تنبيه هام وجاد من التعاملات الماديه علي المنتدي

[Karim_Monir]

السلام عليكم ورحمه الله
الموضوع ده عملته قبل ما اسافر لكن لقيتني منزلتوش ونسيته في الدرافت عندي فلما شوفته حبيت انزله وبقول يا رب مكونش اتاخرت
في الفترة اللي فاتت ونتيجة حتميه لكبر حجم المنتدي وكثرة زواره وعشان في كل مكان الصالح والخبيث فشايف من بعض الرسائل اللي بتبعتهالي اعضاء كتير تسأل عن اشخاص ومدي ثقلهم وثقتي فيهم
ان بعض الاعضاء بيحاولو يستغلوا بعض الناس في تعاملات مالية وطبعا شكل التعاملات دي غير سليم ومشبوه وللاسف ليس في ايدينا كادارة المنتدي اي تصرف نقدر نتخذه تجاه عمليات النصب دي سوي التحذير
لذلك وجب التنويه والتحذير من اي تعاملات ماليه سواء علي الانترنت او خارجه
وليس افتراض حسن النيه والسذاجه وجهان لعمله واحدة
فالمؤمن كيس فطن لا يخدع
ولازم لازم تسأل مرة واتين قبل الدخول في اي تعاملات ماليه مع اشخاص لا تعرف عنهم سوي مجرد اسم
وليس لهم كيان علي ارض الواقع وتستطيع مقاضتهم ان لزم الامر والتدخل
هذا التنبيه جاد جدا جدا واشكركم علي الاستماع الجيد وتنبيه الغير
ورجاء ان كنت كدت تعرضت بصورة او باخري لمحاولة لتعامل مادي مشبوه ان تذكر الواقعه هنا في هذ الموضوع
شكرا

كريم منير
رئيس مجلس ادارة مجموعة كيو شيفت لادارة المحتوي والمواقع

[abouzaid555]

حمدا لله على سلامتك و منور مصر يا صديقى العزيز و نشكرك على النصيحة ربنا يجعلها فى ميزان حسناتك

[damasry]

طيب اعمل الموضوع بتوجيه اجبارى عشان كل الناس تدخل تشوفه

[kar!m]

شكرا على التنبيه

[tarek_2005]

مشكور علي التنبيه والحمد لله كل الي في القسم عندي ناس معروفة ومحترمة كما يليق بسمعة المنتدي واي دخيل يتم لفظه من جميع اعضاء القسم

[EngAhmedSayed]

مشكوووووووووووووووور
على التنبيه و كان يفضل الاعلام يكون اجبارى
ربك المستعان

[Land_Cruiser]

شكرًا علي التنبيه و اقترح انه يبقي في صوره banner متحرك يظهر علي الصفحة الرئيسيه عند دخول المنتدي نظرا لاهميته و للتذكير الدائم به أيضاً

[saddam]

صديقي المواطن المؤسس الحبيب
جزاك الله عنا خيرا ونصيحة ضرورية ولا بد منها ومهمة لكل اﻷعضاء الكرام فأنت بذلك قد أنقذتهم من شر مؤكد

أحب أن أريحكم أيها اﻷخوة الزملاء اﻷعضاء اﻷفاضل إن المقصود بهذا الكلام هو الحرامي اﻷكبر صدام المواطن وأنا من تسأل الناس عني اﻷخ المؤسس كريم منير عن مدى ثقته بي وأحب أزيدكم من الشعر بيتا أي حد بيجيبلي عربية أساعده على مصيبته بيها بيعمل لي بيها توكيل إدارة أو عقد إيجار وعليه شهود ويدفع كامل مبلغ اﻹصلاح مقدما عشان أعرف أسرق الناس براحتي
عارف ليه يا راجل يا طيب ﻷني مش صاحب ورشة ولكن عندي أكثر من 12 عربية موزعه في كذا ورشة وكذا مكان وأنا قلبي بيتكسر عالناس وبشوفهم بيتلفتوا حوالين نفسهم ومحدش بيمدلو إيده يساعدهم ﻷ وإيه بقدم مساعدتي مجانا يعني واحد بيقولوله عربيتك حتوصل فوق ال 75 ألف وأنا أقولله ممكن أزقها جنب عربياتي ومش حتكلف فوق ال 50 ألف فأين مكسبي سوى وجع الدماغ وواحد بيدور على نص عربية ومش لاقي وأنا أدخل وأتكفل بيه ﻷنه بيقللك عيان وبلف عالمستشفيات وواحد عربيته يعملوهالو ب 9 آلاف وأنا بقوللو أعملهالك ب 4 آلاف أو 5 آلاف وحط صورها عالمنتدى طلعت مش حلوة أعملهالك تاني وواحد يخش يقوللك عملت حادثة ومعييش فلوس أخش أقوللو أنا أعملهالك بالقسط ولو أتمكن خليك في بيتك وأعملهالك وحاسب براحتك
وواحد يحلم يصنع عربية ومش عارف مثلا مرسيدس قسما برب الكعبة أحيانا بقول ليهم تكلفة مثلا 40 ألف أقعد أحسبها ألاقيها 43 ألف بقول معلش مش حقوللو ربنا يقدرني وأعملها من جيبي
فمن هنا ورايح نسمي اﻷمور بمسمياتها ونحب نوجه كلام لحد نوجهه في وجهه يا سيد البشر
ولو المواطن المؤسس يحلم ويتمنى ومنى عينه أطلع إنسان حرامي وكاذب ومزيف فأنا يا سيدي الفاضل شايفك أأمن وأحسن البشر
ويا جماعة لو أي حد حظه السيء وقعه في طريقي وعايزني أوقف جنبه في حاجة فسلموا الفلوس لتاج رأسي كريم منير وأنا حعتبرها في جيبي
وعارف إيه المصيبة يا مواطن إني بشترط على كل حد طلب مساعدتي يعمل بيها موضوع مصور وبالفلوس اللي إتدفعت عارف ليه ﻷن صدام المواطن إنسان رافع شعار قولا واحدا
ومرة أخرى بنشكرك إنك واخد بالك من اﻷخوة اﻷعضاء ولكن اﻹسقاط كان واضحا ﻷن المنتدى قبل إيقافي كلنا عارفينه ومحدش سمعناه إتكلم في فلوس غيري عشان أنا شخص مادي وبدور على أي مصلحة أخسر بيها إسمي وسمعتي عشان 40 أو 50 ألف جنيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[MTAK]

استاذ صدام

اعذرنى لانى عاوز ارد عليك لكذا سبب و اهمها الرد عن الاخ بظهر الغيب و صدقنى ليس علشان كريم و لكن لو وجدت فرصه ارد عنك ايضا فلن اتأخر
فأعتذر لك انى اقحم نفسى فى الرد عليك و انا ليس لى ناقه و لا جمل فى الموضوع

1- تلك ليست اول مره يتم عمل فيها تحذير من التعامل المادى و كما ذكرت لك من قبل فهذا ليس شئ سئ لانه مسئول عن مكانه ادبيا ان لم يكن قانونيا

2- الموضوع لم يشر من بعيد او قريب لك او لأى عضو

3- انا اول مره اعرف ان حضرتك تكلمت فى ماديات اصلاح سياره على المنتدى و للأمانه كل اللى شاهدته لحضرتك بتتكلم على فلوس كانت على عربيه و صاحبها صلحها و حضرتك ذكرت له انه كان من الممكن ان تتكلف اقل
و لم تبدى ساعتها يد المساعده لانه كان صلحها بالفعل

اذن هناك الكثير لم يصلهم ان صدام ممكن يساعدهم بمقابل او غير مقابل فى تصليح عربياتهم و لو كان الامر كما تقول كان كريم نزل الموضوع

فى مكان ما انت عرضت مساعدتك و لكن الموضوع موجود فى الاجتماعى الذى لا يدخله الكثير من اللى دماغهم فى العربيات بس

4- عزيزى صدام اظن حضرتك بما لك من خبره حيايتيه ليست بالهينه و الكل يجمع عليها متزعلش من حاجه زى دى

حرص و لا تخونش , اظن ده مبدأ الناس بتعمله مع اخواتها دلوقتى مش مع معرفه عبر الانترنت (مع كامل احترامى لشخصك )

5- سمعتك التى لا تريد ان تخسرها من اجل (إسمي وسمعتي عشان 40 أو 50 ألف جنيه) حضرتك محق طبعا و الانسان ايه غير سمعه و اسم

و لكن برضه مع كامل احترامى لك و لشخصك الكريم , من يعرف سمعتك او اسمك , هو انا لو روحت ورشه و شفت عربيه جامده بتتعدل هاقول لصاحب الورشه مش هى دى بتاعة المواطن صدام , طبعا هايبلغ عنى السرايا الصفرا

اخى الكريم , هناك خلط للموضوع من جانبك , و زى ما قولت لحضرتك قبل كده

انت بتبث روح جديده فى المنتدى و بتتكلم عن حاجات و مساعدات تقدر تعملها ربنا يجازيك عنها خير لذا ارى من وجهة نظرى المتواضعه الا تلتفت الى اشياء من هذا القبيل

طالما لم يتم توجيه شئ لشخصك الكريم , حضرتك الموضوع ده اتشاف 300 مره الى وقتنا هذا و لم يعلق احد غير بالشكر او لم يعلق من الاساس مثلى
لم يذكر اى شخص شاف الموضوع بتلميح و لو صغير لشخصك الكريم

ارجو ان تتقبل كلام اخ اصغر لك (مع انى مش عارف عندك كام سنه :) و رفضت تقولى ) و لكن خبرتك فى الدنيا تجعلنى اقولها و انا مطمئن انى اخ اصغر لك

و ارجو ان تعذرنى فى تدخلى للرد عليك فكما ذكرت هدفى من البدايه الدفاع بظهر الغيب

عَنْ أَسْمَاءَ بِنْتِ يَزِيدَ رَضِيَ الله عَنْهَا، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:

"مَنْ ذَبَّ عَنْ لَحْمِ أَخِيهِ بِالْغِيبَةِ كَانَ حَقًّا عَلَى اللَّهِ أَنْ يُعْتِقَهُ مِنَ النَّارِ".

أخرجه ابن المبارك

[saddam]

استاذ صدام

اعذرنى لانى عاوز ارد عليك لكذا سبب و اهمها الرد عن الاخ بظهر الغيب و صدقنى ليس علشان كريم و لكن لو وجدت فرصه ارد عنك ايضا فلن اتأخر
فأعتذر لك انى اقحم نفسى فى الرد عليك و انا ليس لى ناقه و لا جمل فى الموضوع

1- تلك ليست اول مره يتم عمل فيها تحذير من التعامل المادى و كما ذكرت لك من قبل فهذا ليس شئ سئ لانه مسئول عن مكانه ادبيا ان لم يكن قانونيا

2- الموضوع لم يشر من بعيد او قريب لك او لأى عضو

3- انا اول مره اعرف ان حضرتك تكلمت فى ماديات اصلاح سياره على المنتدى و للأمانه كل اللى شاهدته لحضرتك بتتكلم على فلوس كانت على عربيه و صاحبها صلحها و حضرتك ذكرت له انه كان من الممكن ان تتكلف اقل
و لم تبدى ساعتها يد المساعده لانه كان صلحها بالفعل

اذن هناك الكثير لم يصلهم ان صدام ممكن يساعدهم بمقابل او غير مقابل فى تصليح عربياتهم و لو كان الامر كما تقول كان كريم نزل الموضوع

فى مكان ما انت عرضت مساعدتك و لكن الموضوع موجود فى الاجتماعى الذى لا يدخله الكثير من اللى دماغهم فى العربيات بس

4- عزيزى صدام اظن حضرتك بما لك من خبره حيايتيه ليست بالهينه و الكل يجمع عليها متزعلش من حاجه زى دى

حرص و لا تخونش , اظن ده مبدأ الناس بتعمله مع اخواتها دلوقتى مش مع معرفه عبر الانترنت (مع كامل احترامى لشخصك )

5- سمعتك التى لا تريد ان تخسرها من اجل (إسمي وسمعتي عشان 40 أو 50 ألف جنيه) حضرتك محق طبعا و الانسان ايه غير سمعه و اسم

و لكن برضه مع كامل احترامى لك و لشخصك الكريم , من يعرف سمعتك او اسمك , هو انا لو روحت ورشه و شفت عربيه جامده بتتعدل هاقول لصاحب الورشه مش هى دى بتاعة المواطن صدام , طبعا هايبلغ عنى السرايا الصفرا

اخى الكريم , هناك خلط للموضوع من جانبك , و زى ما قولت لحضرتك قبل كده

انت بتبث روح جديده فى المنتدى و بتتكلم عن حاجات و مساعدات تقدر تعملها ربنا يجازيك عنها خير لذا ارى من وجهة نظرى المتواضعه الا تلتفت الى اشياء من هذا القبيل

طالما لم يتم توجيه شئ لشخصك الكريم , حضرتك الموضوع ده اتشاف 300 مره الى وقتنا هذا و لم يعلق احد غير بالشكر او لم يعلق من الاساس مثلى
لم يذكر اى شخص شاف الموضوع بتلميح و لو صغير لشخصك الكريم

ارجو ان تتقبل كلام اخ اصغر لك (مع انى مش عارف عندك كام سنه :) و رفضت تقولى ) و لكن خبرتك فى الدنيا تجعلنى اقولها و انا مطمئن انى اخ اصغر لك

و ارجو ان تعذرنى فى تدخلى للرد عليك فكما ذكرت هدفى من البدايه الدفاع بظهر الغيب

عَنْ أَسْمَاءَ بِنْتِ يَزِيدَ رَضِيَ الله عَنْهَا، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:

"مَنْ ذَبَّ عَنْ لَحْمِ أَخِيهِ بِالْغِيبَةِ كَانَ حَقًّا عَلَى اللَّهِ أَنْ يُعْتِقَهُ مِنَ النَّارِ".

أخرجه ابن المبارك

صديقي المواطن
طبعا كل تعليقات حضرتك في هذا الموضوع والموضوع اﻵخر وسام على صدري وأفتخر به وأنت طول عمرك تزن كلامك بالقنطار ولكن صدقني أنا إن لم يكن هذا الموضوع يخصني بمجمله فهو 90% يخصني والمشكلة أني أعلم أمورا لا ينبغي لي التصريح بها ﻷني من عادتي لا أستطيع نقل كلاما أسروني به وهو كلام ثقة ثقة ثقة ولا يجرؤ أحد إنكاره ولكن هناك أناس في المنتدى يتمنون صبح نهار ومساء وليل أن يزل لساني فأقول كلمة أو أدعي إدعاءا لا أملكه عشان يقوللك شفت أهو صدام المواطن بتاعكم أهوه قال كلام كتير وفي اﻵخر صفصف على كفته مفيش
وبعدين يا راجل يا طيب طول عمرك وستظل أخي الأكبر الذي أتعلم منه ما حييت
ثم يا رجل يا طيب مش بيقللك ذكر فإن الذكرى تنفع المؤمنين وأنا من المنطلق ده بضم صوتي لصوت المواطن المؤسس كريم منير وبنقوللهم خد بالكم فيه في المنتدى بحكم تكاثر اﻷعداد ناس شريرة ومستغلة وداخلة تشتغلكم وتسرقكم عيني عينك وأولهم اﻷخ صدام المواطن سامحه الله على الجرائم اللي بيعملها في حق اﻷعضاء اﻷفاضل
ثم يا صديقي المواطن وتاج رأسي مخدتش بالك من عبارة إنه أتمنى ميكونش الوقت فات بعد منسي يبعته قبل ميرجعلنه من السفر بالسلامة
صديقي المواطن المؤسس كريم منير
متحاولش مهما عملت مش حزعل منك ولا حتعرف تكرهني فيك وإسأل الناس اللي بيتوسطوا بيننا كيف أنا أذكر إسمك وكيف حضرتك تذكر إسمي
ولكن معلش حضرنك معذور ﻷنك متعرفنيش وأنا مقصر في حقك وكان لازم نتعرف على بعض.من زمان
وربنا يهدي الجميع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Karim_Monir]

استاذ صدام
اولا انا لم اذكر اسمك من قريب ولا بعيد كلامي واضح وصريح ولو عايز اذكرك هاذكرك ثق تماما اني لا اخشي في الحق لومه لائم
وكلامي كله واضح وصريح وضوح الشمس وزي ما المهندس محمد طه ذكرلك ان الموضوع في الاجتماعي وليس العام وان الموضوع اتعمل بشكل عادي وليس بصيغه توجيه اجباري
اما عن طلبك لاحد العضاء انه يعملك توكيل ادارة بادارة سيارته عشان تصلحهالة فده ليه مخالفة تانية ارسلتها لادارة المنتدي لبيان ان كان الكلام ده يجوز ام لا لانك الي الان مش قادر تستوعب الفرق بين رئيس مجلس ادارة المجموعه وبين مدير المنتدي لكن دي مشكلتك الشخصية
اما عن كوني انا كصاحب ورشه عمري ما اجرؤ اطلب من عميل يعملي توكيل ادارة عشان اصلحلة عربيته لان لا العقل ولا المنطق يقول كدة وده يضعني تحت طائلة القانون
اقصى ما يمكن ان اطلبه من صاحب السيارة هو رخصة تسيير السيارة عشان مباحث السيارت لما تسئل علي السيارة بتاعت مين نقدر نرد

اخيرا لو سمحت تقدر تخاطبني باستاذ كريم لاني لا اعرفك ولا تعرفني وليس هناك ما يدعوك لمنادتي بالمواطن
عفوا انا لن اقبل بهذة التسميه
شكرا

[mohamed salhin]

ما تصلو على البى يا رجاله .... ليه كدا هو المنتدى اتحسد ولا ايه ؟؟ انا قربت اكره المنتدى ولله اللعظيم خلاص بقى

[ابو لؤى]

لاحول ولاقوة الابالله العلى العظيم

[saddam]

استاذ صدام
اولا انا لم اذكر اسمك من قريب ولا بعيد كلامي واضح وصريح ولو عايز اذكرك هاذكرك ثق تماما اني لا اخشي في الحق لومه لائم
وكلامي كله واضح وصريح وضوح الشمس وزي ما المهندس محمد طه ذكرلك ان الموضوع في الاجتماعي وليس العام وان الموضوع اتعمل بشكل عادي وليس بصيغه توجيه اجباري
اما عن طلبك لاحد العضاء انه يعملك توكيل ادارة بادارة سيارته عشان تصلحهالة فده ليه مخالفة تانية ارسلتها لادارة المنتدي لبيان ان كان الكلام ده يجوز ام لا لانك الي الان مش قادر تستوعب الفرق بين رئيس مجلس ادارة المجموعه وبين مدير المنتدي لكن دي مشكلتك الشخصية
اما عن كوني انا كصاحب ورشه عمري ما اجرؤ اطلب من عميل يعملي توكيل ادارة عشان اصلحلة عربيته لان لا العقل ولا المنطق يقول كدة وده يضعني تحت طائلة القانون
اقصى ما يمكن ان اطلبه من صاحب السيارة هو رخصة تسيير السيارة عشان مباحث السيارت لما تسئل علي السيارة بتاعت مين نقدر نرد

اخيرا لو سمحت تقدر تخاطبني باستاذ كريم لاني لا اعرفك ولا تعرفني وليس هناك ما يدعوك لمنادتي بالمواطن
عفوا انا لن اقبل بهذة التسميه
شكرا

ﻷن من طبعي إحترام رغبة الناس ونزولا عند رغبتك الشخصية فسأنزع منك صفة المواطن ونخليها أستاذ زي طلبك

وأنا أساسا لم تكن عندي النية الرد على حضرتكم الكريم قبل أن تظهر في فيديو تحلف به عالمصحف أنك لا تحقد علي ولست أنت سبب إيقافي وطلب تشويه سمعتي
وطول عمري ما ذكرتك بسوء في ظهرك ولكن أنت لا تترك أحدا بصورة شخصية ما لم تسيء إلي والناس تشهد
وأنا تركت لك كذا طريق للصلح ولكنك تعند والغرور عماك عن رؤية الحق ولكن قديم المثل يقول المتكبر كالواقف على جبل يرى الناس صغارا ويرونه صغيرا وعليك أن تعلم أن في هذا المنتدى الذي أنت أسسته أناسا كبارا أكبر مني ومنك ويجب أن تحترمهم كما يحترموك
ثم أنت تقول أنك لا تخشى أن تذكرني بسوء مباشرة وأنا أتحداك ﻷنك لن تجد ولا حرفا نطقته فيه كذب أو محاولة سرقة الناس ومش حيحصل فمتتعبش نفسك
أما حضرتك بتقول إنك بعثت للإشراف كعادتك تنبيه إني طلبت من واحد أصلحله عربيته توكيل إدارة فأين الغلط الذي ستوقفني عليه هذه المرة هل مثلا بتوكيل اﻹدارة حروح أبيع عربيته ولا ﻷنني ببساطة إنسان بطاقتي تقرأ صاحب شركة وبحترم نفسي ومبخالفش قانون ومحبش ظابط يوقفني ويقوللي على عبنك حاجب وإنت سايق العربية وهي مش بتاعتك
ثم عشان متطلقش التهم جزافا أنا عمري مقلت لحد تعال أصلحلك هم من يطلبون مساعدتي ثم أنا مبصلحش زيك أنا بساعد ناس ﻷن دي مش مهنتي ومبتكسبش من وراها جنيه
ويا أستاذ كريم بما أنك لن تحلف في فيديو مصور وإنت من غير تدخلك داخل المنتدى ﻷيقافي كل شوية لا تمتلك شيئا ضدي ولا عندك مقومات كافية حتى أفكر أدخل معك في منافسة من أي نوع
فأنا شايف إن حضرتك لا نية لك للإعتذار مني فأنا أقترح كل إنسان يبتعد عن الثاني ونسيب كل واحد في حاله
وما دمت لن تصدر توجيهاتك بإصدار قرار بإنشاء جهة مستقلة داخل المنتدى تحمي اﻷعضاء من بطش إدارتك المتكررة وأنت تتفرج ساكتا واﻷعضاء تهان وكل يوم يتم إخراس صوت محترم
وعليه إبتعد عني أرجوك وأنا مبتعد عنك قولا واحدا وأنت تعلم قيمة كلمتي ولكن هل ستبتعد عني وتعاهد الله على ذلك
ولتعلم يا أستاذ كريم أني رجل مسلم وطيب وأول ما تلوح مبادرات للصلح ولما تحس في يوم من اﻷيام بعد متقعد مع نفسك إنك ظلمتني في كذا موضع وكذا مرة ساعتها مش حنصغرك وحنكبرك ونجيلك لغاية عندك ونبوس راسك ﻷن حسننك بإنشاء هذا المنتدى تشفعلك ﻷننا بنتعرف عليه بأناس أفاضل
وأرجو من اللحظة أن نحكم الله بيننا
وهذا ما لزم بيانه ودمتم
وبالتوفيق وإلى اﻷمام ومن مصر إلى نصر
ودمتم للنضال

[المنسي]

شكرا للموضوع يا استاذ كريم