مقدمه + دورة مبسطه ومعلومات عامه عن فوركس Forex ( بورصة العملات الاجنبية )

[eng/muhamad]

ده سؤال مهم
انت بتطلب من مدير الحساب نسخه من نتائج المحافظ التي يديرها للغير او محفظته الشخصية
و بتعرضها على محاسب قريبك او شخص تثق فيه وهو يوضحلك مدى حرفية مدير الحساب في اختيار توقيت الدخول والخروج و استراتيجيته في ادارة الحساب ,,
تحيتي ,,,

اولا المفروض ان المحفظه بتاعت اى عميل تكون سريه و مش من حق المحاسب ان يخلى اى حد يطلع عليها
2 لو فرضنا ان المحاسب رفض يدينى نتائج المحفظه بتاعته اعمل ايه
3- لو فرضنا ان هو وافق يدينى النتائج انا مش عارف اى حد فى المجال ده عشان يقدر يحكم على النتائج دى

[م. تيمور]

اولا المفروض ان المحفظه بتاعت اى عميل تكون سريه و مش من حق المحاسب ان يخلى اى حد يطلع عليها
2 لو فرضنا ان المحاسب رفض يدينى نتائج المحفظه بتاعته اعمل ايه
3- لو فرضنا ان هو وافق يدينى النتائج انا مش عارف اى حد فى المجال ده عشان يقدر يحكم على النتائج دى

الحسابات المداره من الشركه متعدده وده بيكون بعد اخذ اذن صاحبها وفيه كثير من العملاء بيوافقوا زي ما حصل معايا
2 - ليه حيرفض يوريك محفظته الشخصيه !! اكيد حيوافق دي دعايه وفخر ليه
3 - لو مالكش اي حد تعرفه محاسب ممكن تعتمد على خبرتك الشخصيه الامور سهله خانه فيها راس المال وخانه فيها تواريخ العمليات وربح كل عمليه بعدين الاجمالي ,, مش محتاجه تكون عندك خبره محاسبية
ولو مقدرتش ,, خلاص افترض حسن النيه زي مثلا اي طبيب بتذهب اليه وبتفترض فيه انه حسن النيه مش حيديك دواء يضرك :)
تحيتي ,,,

[ehab08]

السلام عليكم مهندس / تيمور
أنا ماكنتش شوفت الموضوع ده فى فترة عرضه لانشغالى
ومن كام يوم كنت بقلب فى المواضيع اللى فاتت وفوجئت بموضوعك القوى ده
ياترى ماكملتش ليه؟؟
أرجو أن يكون المانع خير
بصراحه أنا متشوق أنى أتابع باقى الموضوع القوى ده لأنى كنت بفكر أدخل فى الفوركس وأبتدى فى تعلمها
فإذا لم يكن هناك مانع إن شاء الله أرجو من حضرتك تكميل الموضوع
وشكرا

[م. تيمور]

اشكرك على كلامك الرقيق استاذ ايهاب
وانا تحت امرك في اي سؤال ,, والموضوع بطبعه مشوق ولكن الاهم هو تفاعلكم واسألتكم اللي بتثريه اكثر واكثر
الجديد في الموضوع هو برامج التداول الآلية او الذكاء الاصطناعي ,,
ودي برامج بيتم تنصيبها على محطة ميتا تريدر المخصصه لفوركس ,, وفيها يقوم البرنامج بعمليات الشراء والبيع طبقا لمؤشرات متعدده ومعقده تمت برمجته على اساسها من قبل خبراء لهم سنوات طويله في مجال فوركس
وميزتها انها بتلغي عنصر الخطأ البشري والمشاعر الانسانيه في اتخاذ القرارات ,, وبالتالي انت ممكن تمارس حياتك بشكل طبيعي جدا سواء في عملك وبيتك او تستجم على احد الشواطيئ بينما رصيدك بيتضاعف يوم بعد يوم
وللحديث بقية ان شاء الله ,,

[Miss_Pharma]

موضوع مميز يا بشمهندس تيمور ..
معلش جت متأخرة لكن فعلا اول مرة اشوفه ..

تسمحلي انضم للمتابعين واستفسر عن شوية حاجات كده ..

[Miss_Pharma]

نتابع ,,,
عرفنا ان وكالة السيارات تستطيع اخذ عربون بسيط منك ,, ممكن واحد في المئه من ثمن السلعه الاصليه او حتى ربع في المئه ايضا ,, يعني بالف دولار منك تستطيع التعامل في صفقة ثمنها 400 الف دولار !!! ,, كل ذلك بشرط ان لا تتعدى الخساره الحد المسموح
طيب ,, عرفنا كيف يكون المكسب في حالة توقعي ومعطياتي ان سعر السياره سيرتفع
ولكن ماذا اذا كانت المعلومات المتاحة لدي ان سعر السياره سينخفض ... وانا متأكد من تلك المعلومه كيف سادخل الصفقة واربح منها !!!
هنا سنبدأ الصفقه بالعكس ,, يعني سأذهب الى وكالة السيارات وابدأ الصفقه بالبيع ,, أي سأطلب من الوكاله بيع السياره فورا بسعرها الحالي أي ب 100 الف دولار وهو ماستنفذه الوكالة على الفور ,, ثم انتظر حتى يهبط سعر السياره الى 98الف دولار مثلا ,, واقوم بشراء السياره مرة اخرى وردها الى الوكاله ,, واضع الفرق 2000دولار في حسابي واسترد ايضا العربون الذي دفعته للوكاله فيصبح اجمالي رصيدي هو 12 الف دولار ,,,
وللحديث بقية ان كان في العمر بقية :) ,,,

حضرتك اشرت ان الفوركس فيها مكسب في الطلوع والنزول .. ياترى هي دي طريقة المكسب في حالة الهبوط .. ولا فيه طرق اخرى ؟
علما بان هذه الطريقة متوفرة حاليا في سوق الاوراق المالية وتسمى بالshort selling ..
وياريت لو فيه فتاوى لشرعيتها زي الهامش كده .. اكون شاكرة ليك جدااااا ..
لاني بصراحة غير مقتنعة بشرعية بيع ما لا تملكه ..

وده بيفتح لنا المجال لشرح الفرق بين سوق العملات وسوق الاوراق الماليه والاسهم .
...................
6 - في سوق العملات لايمكن لفرد ولا لدوله التأثير على مسار السوق لان حجم تداوله اليومي يفوق ال 3 تريليون دولار بينما في اسواق الاسهم الاقليميه نرى المؤامرات والتحالفات بين الكبار لضرب السوق على حساب صغار المتداولين
,,

بصراحة هي دي اهم ميزة فعلا .. ومش ممكن يقدر قيمتها الا اللي اتأذى من عدم تواجدها ..

معلش سؤال اخير ( انا عارفة اني غلسة ) ..
هل تتوافر فرص استثمار متوسط او طويل الاجل في سوق العملات .. ولا كلها مضاربات سريعة ؟

شكرا جدا لحضرتك ..

[م. تيمور]

شرفتينا بمرورك ميس فارما واهلا بيكي دايما

بالنسبه لسؤالك الاول العلماء اختلفوا في شرعية بيع مالاتملك فمنهم من اباحه ومنهم من حرمه ,, ولكن لكي يطمئن قلبك هناك شركات في فوركس تخضع جميع تعاملاتها للجنه شرعيه متخصصه وهي التي تبحث في مدى شرعية كل معاملة من معاملاتها وبالتالي هم المسئولون امام الله وليس نحن والله اعلم ,, وعلى كل حال ممكن تدخلي صفقات لونج فقط وتتركي الشورت ,,

السؤال التاني هو ممكن يكون فيه استثمار متوسط وطويل وده بيكون بجزء بسيط جدا من المحفظه ودخول بيكون على حسب مؤشر Rsi اذا كان تحت 30 اشتري واذا طلع فوق 70 بيعي ولكن فوركس مخصصه في الاصل للمضاربات السريعه والمدروسه واغلب المتعاملين بيشتغلوا كده

وانا تحت امرك وامر الجميع في اي استفسار آخر ان شاء الله ,,,

[aliabutaleb]

ثالثا 500 مبلغ جيد للتعلم بعد حساب الديمو ولكن تكون تجاره بجد لازم مبلغ اكبر في راي

موضوع مهم جداً
جزاك الله خيراً يا صديقي الدايهاتسوي م. تيمور :)
عندي سؤال بخصوص الحساب الديمو المشار إليه في الجزء المقتبس
إزاي الواحد يقدر يعمل حساب زيه عشان يتدرب عليه ويستفيد من أخطائه بدون خسائر

[م. تيمور]

موضوع مهم جداً
جزاك الله خيراً يا صديقي الدايهاتسوي م. تيمور :)
عندي سؤال بخصوص الحساب الديمو المشار إليه في الجزء المقتبس
إزاي الواحد يقدر يعمل حساب زيه عشان يتدرب عليه ويستفيد من أخطائه بدون خسائر

مرورك رائع alijandroo ابو حمزه حبيب البي ,,

بالخبره ,, الشركه التي تريد فتح حساب ديمو بها لا بد ان تتمتع بالمواصفات التالية
1 - شركة موثوقة ومحترمة ومسجله في الهيئات الدوليه ,,
2 - بها حسابات اسلامية حقيقية
3 - العموله صفر
4 - السبريد ( فرق السعر بين الشراء والبيع ) اقل ما يكون
5 - تقبل الاكسبرتات والهيدجينج والسكالبينج
6 - سرعه في السحب والايداع
7 - فيها احجام صفقات مايكرو ,, 0.01 لوت ,,, 1pip=10cents
8 - يفضل ان تكون امريكيه ( وليس شرط ) ,, لصرامة القوانين الفدراليه وضمان اموال المودعين
9 - رافعة لا تقل عن 1:200 ويفضل 1:400
10 - تدعم منصة ميتا تريدر .

تتركز تلك المواصفات مجتمعه في شركتي
www.ibfx.com
www.FXDD.com

وتوجد شركة قبرصيه ممتازه بها كل ماسبق عدا انها لاتقبل الاسكالبينج
www.prime4x.com

يمكنك فتح حساب تجريبي بها وسوف احمل عليه الاكسبرت ( المتداول الآلي ) الذي املكه وشوف النتايج ان شاء الله ,,
ولو محتاج مساعده في فتح الحساب انا اقدر اساعدك
تحيتي واحترامي ,,

[Miss_Pharma]

شكرا يا بشمهندس ..

[AHMEDCAR]

موضوع رائع متابع باهتمام

[hobiko]

موضوع هايل يا ريت تكملنا ايه هى عيوب الاكسبرت ده يعنى لو هو كويس اوى كده طب ممكن الناس كلها تتعامل بيه و محدش يخاطر خصوصا فى الأول و انت لسة خبرتك مش اوى :k47:

[eng/muhamad]

5 - تقبل الاكسبرتات والهيدجينج والسكالبينج

ياريت شرح بالتفصيل للكلام ده
و ياريت معلومات اكتر عن البرامج اللى بتدير الحسابات دى

[ehab08]

أيه الكلام الكبير ده اللى الأخوه الأعضاء بيسألو فيه
على العموم أنا حتابع فى صمت ومنتظر الشرح اللذيذ للموضوع القوى ده
على فكره انا بكتب وراك بعض النقط الصغيره علشان اعمل ملخص للموضوع
رجعتنا لأيام الجامعه يابشمهندس :)
جزاك الله كل خير

[م. تيمور]

اشكر كل اخواني وكلامهم الرقيق ربنا يديم المعروف ويوفقنا جميعا
نتكلم عن الاكسبرت ,,
هو برنامج ذكاء اصطناعي robot يتم تركيبه للعمل تحت منصة ميتاتريدر بحيث يقوم هو بالتحكم في كل ادوات ميتاتريدر من تحليل و قراءه فنيه وأخذ القرار والتنفيذ سواء بالبيع او الشراء او حتى التوقف وتجميد المحفظه فتره من الوقت
يعتمد البرنامج على دمج عدد من الاستراتيجيات التي تم بنائها خلال سنوات على ايد خبراء في التحليل الاساسي والتحليل الفني ,, ثم الاعتماد على معادلات منطقيه logic parameters للوصول الى اعلى ربحيه من الصفقة
هذا لا يمنع انه يمكن تغيير اعدادات البرنامج ليناسب مختلف احجام الحسابات كيبره متوسطه او صغيره ويمكن اختيار درجات متعدده مابين الاكثر ربحيه والاكثر امانا ,,