هو يعني ايه انيستجرام ويعني ايه هاش تاج ؟!!!

[Secret-Man]

بيتعمل ازاى بقا :)

حضرتك مثلا لو نزلتى بوست على صفجه الفيس بوك او تويتر باسم

#Nile_motors

واكتر من ادمن نزل بوستات تحت الهاشتاج ديه

الفيس بوك يارشفها بالببوستات المتفاعله فقط ويظهرها فى السيرسش على الفيس بوك

مثلا حد كتب كلمه Motors بس بيتظهرو انتو من ضمن النتائج

[تامر.محمد]

طيب تامر باشا ودي حاجة كويسة ولا حاجة وحشة لمن حد بيجيب في سيرتك في الفيس بوك. ؟ ويعملك منشن !

زي الحقيقة بالظبط , حسب هو بيجيب في سيرتك بالخير ولا بالشر ههههههههههههههههههههههه
القصة ان بيجي لك اخطار ان فيه حد جاب سيرتك و اللي بيعمل كده بيبقى قاصد كده طبعا
احنا كده بنتكلم عالمنشن

[A.Saad]

معليش ياشباب

يعني ايه. هاش تاج. ويعني ايه انيستجرام ايه فوائدهم وبيتعملوا ازاي ياريت. اجابات مطولة.

@@@@@@@@@@

نقطة تانية مودياني في ستين داهية. وخلتني الغي اشتراكي خالص من الفيس بوك. دلوقتي مش في خانت الرسائل في الفيس بوك الدردشة. عاوز امسحهااااا واحذفها واخفيها من على وش الارض اخفيها ازاي. ؟ انا مش عاوز احذفها. انا بس عاوز امسح الحوار ؟ لان مرات بكلم الحج سيد. وبيكلمني في مشكلة خاصة ولا حاجة. وبعدين عيب الراجل ئمني على سروا وميصحش حد يقرى المحادثه !!! ولا ايه بعدين الحج سيد يزعل !

@@@@@@@@@@

سؤال تاني معليش دلوقتي. انا باشترك في صفحات كتيرررر ولمن بشوف بوست. حلو بكتب تعليق. وبعد فترة. بلاقي واحد كاتب تعليق على تعليقي. ولمن بفتح البوست من الكرة الارضية. الاشعارات بلاقي مثلاً تعليقي. عليه خمسين ستين لايك. طيب مفيش خيارات تخلي اي حد عملي لايك يسمع عندي. .. وازاي اقدر اعرف عدد الايكات الي خدتها. لغايت دلوقتي في الفيس بوك

وشكراً
@@@@@@@
وتحياتي .

الحاج سيد
طيب
ابقى سلملى عليه

[Y a r i s]

ههههه الله يسلمك. يا احمد باشا
صحيح بالمناسبة. وبما ان معانا خبراء وعباقرة وجباهزة في الفيس بوك. ... دلوقتي افرض انا مثلاً مثلاً الحج. بسيوني. بعتلي طلب اضافة وفي تاتش (( موشكل كبيررررر / ڤيري بروبليم )) بين الحج بسيوني وبين الحج سيد. فازاي. انا اضيف. بسيوني. من غير ما سيد. ياخود خبر ويطلعلوا اصدقاء مشتركين بينا ومش مشتركين او الفيس بوك يبعت صورة بسيوني لسيد ويقلوا. هل تعرف بسيوني !!!

[A.Saad]

بتحدد مين يشوف اضافاتك ومشاركاتك
privacy

بس انا ملاحظ ان الحجاج عندك كتير مع انك تحت المراقبة
ما تعرفنا على الحجاج اصحابك وناخد ثواب برده

[A.Saad]

Facebook for Beginners

http://cmrw.org/wp-content/uploads/2013/03/Facebook-Beginners-Guide.pdf

[M.ABDOU]

متعرفش حج كده مش طويل ولا قصير ولا تخين ولا رفيع وابن حلال وعنيه خضره وشعره اصفر ويقدس الحياه الزوجيه !!!!!!!!!!!!!!!!!!!!

[A.Saad]

يارس لو مخدمتنيش
هادعى انك تتمسك تلبس
وشوف لك بقى لوكاندة من دلوقت احتياطى

[S O P H O S]

ههههه بلاش انهاردة الدنيا مطرة يا حج

[Elawany13]

ههههههه.
ياسلالالام ايووه كده العلم نور ... اخيراً حذفت رسايل الحج سيد وشركائه وكده الواحد يقدر ينام قرير العين مش قلقان من اي حاجة.حاكم انا عندي مفتش المباحث بتاع التموين الي عندي بيفضل ورايا ويبقى عاوز. يعرف كل بيضة مين الي باضها .... الله يمسيه بالخير حسين بتاع نيسان ... عملي مشكلة. ديك النهار رب السما اعلم بيها. وانا حافظ اسمو عندي سونة استايل وعلى مين ومييييييين. سونة دي. وعرفتها فين ومنين ومطبتش الباشا حضرت مفتش البيه المعاون المباحث بتاع التموين غير لمن كلمتوا قداموا ... و تحياتي ليكي يافندم .

هند رستم .... آه ياسونة ياخاين هههههههههههه

[A.Saad]

شكلك اتقفشت
مع انى لسه مدعيتش ليك قصدى عليك

[ابو لؤى]

سلامى للحاج سيد

[al_manara]

واحدة واحدة بس لانكم لخبطوا الهاش تاج و المينشن mention في بعض

الهاشتاج، كلمة عادية خالص بس بيتكتب قبلها حرف ال #
فيحصل ايه؟
بتتعلم بازرق اتوماتك
ايه تاني؟
في تويتر، لما تدوس عليها بيطلع لع لك كل التويتات، او المشاركات، على تويتر كله المحتوية على الكلمة دي بالظبط
في الفيس بوك ، لما تدوسها بيطلع لك كل البوستات المكتوبة فيها الكلمة دي من كل الاصدقاء و الصفحات كمان اظن اللي انت مشترك فيها
ايه فايدتها؟
لما بتدوس عليها و يطلع لك كل المكتوبة فيه عند كل الناس بيبقى كانه موضوع زي مواضيع المنتدى هنا كده مع الفرق ان كل واحد كاتب عالبروفايل بتاعه

المينشن
كأن واحد بيجيب سيرتك او بينده عليك
بيكتب قبل اسمك @
النتيجة ان اسمك بيبقى ازرق و اللي يدوس عليها يدخل بروفايلك
من ناحيتك بقى بيجي لك اشارة notification

sent from my gt-n7000 using forum runner

شكرا جزيلا . معلومات جديدة

[Y a r i s]

بتحدد مين يشوف اضافاتك ومشاركاتك
privacy

بس انا ملاحظ ان الحجاج عندك كتير مع انك تحت المراقبة
ما تعرفنا على الحجاج اصحابك وناخد ثواب برده

. يا سلام يا خويا. ... ولمن اعرفك انا على الحجاج الي عندي
انا بعد كده اعمل ايه اروح أ قشر بطاطس ولا أئزئز التيرمس :) وبعدين. حتى لا يذهب. فكركم لبعيد الحجاج دول مجرد زملاء وزميلات و اخوات في الله. معجبين بأرائي النيرة. وبوستاتي. المستنيرة ... واحياناً بياخدوا أرائي في بعض المشاكل العويصة الخبرة يابيه ليه دور والشعر الابيض ده عامل مساعد ... ده الشعرايا البيضة مبتطلعش غير بطحن السنين ... المهم ايه ال privacy دي. ألاقيها فين على فكرة انا عندي الفيس بوك بالعربي. ... يعني قولي قولي الاقيها فين فوق على اليمين تحت على الشمال. كده يعني افتح كذا وانا. اعملها على طول :) ... وتحياتي

[A.Saad]

يا بنى انت فاهم كلامى غلط
انا قصدى انك ممكن تزعل الحاج سيد
وانا ادخل اصالحكم سوا انا مش فاضى للشات
شفت انك سيء النية ازاى