عاوز شقة فى حدائق القبة

[esam_refaat]

السلام عليكم
ببحث عن شقة فى حدائق القبة عشان شغلى فى مدينة نصر
جزى الله خير من استطاع ان يدلنى او يرشح عمارة او شارع ابحث فيه تنطبق عليه المواصفات الاتية :
1- السعر :تحت 300 لو نص تشطيب
2- المساحة :اى حاجة يكون فيها 3 غرف مقفولة
3- قريبة من مدارس عربى
4- يكون فيها ركن السيارة سهل مؤمن
وبس
وشكرا لكل من يهتم ويكتب ولو حرف واحد

ملحوظة هامة : ممكن اقتراح بدائل للحدائق طالما انها قريبة من مدينة نصر وبها مدارس عربى كويسة وسعرها على قد 300 الفجم

[esam_refaat]

ايه معقولة نايل موتورز المنتدى الكبير الواسع الشرح البرح مش فيه حد من حدائق القبة يقول رايه ؟؟؟؟؟؟؟؟؟
طيب بلاش القبة اى حتة قريبة من مدينة نصر وخلاص او م نصر نفسها فى حدود 300 الف
اهى اتسهلت اهيه

[ramymechanics]

شوف الوسيط ولو انى اعتقد ان 300 ألف على 3 غرف يعنى سعر متر أقل من 3000 جنيه ... انا بصراحة معرفش هل الكلام دة موجود فى الحدايق ولا لأ

عموما أنا عندى شقتى فى ميدان النعام فى عين شمس 3 غرف واسعين كلهم عالشارع متشطبين تشطيب بحلو بتكيفيين وجاهزة لو عاوز تستلمها اى وقت وسعرها 300 ألف ... دور تاسع بأسانسير متجدد قريب

ربنا يوفقك فى بحثك