للاسف مفيش توكيل محدد للماركه لقيته في البحث على جوجل
كل الموجود مراكز صيانه عاديه واخده الاسم بس والدليل انها واخده تصليح اكتر من ماركه

[dedi]

حضرتك سالت فى محال قطع الغيار ومالقيتش لانة الاسم دة من الاسماء التى كانت منتشرة من فترة
انا كان عندى الزجاج اتكسر وافتكرت انى موش هالاقية ولقيتة وهو ماركة اكسبير مصانع حربية

[michohat]

سألت في محلات قطع الغيار اللي عندي في الزقازيق مش لاقي المقاس ده
مش عارف هل اجيب ازاز عادي واعدل يد البوتاجاز بس الموضوع ده مش نفع لان الزجاج اللي انكسر كان متعدل ومتركب يد مش بتاعت البوتاجاز فعاوز ارجع اركب الزجاج بالمقاس الاصلي واليد الاصليه

[horas3000]

توكيل اريستون هو b-tech

[michohat]

توكيل اريستون هو b-tech

اظن انهم اختصاص الموديلات الجديده بس ( حسب الموقع بتاعهم )
على العموم كلمتهم وفتحت تكت معاهم والمفروض الفني هيكلمني لو هيجي

[horas3000]

اظن انهم اختصاص الموديلات الجديده بس ( حسب الموقع بتاعهم )
على العموم كلمتهم وفتحت تكت معاهم والمفروض الفني هيكلمني لو هيجي

هو العاده ان التوكيل بيمسك الماركه بكامل موديلاتها قديمه او جديده
و عموما ربنا يقدم اللي فيه الخير

[michohat]

هو العاده ان التوكيل بيمسك الماركه بكامل موديلاتها قديمه او جديده
و عموما ربنا يقدم اللي فيه الخير

تسلم يا شريف باشا
هتابع معاهم هبعت ليهم صورة القتيل يمكن يتعرفوا عليه

[horas3000]

تسلم يا شريف باشا
هتابع معاهم هبعت ليهم صورة القتيل يمكن يتعرفوا عليه

ان شاء الله خير

[midopio]

انا كان عندى نفس المشكلة بالضبط وروحت بالمقاس فرع دكتور جريش اللى فى شارع لبنان بالممهندسين بالمقاسات فقط واستلامته بعد اسبوع وانا اللى ركبته فى البوتجاز

[aboomar22]

على فكرة فك باب الفرن سهل جدا انت هتلاقى المفصلة اللى تحت جزئين اضغط بايدك على الجزء العلوى واسحب للخارج من الناحية اليمنى مثلا هيخرج معاك وكذلك الناحية الاخرى وخده اعمله عند جريش وركبه بنفس الطريقة --