أستشارة بخصوص السفر لأهل الخبرة

[Terrible_DaRsH]

الاخوة الكرام من سبق لهم السفر الى دول الخليج ومن لديه خبرة عاوز رأيكم

حاليا انا بفكر بشكل كبير جدا في السفر لاي من دول الخليج تحديدا "الامارات - قطر"

انا شغال مصمم جرافيك خبرة 3 سنين، حاليا مكاتب السفر منتشرين بشكر كبير جدا وللاسف اغلبهم بيبيع الموظف ويرميه على اي عقد في اي مكان علشان ياخد منه فلوس وخلاص.

جربت اتعامل كتير مع مكاتب سفر وللاسف اغلبهم مش مضمونين ابداً، بدور دلوقتي على طرق سفر تانية متكونش عن طريق المكاتب بس الموضوع صعب شويتين .

اللي سافر الخليج بقى ايه افضل طريقة للسفر واعمل ايه لو عاوز اطلع على شركة محترمة وتكون متخصصة في مجالي؟ وايه الراتب المناسب اللي اطلع عليه وبنود العقد ؟

واذا كان في اي مكان موثوق فيه او متجرب يا ريت تدلوني عليه.

[ashraf adel]

للاسف اخى الكريم تأشيرات المصريين فى الامارات موقوفة مفيش غير امارة دبى اللى بتطلع تأشيرات للمصرين فلو مكتب تسفير قالك على شغلانة فى امارة تانية غير دبى يبقى بيضحك عليك عموما لو حصلت على شغل فى الامارات وعاوز تستفسر على وضع الشركة انا ممكن اساعدك فى الموضوع ده بالنسبة لقطر انا ما اعرفش ايه الظروف هناك بس اعتقد ان حيكون نفس الوضع فى الامارات وده بسبب وضع الظروف السياسية فى المنطقة
وربنا يوفقك

[walidzakzok]

لازم تشوف مجالك مطلوب هناك والا لا ومستوى مرتباته كام لاني اللي فهمته من مصمم جرافيكس ان مجال تصميم الجرافيك مرتباته فى الخليج تعبانة جدا وماتنساش ان العمالة الهندية والفلبينية والباكستانية بتنافس وسبقتنا بخطوات هناك .........الخليج مش بيدي حد فلوس كويسة الا لو عنده مواصفات وامكانيات مش عند غيره فهل انت من النوع دة؟

كمان خلى بالك الامارات وقطر اغلى مستوى معيشة فى الخليج وخصوصا قطر يعني لو اخدت مرتب اجماليه 6000 مثلا يبقى يادوب على اد السكن العزابي والاكل والمواصلات

الموضوع مش سهل نهائي وانا مش بقول كده علشان اجيبلك احباط بس هية دي الحقيقة

[walidzakzok]

التاشيرات مقفولة فى كل الامارات ماعدا دبي .......بس كمان فيه تاشيرات فى باقي الامارات بس بوسايط الشيوخ هناك

[ashraf adel]

لازم تشوف مجالك مطلوب هناك والا لا ومستوى مرتباته كام لاني اللي فهمته من مصمم جرافيكس ان مجال تصميم الجرافيك مرتباته فى الخليج تعبانة جدا وماتنساش ان العمالة الهندية والفلبينية والباكستانية بتنافس وسبقتنا بخطوات هناك .........الخليج مش بيدي حد فلوس كويسة الا لو عنده مواصفات وامكانيات مش عند غيره فهل انت من النوع دة؟

كمان خلى بالك الامارات وقطر اغلى مستوى معيشة فى الخليج وخصوصا قطر يعني لو اخدت مرتب اجماليه 6000 مثلا يبقى يادوب على اد السكن العزابي والاكل والمواصلات

الموضوع مش سهل نهائي وانا مش بقول كده علشان اجيبلك احباط بس هية دي الحقيقة

مع احترامى لحضرتك شغلة الجرافيكس من المهن المطلوبة هنا فى الامارات انا الجرافكيس اللى معايا فى الشغل بيأخد 12000 درهم رغم انه سنه صغير وعلى فكرة مش دراسة ده عن هواية هو سورى ومعاه ثانوية عامة بس جن فى الكمبيوتر

[Terrible_DaRsH]

مهنتي مطلوبة بكثرة في الخليج ولكن المشكلة ان فعلا موضوع التأشيرات هناك بقى صعب غيره ان الاولوية مبقتش للمصرين الا بالوسايط فما بالكم لما مكتب سفريات هو اللي يكون وسيط هيعمل في الواحد ايه ..

انا عنجي خبرة كبيرة جدا بقطر وحافظها وعارف الحياة هناك عاملة ازاي لكن المصري هناك ياخد 3000 ريال وقصاده اللبناني بياخد 25000 ريال قطري مش عارف ليه !!!!!

المشكلة كلها في طريقة السفر وهل لو طلعت على فيزا سياحة الموضوع هيكون فيه مجازفة كبيرة وخسارة فلوس ولا ممكن يكون مجزي ؟

[walidzakzok]

مع احترامى لحضرتك شغلة الجرافيكس من المهن المطلوبة هنا فى الامارات انا الجرافكيس اللى معايا فى الشغل بيأخد 12000 درهم رغم انه سنه صغير وعلى فكرة مش دراسة ده عن هواية هو سورى ومعاه ثانوية عامة بس جن فى الكمبيوتر

بس لو جابوا مكانه واحد مصري حتى لو احسن منه هايدولوا كام؟ كمان الجرافيكس من اول واحد بيستخدم فوتوشوف بس لحد ما توصل للبرمجة وشغل الخدع والاعلانات علشان كدة ايه اللي يخلي شركة فى الخليج تجيب واحد مصري لو فيه زيه هندي او باكستاني او سوري حتى

[walidzakzok]

مانصحكش تطلع سياحة لو لقيت فرصة فى شركة هايعرفوا انك واقع ومحتاج شغل وهايعرضوا عليك اوفر تعبان

[Terrible_DaRsH]

مانصحكش تطلع سياحة لو لقيت فرصة فى شركة هايعرفوا انك واقع ومحتاج شغل وهايعرضوا عليك اوفر تعبان

قلت كدا برده ، ايه ممكن يكون الحل

[ashraf adel]

لو قدامك فرصة عن طريق مكتب تسفير انت مش حتخسر حاجة انت ممكن قبل ما تلتزم معاهم بأى شئ تقدر تجمع معلومات عن المكان اللى انت رايحة يعنى المفروض انها لو شركة محترمة حتلاقى ادارة الموارد البشرية فى الشركة دى بيتصلوا عليك وبيعموا معاك ذى مقابلة على التليفون
ولو ما اتصلوش انت ممكن تتواصل معاهم لو عرفت اسم الشركة تجيب موقعها على النت او تليفوناتهم من موقع الدليل كمان انت ممكن تتأكد عن طريق سفارة الدولة فى مصر
انا لى اخ مهندس فى السعودية سافر مرتين عن طريق مكاتب تسفير من مصر وعمل نفس الموضوع
وربنا يوفقك

[Terrible_DaRsH]

لو قدامك فرصة عن طريق مكتب تسفير انت مش حتخسر حاجة انت ممكن قبل ما تلتزم معاهم بأى شئ تقدر تجمع معلومات عن المكان اللى انت رايحة يعنى المفروض انها لو شركة محترمة حتلاقى ادارة الموارد البشرية فى الشركة دى بيتصلوا عليك وبيعموا معاك ذى مقابلة على التليفون
ولو ما اتصلوش انت ممكن تتواصل معاهم لو عرفت اسم الشركة تجيب موقعها على النت او تليفوناتهم من موقع الدليل كمان انت ممكن تتأكد عن طريق سفارة الدولة فى مصر
انا لى اخ مهندس فى السعودية سافر مرتين عن طريق مكاتب تسفير من مصر وعمل نفس الموضوع
وربنا يوفقك

لو حضرتك تقدر تجيبلي اسم اي مكتب اكون شاكر ليك، بصراحة مبقتش اثق في حد فيهم

[yuong313]

اخي الفاضل
اترك وسائل السفر القديمة مثل مكاتب السفر للخارج
اتفضل ده موقع رائع اختار الوظيفة المناسبة لك والبلد واترك ال CV بتاعك في عدة وظائف وربنا حيكتبلك الخير ان شاء الله
Post your free CV, find jobs - Bayt.com

[ashraf adel]

لو حضرتك تقدر تجيبلي اسم اي مكتب اكون شاكر ليك، بصراحة مبقتش اثق في حد فيهم

والله يا اخى انا موضوع مكاتب التسفير ده انا ماسبقش لى التعامل مع اى منهم علشان افيدك انا ذى ما قولت لك انا اخى سافر السعودية عن طريق مكاتب تسفير فى القاهرة بس انا اعتقد ان الوضع بالنسبة للسعودية مختلف شوية عن قطر والامارات عموما انا حسأله عن الشركتين اللى سافر عليهم واعرفك بس اللى انا فاكره انه كان عن طريق اعلان فى الجريدة وراح لهم وقدم

[Secret-Man]

حد بعد الانترنت يدور على مكاتب سفر ملاين الوظايف متاحه على دوبيزول والوسيط وجلف نيوز

ولكن السوال هنا حضرتك تعرف ايه زياده عن الى فى البلد هنا فى الامارات او قطر علشان شركه تعمل اقامه واوراق عمل وتكاليف سفر ومعيشه وهى ادامها ناس هنا بتدور برضه على شغل بنفس المهارات واسعار اقل

للاسف مش بحبطك انا بنقلك واقع لان دلوقتى كله بيتجه انه يجى فيزا زياره عند اى واحد صحبه شهر ولا حاجه وتلاقى نزل شغل وبيشبط فى حاجه لكن طول مانت بره البلد الفرصه صعبه شويه الا لو حد هما محتاجينه فعلا وتخصصه نادر

[Terrible_DaRsH]

حد بعد الانترنت يدور على مكاتب سفر ملاين الوظايف متاحه على دوبيزول والوسيط وجلف نيوز

ولكن السوال هنا حضرتك تعرف ايه زياده عن الى فى البلد هنا فى الامارات او قطر علشان شركه تعمل اقامه واوراق عمل وتكاليف سفر ومعيشه وهى ادامها ناس هنا بتدور برضه على شغل بنفس المهارات واسعار اقل

للاسف مش بحبطك انا بنقلك واقع لان دلوقتى كله بيتجه انه يجى فيزا زياره عند اى واحد صحبه شهر ولا حاجه وتلاقى نزل شغل وبيشبط فى حاجه لكن طول مانت بره البلد الفرصه صعبه شويه الا لو حد هما محتاجينه فعلا وتخصصه نادر

تمام يا باشا

النت 95% من اعلاناته اصحاب مكاتب سفر وانا ادرى بالموضوع ده لانه جزء كبير من شغلي ، للاسف الشديد اغلب الفرص متاحة في السعودية و الرواتب هناك بيتكلموا في 2000 ريال للناس الخبرة وده طبعا اقل ما يقال عنه انه تهريج.

حكاية خبرة ايه عن اللي في الامارات فأكيد انا مش موظف خيالي فعلا، بس كلامك بيأيد نظرية الفيزا السياحة واغلب الناس بتقول انها بنسبة كبيرة جدا مخاطرة ومش مضمونة.

سعيد بمشاركتك