كعك العيد اه يا كعك العيد

[AlmAhAtmA]

الله اكبر الله اكبر الله اكبر
لا اله الا الله
الله اكبر الله اكبر
و لله الحمد

كل سنه و انتم طيبين



جبت كعك العيد منين
ايه خبراتك مع كعك العيد
بتحب ايه في كعك العيد

كلمنا عن كعك العيد

جانا العيد و لبسنا جديد

[eng/muhamad]

جبته من محل العبد فى وسط البلد
و الحمد لله شغال فيه اكل زى المنشار و رغم كده
وزنى زى ما هو (57 كجم)
و النسبه للكعك فانا بحبه بكل انواعه الساده و المحشى
و بحب اى حشو سواء مكسرات او ملبن او عجميه
و بحب الغريبه و البيتى فور و البسكويت و اى حاجه لها علاقه بالكعك

[AlmAhAtmA]

جبته من محل العبد فى وسط البلد
و الحمد لله شغال فيه اكل زى المنشار و رغم كده
وزنى زى ما هو (57 كجم)
و النسبه للكعك فانا بحبه بكل انواعه الساده و المحشى
و بحب اى حشو سواء مكسرات او ملبن او عجميه
و بحب الغريبه و البيتى فور و البسكويت و اى حاجه لها علاقه بالكعك

بسم الله ما شاء الله
دا انت كعك lovers
اكيد محلات العبد مكان جامد

انا عن نفسي جبت من كلاسيك في الاسكندريه
و بيعجبني فيه انه خفيف و التغليف بتاعه اكتر من رائع و بتطلبه بالتليفون

انا الله اكرمني و جبت كعك بالعجميه و غريبه و بسكويت و قرص بالعجوه لزوم الشاي بلبن

جنب بيتي واحد اسمه الصعيدي جايب ناس تنظم الطوابير قدام المحل و بيدخل 5 افراد في كل مره و الكلام ده بدا من حوالي اسبوع

[Hassan Khalil]

ظريف أوي موضوع( كحك لافر ) ده :)
انا كحك لافر متوسط الاداء
يعني احب اشوف الكحك ادامي .. لارتباطه باوقات جميلة ..لكن مش باكل منه كتير .. و الشرط الاساسي عندي انه يكون محشي .. و الكحك السادة مبيدخلش البيت .. لازم يكون محشي اي حاجة ..و لو حتي محشي بقدونس.
* الوالدة ربنا يديها الصحة و كل امهاتنا يا رب .. كانت بتعمله قبل كده .. و كان زي العسل ..
و بعدين بقينا نشتريه..طعمه حلو برضه ..بس حاسس ان فيه حاجة ناقصه ..مش عارف ايه ؟؟؟
* غالبا باشتريه قبل العيد بحوالي 5 ايام .. و نأزأز فيه يومين تلاته .. و بالتالي العيد بييجي و البيت بيكون ( كحك فري )
*جبته السنة اللي فاتت من بسكو مصر ..طلع نص كم ..و الكحكة كبيرة عاملة زي القرصه بتاعة الفرن .. فجبت السنة دي من مكان اسمه رويال هاوس .. و طلع ظريف و الحمد لله
و كل سنة و انتم طيبين :)

[AlmAhAtmA]

ظريف أوي موضوع( كحك لافر ) ده :)
انا كحك لافر متوسط الاداء
يعني احب اشوف الكحك ادامي .. لارتباطه باوقات جميلة ..لكن مش باكل منه كتير .. و الشرط الاساسي عندي انه يكون محشي .. و الكحك السادة مبيدخلش البيت .. لازم يكون محشي اي حاجة ..و لو حتي محشي بقدونس.
* الوالدة ربنا يديها الصحة و كل امهاتنا يا رب .. كانت بتعمله قبل كده .. و كان زي العسل ..
و بعدين بقينا نشتريه..طعمه حلو برضه ..بس حاسس ان فيه حاجة ناقصه ..مش عارف ايه ؟؟؟
* غالبا باشتريه قبل العيد بحوالي 5 ايام .. و نأزأز فيه يومين تلاته .. و بالتالي العيد بييجي و البيت بيكون ( كحك فري )
*جبته السنة اللي فاتت من بسكو مصر ..طلع نص كم ..و الكحكة كبيرة عاملة زي القرصه بتاعة الفرن .. فجبت السنة دي من مكان اسمه رويال هاوس .. و طلع ظريف و الحمد لله
و كل سنة و انتم طيبين :)

كل سنه و انت طيب يا خليل باشا

الله يرحم جدتي كانت بتعمل شوالين دقيق كعك كل سنه
و كانت بتبقي لمه و زيطه و يعدوا يشتغلوا فيه اخر اسبوع في رمضان
و يوم الوقفه كل خال و خاله ياخد كراتين الكعك بتاعته و يروح لولاده

كانت ايام جميله

[Migo123]

الله يرحم جدتي كانت بتعمل شوالين دقيق كعك كل سنه
و كانت بتبقي لمه و زيطه و يعدوا يشتغلوا فيه اخر اسبوع في رمضان

فكرتنا بالذي مضى يا عم هاني

عيد .... بأي حال عدت يا عيد


انا لاول مره اشتري كحك السنه دي .... وبصراحه ممتاز .... المحل اسمه سميراميس في شارع القصر العيني

[م/محمد صلاح]

انا بصراحه ماشتريتش لانى مسافر بس ان شاء الله هابعت المدام تبضع من عند توينكى اللى فى الهرم محل ممتاز ونضيف قوى

[Noha.M]

كل سنة و انت طيب يا استاذ هانى و حضرتك و الاسرة الكريمة بالف صحة و سعادة

بالنسبة لكحك العيد كان دياما مامتى و خالاتى و جدتي الله يرحمها يتجمعو و يعملو الكحك بنفسهم و كنا نقعد جنبيهم نقرص الكحك و نعمل اشكال و الكلام دة لحد فترة قريبة والله بس دلوقتى بنشتريه من ماندرين قويدر و خلاص

[eng/muhamad]

حلوه كعك lovers
بس دى الحقيقه و بصراحه يا جماعه كعك العبد جاااامد و حلو اوى
و المنين كمان مع الشاى يبقى مالوش حل
و كل سنه و انتو طيبين

[mo7amed_omara]

احنا من الصعيدى فى اسكندرية (سيدى جابر) و المحل دة زحمة مووووووووت ضيعت ساعتين هناك ههههههههههههههههههههههه
كل سنة و انت طيبين و انا بحب الكحك بجميع انواعة

[blazer]

انا بصراحه ماشتريتش لانى مسافر بس ان شاء الله هابعت المدام تبضع من عند توينكى اللى فى الهرم محل ممتاز ونضيف قوى

+++
المحل دا تمام و الله :):)
انا كمان ساعات بجيب منه
بس بصراحه بحب اتفرج على الكعك اكتر ما اكله
لانه بيعملى حموضه وبيبهدلنى لما بكتر منه

[SaLM!Na]

زمـــــــــــــــــــــان و انا صغيرة كنت بخلص الكحك كله لوحدي انا و اخويا و اي حاجة كنا بنلاقيها من لوازم العيد كنا بنشطب عليها

بس دلوقتي مبقاش ليا تقل على الكحك و الحاجات دي
بقى اخويا بيشطب عليهم لوحده

و عمرنا ما عملنا كحك على طول بنجيب جاهز
السنة دي جبنا من عند كلاسيك اللي قدام نادي سموحة

[Karim_Monir]

هاني حبيبي كل سنة وانت طيب يا شقيق
الا مالقيش عندكو كحك بالجمبري او سي فووود
نييييييييههههههههههههههههههههههههههههههههههه
انا ماليش فيه بس ساعات اكل غريبة لكن بحب البتيفور والحاجات ام شيكولاتة وبندق وحاجات كدة
بس بموع منها
الله يرحمك يا جدتي كان فعلا حوار لمة وعمل الكحك ده ذكريات تحفة
بعد موت جدتي من 10 سنين واكتر خلص الحوار وبقينا نقضيها جاهز

ومن ساعت ماشتغلت في شركتي من 8 سنين باخد علبة الكحك وخلاص
وكمان بدفع حق واحدة واخد واحدة لوالدتي
كل سنة وانت طيب ولو لقيت كحك بالاستاكوزا عند بلبع كلمني اجيلك نضرب سوا
نييييييهههههههههههههههههههه
-----------

كل سنة و انت طيب يا استاذ هانى و حضرتك و الاسرة الكريمة بالف صحة و سعادة

بالنسبة لكحك العيد كان دياما مامتى و خالاتى و جدتي الله يرحمها يتجمعو و يعملو الكحك بنفسهم و كنا نقعد جنبيهم نقرص الكحك و نعمل اشكال و الكلام دة لحد فترة قريبة والله بس دلوقتى بنشتريه من ماندرين قويدر و خلاص

ماندرين قويدر كان كويس لحد سنتين
دلوقتي سدرة تفوق علية وبقى رائع :k18:

جربية كدة بس ماتدعيش عليا لو زدتي 5 كجم :k5:
نييييييههههههههههههههههه

[Noha.M]

هاني حبيبي كل سنة وانت طيب يا شقيق
الا مالقيش عندكو كحك بالجمبري او سي فووود
نييييييييههههههههههههههههههههههههههههههههههه
انا ماليش فيه بس ساعات اكل غريبة لكن بحب البتيفور والحاجات ام شيكولاتة وبندق وحاجات كدة
بس بموع منها
الله يرحمك يا جدتي كان فعلا حوار لمة وعمل الكحك ده ذكريات تحفة
بعد موت جدتي من 10 سنين واكتر خلص الحوار وبقينا نقضيها جاهز
ومن ساعت ماشتغلت في شركتي من 8 سنين باخد علبة الكحك وخلاص
وكمان بدفع حق واحدة واخد واحدة لوالدتي
كل سنة وانت طيب ولو لقيت كحك بالاستاكوزا عند بلبع كلمني اجيلك نضرب سوا
نييييييهههههههههههههههههههه
-----------


ماندرين قويدر كان كويس لحد سنتين
دلوقتي سدرة تفوق علية وبقى رائع
جربية كدة بس ماتدعيش عليا لو زدتي 5 كجم
نييييييههههههههههههههههه

ههههههههههه لا هدعي

انا اصلا ماليش فى الكحك اوى بس كانت الفرحة فى عمايله و احنا ملمومين كلنا و عمالين نعمل الكحك و نقرصه والله ذكريات جميلة جدا ... :)

كل سنة و انت طيب يا كريم

[amir]

العيد و الكعك

من اكتر المناسبات اللي بتزود الزيارات لطبيب الاسنان
ربنا يزيد و يبارك