<<< اللهم اجرنا في مصيبتنا واخلف لنا خيرا منها - إنا لله وإنا إليه راجعون >>>

[Khaled Seif]

وبشر الصابرين الذين إذا أصابتهم مصيبه
قالوا إنا لله وإنا إليه راجعون
أولئك عليهم صلوات من ربهم
ورحمه وأولئك هم المهتدون .


أخى وصديقى العزيز الشيخ خالد :
قدر الله وما شاء فعل
الحمد لله إنك بخير وفداك أى حاجه والمهم سلامتك
اللهم أجرك فى مصيبتك وأخلفك خيرا منها

زى ما قلت لحضرتك بالأمس
إنت بتعمل مذكره فقد فى مكان الواقعه أو لو حابب فى مكان تانى
بس هتضطر تقول ان الواقعه تمت فى المكان ده .
وبتعمل المذكره بعدد الوثائق الأصليه اللى محتاجه بدل فاقد
زى البطاقه او الرخص .... الخ
لأن كل مكان هتطلب منه إستخراج بدل فاقد هيطلب المذكره دى منك .

وزى ما قلت لك إحتمال إن الحاجات دى تتبعت لك على العنوان وارد
أو لو كان فى المحفظه كروت شخصيه لحضرتك بها تليفوناتك
يمكن حد يكلمك زى ما حصل معايا قبل كده
وكل ده طبعا فى حاله إن اللى سرق الحاجات دى عنده ذره ضمير
لكن حسبنا الله ونعم الوكيل
وهنتحرك على أسوء الإحتمالات وهو عدم رجوع الحاجات دى .

ربنا يعوض عليك ويجيرك فى مصيبتك ويبدلك خيرا منها إن شاء الله تعالى .

أبو عمر أخي الحبيب جزاك الله خيرا وبارك الله فيك وحفظك من كل سوء

اليوم - الحمد لله - عملت مذكرتي فقد في قسم البساتين , التابع لمكان فقد الأوراق , الموظف كان متعنت لأبعد حد

وقال لي روح هات لي شهادة بيانات من مرور حلوان علشان أعمل لك مذكرة فقد أو تروح قسم حلوان تعملها هناك !!!!

روحت لنائب المأمور وشرحت له ما حدث فلين الله قلبه وأرسل معي شرطي لهذا الموظف ليعمل مذكرة الفقد فرفض مرة أخري

فعدت له ثانية فأرسل إليه وقال له اعملها له , فعملها على مضض , والحمد لله رب العالمين

جزاك الله خيرا صديقي وأخي وحبيبي في الله

قدر الله وما شاء فعل
بصراحة يا شيخنا عندما قرأت العنوان صدمت خوفا من حدوث مكروه لعزيز لديكم لا قدر الله
وعندما قرات المضمون حمدت الله كثيرا ان الخسائر مادية فقط
وادعو الله ان يعوضك خيرا ، وان يقينا وإياكم وكل الزملاء كل مكروه وسوء

ا / هلال اخي الفاضل المحترم , جزاك الله خيرا وحفظك والمسلمين من كل سوء وشرح الله صدرك

[Khaled Seif]

أخى الشيخ خالد بحثت على الإنترنت فوجدت موقع لشركة تقوم باستخراج المستندات الحكومية وتسليمها بالمنزل
موقع شركة تي إم آيه للخدمات الحكومية :: قطاع الاحوال المدنية

وفيه شركات كثيرة مثلها يمكنك الإتصال عليهم وأرجو أن يسهلوا عليك المهمة بإذن الله

اخي الشيخ محمد جزاك الله خيرا , اتصلت بأخ كان عندي في دار تحفيظ القرءان عنده سنترال

وبيعمل في استخراج الوراق الحكومية وإن شاء الله اقابله في صلاة العشاء

جزاك الله خيرا والله أحبك في الله

ربنا يعوضك خير ياشيخ خالد

بالنسبة لسوالك حول استمارات البطاقة

اعتقد فيه نوعين
نوع عادى ب 15 جنيه
ونوع مستعجل ب 75 جنيه

انت بتاخد الا انت عايزه

اخي الفاضل جزاك الله خيرا إن شاء الله غدا اذهب وأعمل النوع المستعجل

وكنت عايز أحاول على النت أعملها لو أسها وجزاك الله خيرا

[Khaled Seif]

ربنا يعوض عليك يا شيخ خالد
وحسبي الله ونعم الوكيل
الحرامية دول العادي أن مش عندهم ضمير
لكن توصل للعربيات الراكنة عند الجامع
يعنى لا عندهم ضمير ولا خايفين من دعوة رجل صالح كان بيؤدي صلاة
ربنا ينتقم من كل واحد بيحلل لنفسه ما حرمه الله
المشكلة إن الجامع اللي بتوصفه معروف عنه إن فيه حرامية مستهدفه سيارات رواده
وحدثت أكثر من سرقة للعربيات
والحمد لله أنها كانت سرقة ما كان بداخل السيارة
لأنهم بيسرقوا العربية بما فيها مش ما بداخلها
أنا مش بقلل ما تم سرقته من حضرتك
لكن بحمد ربنا أنها جت على آد كدة
والمشكلة اللي أكبر من كدة إن بعض عمال المسجد عارفين وبيحذروا الناس اللي بتركن لو الصلاة لم تبدأ وكانوا واقفين أمام المسجد بالصدفة
ومع ذلك مافيش أي حد من الأمن رغم البلاغات الكتيرة

وأنا شايفة أنك ياريت تعمل البلاغ في المنطقة اللي أتسرقت فيها لعل ضمير من في القسم الخاص بالمنطقة يعمل حاجة إيجابية لأحد السارقين ويرحمونا شوية
أعلم جيداً أنك راضي بقضاء الله وقدره يا شيخ خالد
وربنا يجيرك في مصيبتك ويخلف لك خير منها إن شاء الله

الأخت الفاضلة فريند شيب , جزاكِ الله خيرا وحفظكِ وأولادكِ وأهلكِ من كل سوء

اللهم إنى أحمدك على كل قضـآئك وجميع قدرك حمـد الرضا بحكمـك لليقين بحكمتــك

اللهم ارزقنا الصبر يا رب العالمين

اللهم ارفع مقتك وغضبك عنا

اللهم ردنا إليك ردا جميلا

اللهم تب على كل سارق واهد كل عاصٍ وأغن كل محتاج

اللهم رد اليه ضالته

اللهم ءامين , جزاك الله خيرا اخي الكريم جاجوار

[abouzaid555]

الحمد لله على سلامتك و قدر الله و ما شاء فعل و الحمد لله انك بخير و بصحة و عافية و ربنا يعوضك خير ان شاء الله و كل هذا اختبار من ربنا حتى يقيس ايماننا فى وقت الازمات

[mohammedabdallh]

اللهم أجرك في مصيبتك .
ربنا يعوض عليك يا شيخ خالد
وحسبي الله ونعم الوكيل

[mr_green]

ربنا يعوض عليك إن شاء الله

[M.ABDOU]

ربنا يخلف عليك يا شيخ خالد

[Khaled Seif]

الحمد لله على سلامتك و قدر الله و ما شاء فعل و الحمد لله انك بخير و بصحة و عافية و ربنا يعوضك خير ان شاء الله و كل هذا اختبار من ربنا حتى يقيس ايماننا فى وقت الازمات

الله يسلمك أخي الكريم أ / أحمد , الحمد لله , قدر الله وما شاء فعل

اللهم أجرك في مصيبتك .
ربنا يعوض عليك يا شيخ خالد
وحسبي الله ونعم الوكيل

جزاك الله خيرا أخي أ / محمد عبد الله , وتقبل الله دعائك وحفظك من كل سوء

[Khaled Seif]

ربنا يعوض عليك إن شاء الله

ءامين يا رب العالمين جزاك الله خيرا أخي الكريم

ربنا يخلف عليك يا شيخ خالد

جزاك الله خيرا أخي الكريم أ / محمد عبده وبارك الله فيك وتقبل الله دعائك

[iwantes350]

ربنا يعوضك خير ان شاء الله ...
والحمد لله انها مجتش فى شخص حضرتك ؟

[Khaled Seif]

ربنا يعوضك خير ان شاء الله ...
والحمد لله انها مجتش فى شخص حضرتك ؟

جزاك الله خيرا أخي الكريم , وبارك الله فيك

[Khaled Seif]

بسم الله ولحمد لله والصلاة والسلام على رسول الله

السلام عليكم ورحمة الله وبركاته

الإخوة الزملاء أعضاء أحلى منتدى في الدنيا , بعد عناء يومين مع البيروقراطية الكئيبة

بدايةً من قسم البساتين عند عمل مذكرات فقد رخصتي القيادة والتسيير والتي رفض المسؤل بها عمل مذكرة الفقد

وعايزني أجيب له شهاة بيانات من المرور إن العربية بتاعتي حيث أنه ليس معي أصل الرخصة ومعي صورة فقط ّّّّ!!!!!

قلت له الرخصة اتسرقت , قالي روح المرور هاتلي شهادة البيانات ,

وبعد معاناة ودخولي لنائب المأمور أكثر من 3 مرات , عملوا لي مذكرة الفقد

وانتهاءً بوحدات المرور في المعادي وحلوان

اتصلت بي زوجتي بالأمس وأنا في مرور حلوان أعاني الأمرين لاستخراج بدل فاقد لرخصة التسيير , بعد محاولات مستميتة لاستخراج بدل فاقد لرخصة القيادة

والتي أفادني المسؤلون بمرور المعادي أن المرور احترق في 2011 ,

وأن عليّ أن أقوم بعمل رخصة جديدة واستخراج شهادات طبية باطنة ونظر وأصل المؤهل الدراسي و4 صور شخصية

اتصلت بي زوجتي وقالت لي البواب طالع بيقول فيه واحد عايز يطلع بيقول أنا لقيت الرخص والبطاقة بتوع الشيخ مرميين عند أكادمية الشرطة

نزل عبد الرحمن وقابله وخذ منه البطاقة والرخص

وقال الرجل له والله ما لقيتش معاهم أي فلوس , وكل اللي معايا صرفته في المواصلات من التجمع لحلوان وأنا جعان وما كلتش من امبارح

راح عبد الرحمن خذه وجابله فطار واداله 100 ج وشكره

والحمد لله الذي بنعمته تتم الصالحات

يا رب لك الحمد عدد خلقك ورضاء نفسك وزنة عرشك ومداد كلماتك

عدد ما أحاط به علمك وخط به قلمك وأحصاه كتابك ووسعته رحمتك

عدد ما خلقت في الأرض وعدد ما خلقت في السماء وعدد ما خلقت بين ذلك وعدد ما أنت خالق

كما ينبغي لجلال وجهك وعظيم سلطانك

وصلّ اللهم وسلم على الحبيب محمد

[abd_el_7amid]

الحمد لله على روجعهم.. و الحمد لله على سلامتك
حصل معايا نفس الموضوع تقريبا و واحد ابن حلال كلم الوالد و رحنا استلمنا الرخصة و البطاقة و كروت الائتمان.. و مرضيش ياخد ولا مليم..
المهم الحمد لله .. ويخلف الله عليك خيرا

[Khaled Seif]

الحمد لله على روجعهم.. و الحمد لله على سلامتك
حصل معايا نفس الموضوع تقريبا و واحد ابن حلال كلم الوالد و رحنا استلمنا الرخصة و البطاقة و كروت الائتمان.. و مرضيش ياخد ولا مليم..
المهم الحمد لله .. ويخلف الله عليك خيرا

أخي الحبيب بشمهندس عبد الحميد , جزاك الله خيرا وبارك الله فيك وحفظك وأهلك من كل سوء

[alaa74]

بسم الله ولحمد لله والصلاة والسلام على رسول الله

السلام عليكم ورحمة الله وبركاته

الإخوة الزملاء أعضاء أحلى منتدى في الدنيا , بعد عناء يومين مع البيروقراطية الكئيبة

بدايةً من قسم البساتين عند عمل مذكرات فقد رخصتي القيادة والتسيير والتي رفض المسؤل بها عمل مذكرة الفقد

وعايزني أجيب له شهاة بيانات من المرور إن العربية بتاعتي حيث أنه ليس معي أصل الرخصة ومعي صورة فقط ّّّّ!!!!!

قلت له الرخصة اتسرقت , قالي روح المرور هاتلي شهادة البيانات ,

وبعد معاناة ودخولي لنائب المأمور أكثر من 3 مرات , عملوا لي مذكرة الفقد

وانتهاءً بوحدات المرور في المعادي وحلوان

اتصلت بي زوجتي بالأمس وأنا في مرور حلوان أعاني الأمرين لاستخراج بدل فاقد لرخصة التسيير , بعد محاولات مستميتة لاستخراج بدل فاقد لرخصة القيادة

والتي أفادني المسؤلون بمرور المعادي أن المرور احترق في 2011 ,

وأن عليّ أن أقوم بعمل رخصة جديدة واستخراج شهادات طبية باطنة ونظر وأصل المؤهل الدراسي و4 صور شخصية

اتصلت بي زوجتي وقالت لي البواب طالع بيقول فيه واحد عايز يطلع بيقول أنا لقيت الرخص والبطاقة بتوع الشيخ مرميين عند أكادمية الشرطة

نزل عبد الرحمن وقابله وخذ منه البطاقة والرخص

وقال الرجل له والله ما لقيتش معاهم أي فلوس , وكل اللي معايا صرفته في المواصلات من التجمع لحلوان وأنا جعان وما كلتش من امبارح

راح عبد الرحمن خذه وجابله فطار واداله 100 ج وشكره

والحمد لله الذي بنعمته تتم الصالحات

يا رب لك الحمد عدد خلقك ورضاء نفسك وزنة عرشك ومداد كلماتك

عدد ما أحاط به علمك وخط به قلمك وأحصاه كتابك ووسعته رحمتك

عدد ما خلقت في الأرض وعدد ما خلقت في السماء وعدد ما خلقت بين ذلك وعدد ما أنت خالق

كما ينبغي لجلال وجهك وعظيم سلطانك

وصلّ اللهم وسلم على الحبيب محمد

الحمد لله رب العالمين
الله أكبر ولله الحمد

ألف مبروك يا شيخنا الجليل وخبر جميل والله أسعدنى جدا .
السر فى الرضا بقضاء الله والتسليم بقضاؤه وقدره
والصبر على البلاء والأخذ بالأسباب

حضرتك صبرت وإحتسبت وشرعت فى إستخراج
بدل فاقد لما فقد منك وتحملت سخافات وبيروقراطيه
النموذج السلبى للمواطن المصرى خاصه فى المصالح الحكوميه
وكانت جائزه السماء الفوريه والعادله والسريعه

وكان الجانب المضئ فى الواقعه دى
الراجل الطيب البسيط الفقير
اللى مفكرش وعمل ما يمليه عليه دينه وضميره
وقطع مشوار كبير علشان يسلمك حاجتك واللى عرف أكيد
إنها مهمه بالنسبه لك لأنها اوراق رسميه ومهمه لك ولغيرك
وكان ايجابى 100% وقام بالعمل على اكمل وجه .

يعنى مفكرش إنه يبعت الحاجات
دى لحضرتك بالبريد العادى
او بالبريد المسجل بعلم الوصول
او حتى عن طريق شركات البريد الخاص .
لأ ده راح بنفسه لمكان يمكن يكون
بعيد عن محل سكنه
يمكن يكون أساسا
ميعرفش المكان ده

إتصرف بايجابيه كامله ونادره
بالرغم من ظروف بلدنا وعدم الأمان
اللى عايشين فيه كلنا دلوقتى

بالرغم من بساطه الراجل ده إلا إنه
أعطانا درس فى كيفيه
إنك تكون إيجابى ومسئول
كان ممكن يقول أنا مالى
كان ممكن يقول عادى
ما صاحب الحاجات ده هيطلع غيرهم
كان ممكن يخاف إنه يجى بنفسه
كان ممكن يعمل حاجات تانيه
سلبيه بخلاف إنه يكون إيجابى 1000%

تحيه تقدير وإعزاز لهذا الرجل
البسيط الكبير فى أخلاقه
اللى قالى وقال لحضرتك ولنا جميعا
إن الخير موجود بينا بالرغم مما نعانيه

أسأل الله العظيم رب العرش العظيم
أن يرزق هذا الرجل الخير كله
وان يكفيه ويغنيه ويرحمه
ويسخر له من يساعده
وأن يعينه على ظروفه
ويزيد من صبره وقوته
وان يرزقنا وإياه الإيجابيه والمسؤليه

اللهم إرزقنا الصدق فى القول والفعل والعمل
اللهم إرزقنا نقاء القلب وصفاء العقل وحلاوه اللسان
اللهم إجعل قلوبنا وأعمالنا خالصه لوجهك الكريم . اللهم امين

جزاك الله خيرا اخى الحبيب وصديقى العزيز أبا عبد الرحمن
وحفظك وأهلك من كل مكروه وسوء .......