حادث 6 اكتوبر

[Maged_Samy]

يوم السبت 2014/3/8 كان زميلى وصديقى فى العمل ذاهباً الى القاهرة ، ترك سيارته هرباً من الزحام و ركب ميكروباص 14 راكب وعند مدينة 6 اكتوبر السواق لقى كمين شرطة وطبعاً علشان اكيد معهوش رخص ومخالف فى كل حاجة ... وقف مرة واحدة ورجع للخلف بسرعة ولم ينتبه لقدوم سيارة نقل بمقطورة خلفه وبسرعة هائله فأصطدمت به من الخلف بقوه مما ادى لانقلابه وتحوله لاشلاء فى لحظة مما نتج عنه وفيات واصابات خطيرة لكل الركاب .. و زميلى هذا الان يرقد بمستشفى الشيخ زايد فى غيبوبة تامة بالعناية المركزة وبه كسور فى كل مكان .... ارجو الدعاء له لان الحالة صعبة جداً... ولو حد شاف الحادث ده او عنده اى تفاصيل عنه ياريت يقولهالى ...
ومنهم لله سائقى السرفيس المستهترين ..

[shiko85]

لا حول ولا قوه الا بالله العظيم
ربنا يشفيه

[Y a r i s]

الف حمدالله على السلامة لصديقك
الي بتحكيه حضرتك انو حصل مع صديقك انا مشوفتش الحادثة لكن. الحقيقة كلامك ده حقيقي وحصل معايا انا شخصياً .... سواقين الميكروباص شبعوا فبقوا يجيبوا سواقين التكاتيك يشغلوهم. على الميكروبصات التويوتا ميدان لبنان... سواق التوك توك معندهوش اي خبرة كفيلة تخوله انوا يسوق ميكروباص. الي هوا اتوبيس صغير فيه ارواح ناس ... انا عندي صور مصورها في اكتوبر. تثبت صحة كلامي ان دول سواقين تكاتيك اصحاب الميكروبصات. استعانوا بهم. ليعملوا عليها. وانشاء الله هنزل موضوع قريب. مدعم بصور.

كلمت سواق توك توك في حد ذاتها. يعني واحد شمام واحد حشاش واحد بيتصبح بترامدول ويتمسا ببانجو ويشغل اغاني باعلى صوت مش حاسس بالدوشة الي عملها. .... سواق التوك توك انسان. جرد من عقله بيوقف في اي مكان بيلف وقت ماهو عاوز. بيديها مارشدير او يخوش عكس مش فاهم خطورة الي بيعملوا.... وهيجي واحد يقولي ماهي دي بتمشي ببانزين ودي بتمشي ببانزين وكلها سواقه لا يا بيه مش كلها سواقه .

وانا بلوم على اللجان. لانهم مش معاهم موتسيكلات. خلف اللجنة. يجيبوا العيال الي بترجع دي من قفاهم او الناس الي راكنه مستنية اللجنة لمن تنفض ... بس هقول ايه. البلد بقت مووولد وصاحبوا غايب. .

[rompo10]

ربنا يشفيه يارب

[Ahmed6325]

البلد هتنضف شوية لو منعوا الميكروباصات كلها اللي بتقف تحمل في نص ميدان و توقف الشارع كله عشان تركن و تحمل محدش فيكو شاف ميدان العباسية بيقف ازاي بسبب الميكرواصات

[HOSSAM99]

اللهم أشفه و عافه و أعف عنه
و قال أيه بيرخصو التكاتك بالملايين .. النهارده مرور بين السرايات (الدقي) طابور تراخيص التكاتك ممتد من الشباك بالدور العلوي لمبني المرور مروراً بالطرقات و السلالم لغاية الشارع .. طابور لا يقل عن 700-800 نفر هايخدو رخص و يمشو قانوني
كانت ناقصة التكاتك مش كفاية السرفيس

[alrabeh]

اللهم اشفه شفاءا لا يغادر سقما
ياريت تطمنا عليه ونسأل الله أن يجعل ما هو فيه فى ميزان حسناته

[speed_magnum]

اللهم اشفه يا رب وارحم من مات

[canner]

ربنا يشفيه و يقومه بالسلامة

[J A G U A R]

ربنا يشفيه ويقومه بالسلامه ان شاء الله

[douha_wise]

اسأل الله العظيم رب العرش العظيم أن يشفيه

[S O P H O S]

ربنا يقومه بالسلامة

[الجنرال]

لا حول ولا قوة الا بالله .. انا ساكن فى اكتوبر ومسمعتش عن الحادثة دي

ربنا يفرج كربه ويشفيه ويعافيه ويحفظنا من كل سوء .. ومن الاشكال بنت ال *#إ&^@ دي