سؤال لاهل اسكنديه او اى حد يقدر يساعد :)

[shndoo]

السلام عليكم

عندى سؤال لاهل اسكندريه
ازاى اروح الحديقه الدوليه من محافظه الجيزه " موصلات "
اصله مشوار شغل يعنى هاروح و ارجع ان شاء الله فى نفس اليوم فمش هينفع بالعربيه

[punisher]

حضرتك تركب السوبر جيت وتنزل الموقف الجديد ومن هناك اركب تاكسى ب 5 جنيه او 10 بالكتير اوى

على فكرة الحديقة الدولية قريبة جدا من الموقف وممكن تمشى على رجلك 10 دقائق

[punisher]

لو هتمشى ... كمل على طول وهتلاقى مرور محرم بك على شمالك ( ومعرض أوبل ) ... هتلاقى كوبرى وطريق يمين .. امشى فى الطريق اليمين ده .. كده انتا على الطريق الصحراوى ... عدى الطريق وخلى بالك من العربيات طبعا ... الحديقة الدوليه فى وشك يا كبييير

[shndoo]

حضرتك تركب السوبر جيت وتنزل الموقف الجديد ومن هناك اركب تاكسى ب 5 جنيه او 10 بالكتير اوى

على فكرة الحديقة الدولية قريبة جدا من الموقف وممكن تمشى على رجلك 10 دقائق

السوبر جيت دا الى هو اتوبيس ولا الميكروبس من مشعل الهرم !؟

غير كده جراك الله كل خير والف شكر :)

[punisher]

السوبر جيت أو غرب الدلتا اللى المفروض الموقف بتاعه فى ألماظة وبيعدى على كذا محطة زى عبد المنعم رياض

[Maged_Samy]

الاقرب ليك سوبر جيت او غرب الدلتا من ميدان الجيزة وارجوك بلاش تركب ميكروباص اليومين دول ...