تحذير من شركات الرش و المكافحه للحشرات و الفئران

[horas3000]

يا جماعه خلوا بالكم من الشركات دي كويس
كلهم تقريبا و بدون مبالغه نصابين و حراميه
لسه خارج من تجربه مع واحده منهم عن طريق الوسيط

كنت عايز مكافحه ضد الفئران لانهم مبهدلين العماره اللي فيها المكتب اللي في العبور و كلوا ظفيره الاسانسير و بوظوه و هنغرم الشيئ الفلاني
المهم كلمت الشركه دي و شرحت له الوضح و ان المساحه كبيره و الميزانيه محدوده
قالوا لي انهم بيحاسبوا باللتر و ان اللتر ب 15 جنيه
قلت لهم ووضحت انه مش هينفع كده لان المساحه كبيره و الدنيا هتخرم و عرضت لو ييجوا علي حسابي يعاينوا و يديني سعر مبداي قالوا لي مفيش الكلام ده
قالي انت عايز تدفع كام قلت له اخري 2500 جنيه للعماره كلها
قالوا لي كده كويس قوي انت بتتكلم في 150 لتر و اللتر بيغطي 5 متر مربع و مع الرش سم مع الحسبه

المهم جم و رشوا و ووزعوا السم و كل ده انا فاهم انه بناء علي الاتفاق و دي انا غلطان فيها
خلص و لقيته بيديني فاتوره ب 4800 جنيه
الباشا اللي بيرش استهلك 280 لتر عاملن 4200 جنيه
و في الاعلان كاتب ضمان 5 سنين و الاقي حاطين لي في الفاتوه 600 جنيه متابعه قال ايه تبع الضمان
بمجموع 4800 جنيه

طبعا مرضيتش ادفع و كلموا الاداره و موال و انا قفشت و مكنتش هدفع و اكبر الموضوع لولا شركاتي هدوني و قالوا لي مش هتاخد حق و لا باطل و متبقاش انت الغلطان و المفتري
من هنا لهنا رسيت علي 3800 جنيه تمن اللترات بس و شالوا المتابعه و خصم بتاع 10%

لذا فانا حبيت احذر و انبه الكل من الشركات دي لان بعديها عرفت ان اغلبهم كده و لازم يلاوعوا و مش بيلتزموا باي اتفاق مسبق
و اللي بيرشوا بيرشوا بغباء و هدفهم استهلاك اكبر كميه من الماده و خلاص و الزبون يدفع

و حسبي الله ونعم الوكيل في كل نصاب و حرامي فاهم انه كده فتك

[mohammedabdallh]

وده العادى فى مصر
بس برده انت غلطان علشان انت اتفقت ان اخرك 2500ج
مع العلم لو عرفت نوع الماده ايه الى بيرشوها
وجبتها من اى محل مبيدات او شركه مبيدات محترمه كانت هتوفر عليك كتييير اووىىىىىىى

[أبو صلاح]

الاهم في مفعول ؟

[horas3000]

وده العادى فى مصر
بس برده انت غلطان علشان انت اتفقت ان اخرك 2500ج
مع العلم لو عرفت نوع الماده ايه الى بيرشوها
وجبتها من اى محل مبيدات او شركه مبيدات محترمه كانت هتوفر عليك كتييير اووىىىىىىى

للاسف النصب بقي اسلوب حياه
و حسب كلام الاداره الاتفاق بيكون مبداي بس الرك علي اللي بيترش بالفعل
و الله اعلم الماده دي ايه بقي بس اشك انها تبقي متوفره بسهوله كده

الاهم في مفعول ؟

ده لسه هشوفه
الرش تم النهارده بس

[grumby78]

يافندم نصابين كلهم وجايبين عيال حراميه ونصابين يشتغلوا معاهم . حصلي نفس اللي حصل مع حضرتك و غلطتي اني مااشرفتش عليه وهو بيرش عشان انا متأكد انه نصب عليا .

[S O P H O S]

كلام صح وعمري ما اقتنعت بيهم

[homme49]

كلهم زى بعض و النصب سمة أساسية فيهم لذلك أنصح بأن يكون الإتفاق واضح قبل بدء العمل
1- حا تعمل إيه بالتفصيل
2- حاتكلفنى كام
3- مدة الضمان قد إيه
4- حادفعلك الشاى بتاعك كذا جنيه .

[horas3000]

يافندم نصابين كلهم وجايبين عيال حراميه ونصابين يشتغلوا معاهم . حصلي نفس اللي حصل مع حضرتك و غلطتي اني مااشرفتش عليه وهو بيرش عشان انا متأكد انه نصب عليا .

كلام صح وعمري ما اقتنعت بيهم

كلهم زى بعض و النصب سمة أساسية فيهم لذلك أنصح بأن يكون الإتفاق واضح قبل بدء العمل
1- حا تعمل إيه بالتفصيل
2- حاتكلفنى كام
3- مدة الضمان قد إيه
4- حادفعلك الشاى بتاعك كذا جنيه .

طب و الحل يعني
نجيب شركات من بره مصر مثلا
ده ايه الغلب ده يا ربي

و للاسف زي ما قلت حتي مع الاتفاق مش بيلتزموا بكلمتهم
و في الاخر يقول لك انا استهلكت كذا
و كله كوم و موضوع الشاي ده كوم
النطع اللي رش بعد الخناق و المناهده دي كلها يقول لي متنساش بس اكراميتنا

[canner]

و يا ترى فعلا هم رشوا ال 280 لتر كلهم و لا لأ

و المشكلة كمان لا قدر الله لو المشكلة ما اتحلتشى ح تتصل بيهم تانى و لا تجيب شركة تانية تدفع لهم الشئ الفلانى

[w-m-a]

نفس اللى حصل فى بيت العيله
الاستاذ النصاب اقنعهم بأنه رش 40 ليتر
اتصلوا بى جريت عليهم طبعا لقيت اشكال ضاله
مسكت دورق مدرج وقيست 5 ليتر فى جردل ودلقته فى المنور غرق الدنيا مياه
الواد شاف كده دمه نشف
فى الاخر دفعنا 600 جنيه برضه بسبب عياط العيال وهنترفد وكده
كلهم نصابيين
ملحوظه
الفئران ملهاش رش
لازم اكل صلب

[horas3000]

و يا ترى فعلا هم رشوا ال 280 لتر كلهم و لا لأ

و المشكلة كمان لا قدر الله لو المشكلة ما اتحلتشى ح تتصل بيهم تانى و لا تجيب شركة تانية تدفع لهم الشئ الفلانى

الله اعلم
انا لقيته بيوريني 7 جراكن و بيقول الجركن الواحد 40 لتر

و اكيد لو ظهر حاجه و كلمتهم مش هيجوا بعد اللي عملوه معايا
بس ساعتها علي حمايه المستهلك لاني معايا فاتوره مختومه و مكتوب عليها نصا ضمان 5 سنوات

نفس اللى حصل فى بيت العيله
الاستاذ النصاب اقنعهم بأنه رش 40 ليتر
اتصلوا بى جريت عليهم طبعا لقيت اشكال ضاله
مسكت دورق مدرج وقيست 5 ليتر فى جردل ودلقته فى المنور غرق الدنيا مياه
الواد شاف كده دمه نشف
فى الاخر دفعنا 600 جنيه برضه بسبب عياط العيال وهنترفد وكده
كلهم نصابيين
ملحوظه
الفئران ملهاش رش
لازم اكل صلب

هو واضح ان ده اسلوبهم عامة و ان مفيش حد فيهم بيراعي ربنا
ابويا برضه بيحكيلي نفس الفلم حصل معاه

الظريف بقي ان كل ما احكي لحد الاقيه عارف و مدرك للموضوع و ان الشركات دي كلها نصب فب نصب
زي ما هو حاصل هنا اهو
و الاقي نفسي اخر من يعلم
و الاظرف ان الكل متعايش مع الوضع و محدش بياخد اي خطوات تصعيديه و كله بيطنش و يدفع و يقول حرمت اتعامل معاهم تاني
و مش عارف اخرتها ايه

[A.Saad]

طب الواحد لو يجيب المبيد ويرشه
ايه المبيدات الكويسة ؟؟ وجهاز الرش بكام ؟

[BUNSH]

على فكرة فية معرض كبير ومشهور _بس مش فاكر اسمة_ فى ميدان الاوبرا بجوار سينما الاوبرا القديمة ! المعرض دة فية كل ماتتخيـــــل (أن كان مبيدات او اسمدة ومستلزماتها) وهتلاقى فية مبيدات لديناصورات مش للفئران بس!!

للاسف النصب بقي اسلوب حياه

أحلى جملـــــة قالتهــــــــــــــــــا !!

[Trondo]

فكرتونى بواحد صاحبي كان عنده فار فى المحل هيجننه
سم مش نافع ... مصيده مش. نافع .... لزق مش نافع
سمع ان الاجهزه اللى بتعمل موجات بتطردالفئران

هوا جهاز شبه سماعه الكمبيوتر كدا

راح جاب واحد تانى يوم بيقولى لقيت الفار واقف على السماعه بيغيظنى كأنى مشغله ام كلثوم :):)

[ياسر مصطفي]

امال ايه اللي ب20ج ده وبالضمان