إيه الحل ؟

[إنسانة]

السلام عليكم

عايزة آخد رأيكم في الموضوع دا وخصوصا مغتربين السعودية

بدور حاليا عن شغل ولقيت عدة خيارات و لكن

أنا مشكلتي الرئيسية في الشغل هي المواصلات

لان السائق لا بيتقيد بموعد كويس ولا أسلوبه كويس وبيسوق بسرعة

ولما كنت بروح التدريب كنت بكون مرعوبة وغيرت السائق ونفس الكلام بيسرع جدا

فانا دلوقت عايزة اشتغل بس موضوع المواصلات دا قلقني

مع العلم اني مش هينفع اشترك مع باص لإنهم بيرتبطوا بمواعيد وبيتأخروا وأنا عايزة أبقى بسرعة ممكن أوصل لبنتي في أي وقت ومش هينفع أتأخر عليها وعشان كدا الإشتراك بباص في الحالة دي مش مناسب بالنسبالي

فإيه الحل من وجهة نظركم ؟

أنا بفكر أشتري عربية وأجيب سائق خاص بس برضو خايفة جدا من الموضوع دا

لإن الساق شخص غريب في النهاية وهيعرف تفاصيل كتير عن حياتي وأنا مترددة من خطوة زي دي
وبقصد بالتفاصيل لإني هنقل شقة في عمارة عادية بدون حراسة

و هيعرف أكيد مواعيد خروجي ودخولي و خروج زوجي ودخوله فمش مأمنة من النقطة دي

وخصوصا ان الهنود والناس دي بسمع عن جرايمهم كتير

فإيه انسب حل وأسلم طريقة ؟

[إنسانة]

أنا بعتذر نزلت الموضوع في القسم الخطأ , بقصد الإجتماعي بالطبع
ياريت يتم نقله وبعتذر على هذا الخطأ

[ali_333]

الحل تشوفي حد من قرايبك اللي في مصر يشتغل عالعربية يوصلك ويبقى قريبك وواثقة فيه

[J A G U A R]

تجيبى عربيه لنفسك وتركبيها انتى ومش لازم سواق

[khaled_sabry]

تجيبى عربيه لنفسك وتركبيها انتى ومش لازم سواق

الاخت مصريه فى السعوديه يعنى ماينفعشى تسوق بنفسها

[A.Saad]

معروف عن السعودية القيادة بسرعة لان الطرق تسمح بذلك عكس طرق مصر

شوفى سواق يكون هاديء فى سواقته
وفى نفس الوقت البسى حزام الامان
لكن فكرة سواق خاص بلاش منها لان شغلك غير مستقر ولانه بيعرف خصوصيات الواحد كتير

[أبو صلاح]

زوج حضرتك يعمل تأشيرة عمالة منزلية سائق من الهند
انظف سواقين اتعاملت معاهم وانتي اللي بتعودي السواق على اسلوبك
طبعا اسلوبك معاه يبقى جاف وبدون هوادة لان بجد العالم دي لما بتدلع بتخرب الدنيا
وهو هيبقى تحت كفالة زوجك يعني مش هيقدر يتحرك لا جوة المملكة ولا براها الا باذن زوجك
واذن رسمي كمان
واياك من السواقين من الجنسية المصرية دول بجد اللي يتخاف منهم
السكن بتاعه يكون منفصل ولو امكن يكون بعيد عنكم
في عائلات سعودية بتجيب سواقين من الهند او الفلبين مع زوجاتهم خدامات واعتقد ده افضل في حالتك

يافندم القانون في السعودية مفعل وليه تأثيره وكله بيخاف من العقوبة
وواضح من كلامك قبل كده ان زوجك شخصية مهمة او صاحب نفوذ او املاك

[#MAAM#]

حضرتك أفضل حاجة في الموضوع ده التاكسي ............ ولو جوز حضرتك يقدر يوفر عليكي المشاوير ده بنسبة كبيرة يبقى افضل حل فعلا التاكسي وانا عارف انه غالي بس هتعملي اية !! وربنا يعينك على المصاريف والغربة

[ESO101]

يتوقف على عدة أمور
أولًا السواق هيقعد فين ؟
ثانيًا شاورتي جوزك في موضوع السواق دا ؟
أعتقد كدا بظروفك مش هيوافق وتأكدي قبل ما نقترح عليكي ويرفض و تزعلي
غير كدا فهمت من كلامك إنك في مكان فيه حراسة
ليه هتسيبي المكان اللي عليه حراسة ؟
السعودية فيها قانون أي نعم بس في نفس الوقت لما بيعرفوا وحدة ساكنة لوحدها ممكن يطمعوا فيها
ومش عايز أخوفك بس أنا بنصحك متفتكريش القانون عامل أمان 100%
فيه فرق بين حد بيرتدع وبين مجرم بينفذ جرمه
الإرتداع هوا اللي بيتكلم عنه الأخ الفاضل أبو صلاح
إنما اللي بيكون في دماغه حاجة وهينفذها
الشرطة مابتلحقش توصل في الوقت المناسب
إتمسك أو لاذ بالفرار دا مش هيشكل أي فرق على الضحية الواقع عليه الجريمة
عشان كدا ماتطمنيش أوي من حكاية القانون
البلد فيها قانون و الوافدين فيهم نسبة غباء وإجرام و تعود على دا
فالموضوع بالنسبالهم ( فرصة )
خلي بالك من موضوع السواقين وخلي بالك من بنتك لإن الفئة دي ( أوسخ فئة )
ولو سلمتي من جرمهم ( ربنا يحفظك )
مش هتسلمي من غباوتهم بيجوا السعودية مايعرفوش يسوقوا وبيتعلموا في الناس
الحل الأمثل جوزك يعرفه أكتر شخص
تقبلي منه الحل , الراجل بيعرف تفاصيل كتير إنتي مش شيفاها
حاولي تتناقشي معاه وإديه فرصة يفكر معاكي وتقبلي منه دا أحرص حد عليكي