موتور مياه نوع كويس

[amr011111]

السلام عليكم ورحمة الله وبركاته

ياريت لو احد الاخوه يرشحلى نوع موتو كويس يوصل المياه للدور السابع

انا مجرب نوع اسمه سيتى بس للاسف مفيش منه حصان ونص

وشكراً

[ahmedteam]

اعتقد كالبيدا الايطالى نوع محترم

اشترى من الوكيل فى شارع الجمهوريه اضمن عاشان المضروب كتيير

[amr011111]

اعتقد كالبيدا الايطالى نوع محترم

اشترى من الوكيل فى شارع الجمهوريه اضمن عاشان المضروب كتيير

هوه كالبيدا لا يعلى عليه طبعاً
بس انا عاوز حاجه اقل فى السعر وكفاءه فى العمل
زى سيتى

[ميرو اسامه]

اعتقد تانى حاجة بعد الكلبيدا نوع اسمه لورا ايطالى واقل كتير فى السعر وكفاءة برضة

[د.أبونضال]

أنا في التاسع وموتوري سيتي 3/4 حصان وشغال زي الفل ما شاء الله ... الحصان ونص ده هيبوظ لك السباكة

[amr011111]

أنا في التاسع وموتوري سيتي 3/4 حصان وشغال زي الفل ما شاء الله ... الحصان ونص ده هيبوظ لك السباكة

انا هيشترك معايا شقتين كمان
يعنى الخط هيشتغل عليه تلات شقق شقتين فى السابع
وشقه فى الخامس

لما سألت السباك على موتور حصان قاللى انه هيبقى ضعيف
وقاللى انه هيحتاج ماسوره من مدخل المياه اللى جاى من الحكومه بوصه ونص لحد مدخل الموتور
وبعد كده هيطلع من الموتور للشقق بماسوره واحد بوصه

فهل الافضل كده اجيب حصان ولا حصان ونص
والمواسير قطرها برضه كام

سؤال كمان بعد اذنك انا عندى موتور العماره 2 حصان ورغم ذلك السباكه مباظتش رغم ان ممكن ميكونش فيه سكان كتير متواجدين يعنى ممكن الموتور ده فى بعض الاوقات خاصة بالليل يبقى شغال على شقه واحده بس
وشكراً جزيلاً