ريموت بروجيكتور او لابتوب

[egyboy]

السلام عليكم

حد يعرف القلم او الريموت الصغير ده اللى بيتحكم فى البروجيكتور واللابتوب

علشان يعرض البرزينتيشن بوربوينت ويقلب السلايد

هو اسمه ايه بالانجليزى علشان اعرف ادور عليه ولو حد يعرف اجيبه من فين وبكام

ضرورى جدااا

شكرا ليكم

[JAM]

Presenter
بريزنتر
انا جربت منه انواع كتيرة أوى بحكم عملى كمدرب وأنضف واحد وشغال معايا كويس لغاية دلوقتى بقاله سنة ونص تقريباً نوعه تارجوس وهوا الموديل المرفق صورته وكان فى حدود ١٥٠ جنيه
مع خالص تحياتى
م/ أحمد نبيل

[egyboy]

شكرا لردك يا بشمهندس

انا شفت الاعلان ده فى امازون

Amazon.com: Logitech Wireless Presenter R400: Office Products

هل القلم اللى معاك فيه ليزر برضه ؟
وياترى اقدر اشتريه من فين

[egyboy]

انا كمان لقيت اسعارهم غالية

https://www.jumia.com.eg/ar/catalog/?q=presenter&submit=&baseUrl=https%3A%2F%2Fwww.jumia.com.eg%2Far%2F

ياترى المودل معاك ايه ؟

[JAM]

والله الموديل مش متذكره لانى سايبه فى المكتب.. وانا كنت جايبه من راديوشاك... حضرتك ممكن تطبع الصورة وترحلهم بيها
القلم ايوة فيه ليزر
وفيه خاصية تانية اللى هية بتاع اول زرار فوق خالص اللى مرسوم فوقيه مربعين واحد مصمت والتانى فارغ وبينهم خط... دا وظيفته انك ممكن تجيب مثلاً سلايد وبعد ما تتكلم عنها يكون فيه مناقشات.. اول لما تدوس على الزرار دا تقوم الشاشة تجيب اسود.. اكنها إطفت ولما تخلص مناقشة تدوس عليه تانى تقوم الشاشة تفتح على السلايد اللى انتا كنت واقف عليه
مع خالص تقديرى