Tweet
لحد امتى ؟ و الله الاحترام مش بالكلام !!!
* عايزين نركب اسانسير للعمارة
نص السكان دفعوا فعلا و الباقي مش عايزين .........
فشل مشروع الاسانسير , خلينا كلنا نطلع عالسلم ...
كان الحل ايه ؟
صاحب العمارة من الاول خالص يشترط على كل واحد بيشتري شقة انه يدفع زيادة للاسانسير
او الناس اللي موافقة و هاتدفع يعملوه و يبقى بمفتاح لأن اللي رفضوا يدفعوا فيه ... هايستعملوه
* باب العمارة بيتساب مفتوح , القطط بتدخل تقلب صفايح الزبالة عالسلم و تبهدله و كمان القطط نفسها بتقضي حاجتها على السلم
نعمل اجتماع مع سكان العمارة و نفهمهم الاضرار المترتبة على سيبان الباب مفتوح ... الحمد لله عملنا
الباب لسه مفتوح
نص السكان بيسيبوه مفتوح ولا كأننا قلنا حاجة !
الباب لسه مفتوح و السلم لسه متبهدل
كان الحل ايه ؟
يا اما العمارة يبقى فيها واحد بلطجي , و اللي يشوفه من السكان بيدخل و يسيب الباب مفتوح يمسكه يهزأه فيخاف يعمل كده تاني
يا اما نركب مكنة على باب العمارة تقفله لوحدها
* صندوق العمارة فاضي
نص السكان ما بيدفعوش و عليهم مبالغ قد كده
عملنا بدل الاجتماع معاهم عشرة , و كل واحد لما تحرجه يديك قرشين ما يغطوش حتى الدين اللي عليه و ما تشوفش وشه تاني
العمارة صيانتها ما بتتعملش
كان الحل ايه ؟
ان رئيس اتحاد الملاك يبقى بلطجي , و يبهدلهم واحد واحد على الفلوس دي , و في الحالة دي بيدفعوا
* الباركينج بتاع العمارة فيه ناس من عمارات تانية بتركن فيه
ايه الحل ؟
لازم نقفل اماكن الباركينج بالحديد و يبقى كل واحد له المكان بتاعه
ايه اللي حصل ؟
تلت السكان اتخانقوا مع بعض على الاماكن , مع ان الاماكن تقضي الكل بس كل واحد بقى عايز ياخد احسن مكان , مع انه في العادي بيركن في اي حتة يلاقيها و ممكن ما يلاقيش اصلا
و بعدين ؟
بعد عذاب المشروع كمل
طب ايه المشكلة ؟
بعدها بأسبوع واحد من السكان مش عاجبه المكان اللي خده بلغ الحي و الحي جه كسر الحديد كله
كان الحل ايه ؟ ما كانش فيه
دي مجرد عينة من المواقف
بعضها شخصي و بعضها حصل مع اصدقاء
لكن كلها حدث بالفعل
احنا كمصريين فشلنا تماما في اغلب الاعمال الجماعية
اي حاجة بتحتاج مسئولية من الكل , بتفشل
مش لأن 10% من الناس ما عندهمش مسئولية
ده لأن 50% على الاقل كده
باب العمارة لو 10% من سكان العمارة بيقفلوه كان هايبقى مقفول , لكن الحقيقة انهم 40% على الاقل
الاسانسير لو 20 او 30% من السكان ما ساهموش فيه هايتعمل عادي لأن الباقي يقوموا بيه
لكن الحقيقة ان اللي بيطنش بيبقى 30 او 40 % على الاقل ان ما كانش اكتر
و في كل الاحوال اي حد من دول لو جت له غصبانية هايمشي زي الألف
طب ليه ؟
ليه بنخاف ما نختشيش و احساس المسئولية و الاحترام و مراعاة الغير عندنا منعدمين ؟
كل ده في مثال العمارة بس , انما الحقيقة ان المثال هو كل حاجة في البلد
مافيش حاجة بتتعمل فعلا الا اذا كان الفايدة منها ل100% من الناس و بالتساوي و تكلفتها قليلة
اي حاجة غير كده ما بتتعملش , حتى لو واحد مننا مستفيد جدا بس فيه واحد تاني مستفيد اكتر منه حاجة بسيطة
للعلم , ده احد تفسيرات الفساد اللي مالي البلد , لكنه مش السبب الوحيد
نص السكان دفعوا فعلا و الباقي مش عايزين .........
فشل مشروع الاسانسير , خلينا كلنا نطلع عالسلم ...
كان الحل ايه ؟
صاحب العمارة من الاول خالص يشترط على كل واحد بيشتري شقة انه يدفع زيادة للاسانسير
او الناس اللي موافقة و هاتدفع يعملوه و يبقى بمفتاح لأن اللي رفضوا يدفعوا فيه ... هايستعملوه
* باب العمارة بيتساب مفتوح , القطط بتدخل تقلب صفايح الزبالة عالسلم و تبهدله و كمان القطط نفسها بتقضي حاجتها على السلم
نعمل اجتماع مع سكان العمارة و نفهمهم الاضرار المترتبة على سيبان الباب مفتوح ... الحمد لله عملنا
الباب لسه مفتوح
نص السكان بيسيبوه مفتوح ولا كأننا قلنا حاجة !
الباب لسه مفتوح و السلم لسه متبهدل
كان الحل ايه ؟
يا اما العمارة يبقى فيها واحد بلطجي , و اللي يشوفه من السكان بيدخل و يسيب الباب مفتوح يمسكه يهزأه فيخاف يعمل كده تاني
يا اما نركب مكنة على باب العمارة تقفله لوحدها
* صندوق العمارة فاضي
نص السكان ما بيدفعوش و عليهم مبالغ قد كده
عملنا بدل الاجتماع معاهم عشرة , و كل واحد لما تحرجه يديك قرشين ما يغطوش حتى الدين اللي عليه و ما تشوفش وشه تاني
العمارة صيانتها ما بتتعملش
كان الحل ايه ؟
ان رئيس اتحاد الملاك يبقى بلطجي , و يبهدلهم واحد واحد على الفلوس دي , و في الحالة دي بيدفعوا
* الباركينج بتاع العمارة فيه ناس من عمارات تانية بتركن فيه
ايه الحل ؟
لازم نقفل اماكن الباركينج بالحديد و يبقى كل واحد له المكان بتاعه
ايه اللي حصل ؟
تلت السكان اتخانقوا مع بعض على الاماكن , مع ان الاماكن تقضي الكل بس كل واحد بقى عايز ياخد احسن مكان , مع انه في العادي بيركن في اي حتة يلاقيها و ممكن ما يلاقيش اصلا
و بعدين ؟
بعد عذاب المشروع كمل
طب ايه المشكلة ؟
بعدها بأسبوع واحد من السكان مش عاجبه المكان اللي خده بلغ الحي و الحي جه كسر الحديد كله
كان الحل ايه ؟ ما كانش فيه
دي مجرد عينة من المواقف
بعضها شخصي و بعضها حصل مع اصدقاء
لكن كلها حدث بالفعل
احنا كمصريين فشلنا تماما في اغلب الاعمال الجماعية
اي حاجة بتحتاج مسئولية من الكل , بتفشل
مش لأن 10% من الناس ما عندهمش مسئولية
ده لأن 50% على الاقل كده
باب العمارة لو 10% من سكان العمارة بيقفلوه كان هايبقى مقفول , لكن الحقيقة انهم 40% على الاقل
الاسانسير لو 20 او 30% من السكان ما ساهموش فيه هايتعمل عادي لأن الباقي يقوموا بيه
لكن الحقيقة ان اللي بيطنش بيبقى 30 او 40 % على الاقل ان ما كانش اكتر
و في كل الاحوال اي حد من دول لو جت له غصبانية هايمشي زي الألف
طب ليه ؟
ليه بنخاف ما نختشيش و احساس المسئولية و الاحترام و مراعاة الغير عندنا منعدمين ؟
كل ده في مثال العمارة بس , انما الحقيقة ان المثال هو كل حاجة في البلد
مافيش حاجة بتتعمل فعلا الا اذا كان الفايدة منها ل100% من الناس و بالتساوي و تكلفتها قليلة
اي حاجة غير كده ما بتتعملش , حتى لو واحد مننا مستفيد جدا بس فيه واحد تاني مستفيد اكتر منه حاجة بسيطة
للعلم , ده احد تفسيرات الفساد اللي مالي البلد , لكنه مش السبب الوحيد
Comment