هوا الحب مش اعجاب وبس ولا انا غلطان

[eng/ahmed_go]

مش عارف ليه بحس ان الواحد لغاية دلوقتي مش عارف يختار البنت اللي هتكمل معاه حياته لان كل اللي بيحصل اني بأعجب بواحدة بشكلها بكلامها بروحها بس مش قادر اميز اذا كان ده يمثل حب ولا لاء
لاني في دماغي ان الحب ده ما هوا الا اعجاب
بس المشكلة الواحد بيعجب ببنات كتير فهل معنى كده اني بحب اكتر من واحدة ؟؟؟؟
وطب وايه اللي يضمن ان بعد ماتجوز ماأعجبش بحد تاني ؟؟؟؟

[amoor89]

فى وجهة نظرى كون انك تحس انك بتحب واحدة من اول مرة تشوفها فده مش طبيعى لان ده اسمه اعجاب فقط لكن الحب كلمه مفهومها أعم وأشمل من الاعجاب
الحب بيتوجد مع المعامله المتكررة مع الشخص اللى قدامك وبتختلف الفترة من شخص للتانى وده بالنسبه للسؤال الأول
اما بالنسبة للسؤال التانى
خلينا متفقين اننا صنف الرجالة أغلبنا ان ماكنش كلنا ولا بلاش التعميم عشان محدش يزعل المهم بنعتبر الستات زى أنواع الفاكهة بأشكالها وألوانها المختلفة بتبقى نفسك تدوقها كلها (محدش يفهمنى غلط بالحلال طبعا) وعشان كده الشرع محلل للراجل 4 زوجات وده مش كل الناس تقدر تعمله لاعتبارات كتير مادية وذهنية ....الخ
المهم ان فى العادى انك بتفضل تدور كويس وتختار نوع فاكهة واحد بتلبسه طول حياتك وعشان كده لازم متتسرعش فى القرار ده

وفى الأخر ده رأى شخصى يحتمل الصواب والخطأ
تحياتى

[eng/ahmed_go]

فى وجهة نظرى كون انك تحس انك بتحب واحدة من اول مرة تشوفها فده مش طبيعى لان ده اسمه اعجاب فقط لكن الحب كلمه مفهومها أعم وأشمل من الاعجاب
الحب بيتوجد مع المعامله المتكررة مع الشخص اللى قدامك وبتختلف الفترة من شخص للتانى وده بالنسبه للسؤال الأول
اما بالنسبة للسؤال التانى
خلينا متفقين اننا صنف الرجالة أغلبنا ان ماكنش كلنا ولا بلاش التعميم عشان محدش يزعل المهم بنعتبر الستات زى أنواع الفاكهة بأشكالها وألوانها المختلفة بتبقى نفسك تدوقها كلها (محدش يفهمنى غلط بالحلال طبعا) وعشان كده الشرع محلل للراجل 4 زوجات وده مش كل الناس تقدر تعمله لاعتبارات كتير مادية وذهنية ....الخ
المهم ان فى العادى انك بتفضل تدور كويس وتختار نوع فاكهة واحد بتلبسه طول حياتك وعشان كده لازم متتسرعش فى القرار ده

وفى الأخر ده رأى شخصى يحتمل الصواب والخطأ
تحياتى

حضرتك شكلك متجوز :d

[shiko85]

انت بس مستعجل و شاغل نفسك بالموضوع ده علشان كده كل ما تشوف واحده فيها المواصفات اللى بتدور عليها يتهيالك انك معجب بيها و بتحبها
الموضوع مش انك تشوفها تعجب بيها الحب انك متشفش غيرها حتى لو لو شفت اجمل منها و احسن منها هتفضل شايفها هى بس
كل حاجه نصيب و انوى على الزواج و كون جاد فده و هتلاقى ربنا اكرمك باللى بتتمناه و اكتر

[محمود السيد]

انوى على الزواج و كون جاد فده و هتلاقى ربنا اكرمك باللى بتتمناه و اكتر
صح

[amoor89]

حضرتك شكلك متجوز :d

لسه مش قوى كده فرحى كمان أيام

[3mr Farrag]

اول حاجه انك تعجب بواحده حتا لو من اول مره تشوفها
وبعدين ذي ما استاذ عمرو قال بتفرق بعد ما تتعامل معاها ده حب ولا اعجاب
يعني ممكن الواحد يشوف واحده يعجب بيها بس مجرد اعجاب و تحس انها مش هي ديه اللي تتجوزها برضوا

كل واحد بيبقي عنده تخيل معين في اللي هيتجوزها مش لازم تلاقي كل الصفات بس علي الاقل تلاقي معظم اللي انت محتاجه في الشخص علشان فعلا تحبها و تتجوزها

وعلي فكره انت ممكن تشوف واحده من اول مره ولا تيجي في دماغك و انك ممكن
تتقدملها بس لما تكلم معاها مره و اتنين بتلاقي حاجات فيها انت كنت عايزها

حتا هتلاقي في جواز الصلونات ممكن تحسم امرك من اول مره انها ماتصلحش ليك و ممكن تبقي عايز تقعد تاني و انت برضوا مش حاسم الامر علشان تتعرف اكثر و تشوف شخصيتها اكثر و ده بالنسبه للست و للراجل طبعا

[yuong313]

باختصار شديد نصيبك هو اللي حيدور عليك ومهما وقف قصادك من صعاب ربنا حيسرلك هذا الطريق
عمتا الحب شيء والاعجاب شيء تاني
الاعجاب انك معجب باسلوب بطريقة بشكل انسانة
الحب هو تشتاق لشخص وتريده معاك مدي العمر يشاركك افراحك واحزانك
عايز تختبر نفسك بتحب شخص ولا لا اذا افتقدته فترة عن بعدك عنه ولاتستطيع نسيانه

[eng/ahmed_go]

عايز تختبر نفسك بتحب شخص ولا لا اذا افتقدته فترة عن بعدك عنه ولاتستطيع نسيانه

ما هيا دي المشكلة ان فيه بنات كتير في حياتي مقدرش انساهم و مش عايز ابعد عنهم :d

[yuong313]

ما هيا دي المشكلة ان فيه بنات كتير في حياتي مقدرش انساهم و مش عايز ابعد عنهم :d

كدة انتا محتاج عربية نص نقل تعبي فيهم البنات

[Ah.Farid]

خلى بالك كل الشباب بيمروا بالحيرة دة بس اول ما بتقع فى واحدة بتنسى معها كل اللى عرفتهم وبتشغل بالك وتفكيرك وما تقدرش تبعد عنها
وعلشان كدة الاعجاب بيبقى كتير بس اول ما بيبقى عامل زى الحمى (مرض الحمى ) والتفكير بيبقى كتير فى انسانة واحدة دة بس,,,,,, بيبقى اسمة الحب ,,,,ودة بيخليلك ما بتفكرش غير فى الانسانة دة ,,,,,,وبتحس انك مش عاوز تتحرك او تشوف او تسمع اى كلام غير منها ,,,,,ودة حالة الوقوع

بس اول ما بتتجوز خلالالالالالالالالالالالالالالالالاص مفيش اى حاجة ,,,,,,,,بتحس اد اية كنت لامواخذة مغفل وانضحك عليك وتقعد تفكر انا لية عملت كدة فى نفسى ودة اسمة دخول القفص يا حلو الملامح بس بتكتشف دة بعد فوات الاوان ومابيقعش الا الشاطر ....انا بهزر اوعى تزعل ,,,,,هاهاهاهاها

[S O P H O S]

الحب هو التوافق وبناء البيت الخ
اعتقد مش هينفع نحصره فكلام محدد

[eng/ahmed_go]

كدة انتا محتاج عربية نص نقل تعبي فيهم البنات

والله يا باشا انتا فصلتني من كتر الضحك :d

[yuong313]

والله يا باشا انتا فصلتني من كتر الضحك :d

الحل الوحيد لظروفك دي انك