شقة في الهضبة الوسطي ولا الواحة ؟؟

[Seifmando]

السلام عليكم

نويت اشتري شقة بإذن الله بس محتار جداً في الاماكن. وفكرت عن المناطق دي:

1-حدائق الاهرام
الميزة في المساحه الكبيرة اللي ممكن اخدها ممكن توصل لـ 200 متر
الهدوء
العيوب اكتر زي مثلاً ان شغلي في التجمع ودا هيخليني اعمل حوالي 100 كم كل يوم بالعربية دا غير اني هقضي مش اقل من 3 ساعات رايح جاي في اليوم
قلة الامان.

2- الهضبة الوسطي
الميزة في القرب من التجمع والقرب ومن وسط البلد لانها علي الدائري وخصوصاً ان مشوار كارفور المعادي دا شئ اساسي كل اسبوع عندي.
راحة للعربية وكمان استهلاك بنزين قليل
العيوب المساحة اللي اقدر اخدها اخرها 130متر ودا يعتبر عيب بالمقارنة بحدائق الاهرام

3- الواحة مدينة نصر
الميزة في القرب من التجمع والقرب من وسط البلد
راحة للعربية وكمان استهلاك بنزين قليل
العيوب المساحة اللي اقدر اخدها اخرها 130متر
قربها من عزبة الهجانة

دي كل المعلومات اللي قدرت اجمعها عن ال3 مناطق دي. ومبدئياً انا استبعدت حدائق الاهرام من المقارنة لكتر عيوبها بالنسبة لي
انا ممكن اوفر لحد 300 ألف جنيه ومش عارف ايه مميزات او عيوب الواحة او الهضبة الوسطى اللي اتمني من الناس اللي ساكنين هناك انهم يساعدوني اكتر فيهم

جزاكم الله كل خير

تم النقل الى المنتدى الاجتماعى
مشرف ب 5

[shiko85]

احسن حاجه عملتها انك صرفت نظر عن الهضبه

[medo11_1]

فى عند كارفور المعادى منطقة اسمها بيتشو دى ارخص حاجة على الدائرى بس المستوى مش ضايع مقبول يعنى و السعر الى انت كاتبة ممكن يجبلك 150 متر تقريبا ممكت تروح تاخد فكرة عن المنطقة نفسها و فيها كل مميزات الهضبة و الواحة

[shiko85]

احسن حاجه عملتها انك صرفت نظر عن الهضبه

قصدى حدائق الأهرام - هضبة الهرم

[Seifmando]

فى عند كارفور المعادى منطقة اسمها بيتشو دى ارخص حاجة على الدائرى بس المستوى مش ضايع مقبول يعنى و السعر الى انت كاتبة ممكن يجبلك 150 متر تقريبا ممكت تروح تاخد فكرة عن المنطقة نفسها و فيها كل مميزات الهضبة و الواحة

بيتشو انا سألت عليها لقيت ان فيه مشكلة بين المشروع كله تقريباً مع الحي وبالتالي فيه مشكلة في العدادات الكهربا والمياه ...الخ
عشان كدا تلاقي المتر هناك سعره قليل جداً
المعلومة دي من ناس اصحابي ساكنين هناك

[khaled_rafea]

300 يجيبو شقه 200 متر فى بيتشو من شخص مستلم من الشركة مش من الشركة نفسها, و دى مفيهاش اى مشاكل نهائى, و ممكن تدور فى المقطم, الهضبة العليا , بس المساحة حتبقى 120 متر بدون تشطيب

[Ah.Farid]

لية مش بتفكر فى الشروق
انا شغلى فى التجمع وببحث فى الشروق لان الاسعار اهدى والمساحات احسن وكمان ممكن عن طريق الرحاب تتدخل التجمع بسهولة

عاوز اعرف رأيك

[wasta]

السلام عليكم . عن نفسى بفضل الهضبة الوسطى نظرا لقربها من الدائرى وثانيا المستوى الإجتماعى هناك حلو بالنسبالى عيوبها إن معظم الشوارع تحتاج سفلته

أما حدائق الأهرام بيعتبر مشوار لشغلك وفى ناس بتقول الأمان موش قد كده

الواحة عيبها إنها بتبص على مساكن صقر قريش . أنا أختى كانت ساكنة هناك بس فى مساكن صقر قريش :d
وكانت متضايقة من السكان هناك ودلوقتى الحمد لله سكنت فى عمائر مدينة نصر بس سعرها غاااالى أوووى

[Seifmando]

300 يجيبو شقه 200 متر فى بيتشو من شخص مستلم من الشركة مش من الشركة نفسها, و دى مفيهاش اى مشاكل نهائى, و ممكن تدور فى المقطم, الهضبة العليا , بس المساحة حتبقى 120 متر بدون تشطيب

ما هو ليه بقي فرق السعر الرهيب دا مع ان الاتنين في نفس المنطقة تقريباً وبيفصل ما بينهم الدائري بس؟

لية مش بتفكر فى الشروق
انا شغلى فى التجمع وببحث فى الشروق لان الاسعار اهدى والمساحات احسن وكمان ممكن عن طريق الرحاب تتدخل التجمع بسهولة

عاوز اعرف رأيك

انا للاسف كل عائلتي واصحابي في وسط البلد يعني لما هفكر ازور عائلتي هدب مشوار ابن لذينة اوي من الشروق لحد وسط البلد
من رايي لو انت عائلتك واصحابك قريبين من الشروق توكل علي الله لان الدور جاي عليها بعد التجمع

[khaled_rafea]

يا باشا بيتشو عماير عالية 11دور و الشوارع اصغر من المقطم و تعتبر زى مساكن بس نضيفة (كل العماير نفس الشكل) مش زى الهضبة الوسطى اهالى و فلل و اعلى عمارة 4 ادوار و تبنى بس على 60%, طبيعى جدا يبقى ده فرق السعر, ده غير سمعة الشركة بسبب المشاكل القديمة فى التسليم, انا اخى ساكن فى بيتشو و انا ساكن فى المقطم, دى حاجة و دى حاجة, بس مش معنى كده ان بيتشو وحشة, حضرتك المهم عندك المساحة الكبيرة و لا طبيعة المكان ؟ فيه ناس مبتحبش العماير الكبيرة القريبه من بعض, انزل شوف هنا و هنا و قرر, و لو نويت تشترى من بيتشو اشترى من صاحب شقة مستلمها من الشركة و عمارة مسكونه

[mohamed hussei]

الهضبة والوسطي الهي داخل المقطم يعيبها الشوارع عاوزة تتسفلت بس واحسن منطقة عند الجامعة الصيدلة تقريبا

[bmya]

انا ليه واحد صحبي مأجر في بيتشو وكنت عنده امبارح وقالي فعلا ان مفيش عداذات كهربه وان كل الشقق موصله كهربه من العمود وانهم مبيدفعوش گهربه والمنطقه معقوله مش وحشه اوي بس مليانه ناس افارقه مش عارف ليه

[medo11_1]

اية يا جماعة بس حوار عدادات الكهرباء انا ليه شقة هنالك بس مدخلتش الكهرباء لسه كسل منى انما العمارة كلها فيها عدادات كهرباء عااااادى جد(ممكن يكون عشانا انا فى المرحلة الاولى معرفش المراحل التانية اية نظامها)
و عموما 300 الف ميجبوش شقة 200 متر فى بيتشو الا لو مش متشطبة خاالص و لسسسة مش هتستلكها دلوقتى مثلا

[bmya]

بالظبط كده المرحله الاولى بس اللي فيها كهربه المرحله التانيه مفهاش كهربه

[Terrible_DaRsH]

حدائق الاهرام انا متابعها من سنتين وهناك بشكل مستمر

عيبها ان مستقبلها مجهول تماما، متقدرش تحكم انها هتكون متوسطة وراقية ولا هتكون مستوى هابط خاصة الزحف هناك زاد جدا.