احسيبها صح... تعيشها صح!!!

[Dr.A.Nabil]

فلان الفلاني
بدل ما بيطلب دلفري
بيعمل عجه في البيت

والشباب بدل ما تركب كل واحد عربيه
ركبوا مع بعض ووفروا بنزين

والهانم بدل ما اشترت علبه دواء... اشترت شريط واحد
اصل الدواء بتاخد منه قرصين وبيتركن لغاية ما الصلاحيه تنتهي


_ _ _ _ _ _ _ _ _ _ _ _ _ _ _ _ _ _ _ _ _ _



يعني بدل ما يحاربوا الاحتكار وغلو الاسعار وارتفاع تكلفة المعيشه وانتشار الجريمه وانتشار السرقه والرشوه و تدني الدخول
أصبحت المشكله فينا احنا
احنا اللي مسرفين

[waled369]

ابتسم ( انت في مصر يا دكتور )
للأسف احنا اللي شعب مش بيعرف( يعيش )

[Dr_Smart]

ولا الاعلان بتاع العزومة اللي رموها في الزبالة اللي بييجي عالقناة الاولى

حاجه تضحك

[Nour_Peugeot]

اه يا احنا الجهله مش فاهمين حاجة خالص و المفروض منعيش ههههههههههههه

[Dr Ahmed]

أنا ماشفتهمش كلهم
بس بتاع الست اللى بتجيب العلاج بالشريط دا فضيحة
يعنى لما يبقى كورس العلاج 14 يوم مثلا وإلا المرض يرتجع أو يبقى مزمن حتى لو المريض إتحسن تانى يوم يبقى وقف العلاج من أجل البخل والتقييح خطأ طبى فادح عدّى إزاى على أى حد؟؟؟؟

[MomoMedo]

يبأى انت اكيد اكيد في مصر

[egyptianmafia]

it is so funny and sad at the same time....they assume that the egyptian people are retarded....lol....

[Dr_Mido]

أنا ماشفتهمش كلهم
بس بتاع الست اللى بتجيب العلاج بالشريط دا فضيحة
يعنى لما يبقى كورس العلاج 14 يوم مثلا وإلا المرض يرتجع أو يبقى مزمن حتى لو المريض إتحسن تانى يوم يبقى وقف العلاج من أجل البخل والتقييح خطأ طبى فادح عدّى إزاى على أى حد؟؟؟؟

ايه يادكتور انت متعرفوش
هو هو اللى عدى اعلانات المنشطات والمقويات اللى تخليك تخلف فى شهر واللى تخسسك فى 10 ايام واللى تعالج الصلع حتى الوراثى حزر فزر هو مين

[amir]

كالعاده
اثبت الحزن الوثني انه قادر علي معالجه كافه مشاكلنا
في مرور مدينه نصر بجوار الخزنه لوحه بتفسر ان المشكله مش في المرور المشكله فينا احنا كشعب!!
و الاسقاط ده اسلوب من الاساليب اللي بيلجأ اليها المريض النفسي في محاوله منه لتلافي كونه سبب المشكله
بمعني ان حاليا عدم توافر الغذاء و الدواء و كافه السلع بقت مشكله تسببنا احنا كشعب فيها, و مطلوب مننا معالجتها
في نفس الوقت اللي الاراضي الزراعيه بتجرف و تباع بأسعار بخسه قبل ان تتحول بقدره قادر الي اراضي بناء و تباع الشقق فيها بأعلي الاسعار
و مش بس الاراضي الزراعيه
لاء دول اكتشفو كمان ان الشعب يدفع دم قلبه في شقق في الصحراء و بأسعار مماثله لأسعار داخل المدينه
في نفس الوقت اللي كانو بيجهو الشباب للمدن الجديده كحل للازمه السكانيه و الخروج من عنق الزجاجه (اللي بقالنا سنين طويله مزنوقين فيها, ده لو كان عنق زرافه كنا عديناها من زمان)
المشكله متمثله في غباء الاسلوب و الرساله كمان
فعلا دي دعوه صريحه لأخذ الدواء بطريقه خاطئه و مميته
اعلان فاشل و تفكير غبي
زي اعلان الراجل الممل اللي بيحلق دقنو مع ابنه في الحمام
اظن (و بقول اظن لأن مضمون الرساله مشوه) ان الهدف هو توفير المياه
طيب كان ممكن يجيب طبق يملاه ميه و ينضف المكنه فيه او يملا الحوض شويه
ده غير لما بيدو ابنه المدرسه او الحضانه و يقولوو العب كويس!!!!!
قال يعني الذكي اللي حط الاعلان مش لاقي كلام مقنع يكتبو في نص الاعلان
عمرك شفت حد بيقول لابنه العب كويس؟
هو في طفل بيلعب وحش؟؟
ولا كان قصده الترجمه الحرفيه ل play fair ?????
يبقي ساعتها الكلام هيختلف لأن الاعلان ده هيبقي كده منقول و مترجم و الاعلانات دي بالذات مينفعش نقلها و ترجمتها ( زي اغاني كتير و افلام و مسلسلات اكتر) لانها محمله برساله توجيهيه للشعب, ولازم تكون مناسبه و ذكيه في اسلوب توصيل الرساله
مش شويه هطل يصرفو فيه فلوسنا ( اه فلوسنا ولا هي فلوسنا بيتعمل بيها كباري و بس؟!!)
طيب
انا عندي اقتراح مادام الشعب المصري هو سبب المشاكل كلها و الدوله معندهاش حل غير انها تحاول تغير تصرفاتنا
الصين تعدادها مليار تقريبا
يجيبولنا تأشيرات و نعمل بدل مع الشعب الصيني
ياخدو منهم العدد اللي عايزينه بس احنا نهاجر هناك
و مش هنحس بغربه او حنين الي الوطن اطلاقا لأن كل شيء هناك صيني زي هنا بالظبط لكن هيبقي صيني نضيف و بيلمع مش زي الصيني المضروب هنا!!!!

[Hany A Fattah]

امال ثقول ايه على نحكم عقلنا نعيش كلنا ؟؟؟؟؟؟؟؟؟؟

[Ramy.Gamal]

سلسله اعلانات مستفزه جدا وامتداد طبيعى للاسقاط الذى يعانى منه الاعلام المصرى

[جمال]

الاعلانات دى الغرض منها تأديب الشعب
معناها باختصار

عيش على قدك و ماتبصش لفوق , وسيبنا فى حالنا و متبصش للقمة الكرواسون اللى فى ايدنا

انظر التوقيع

[Sherif Khalifa]

مشعارف يا جماعة انا مختلف تماما معاكم
انا شايف ان دى توعية لمشكلة الاسراف الى بنعانى منها فعلا

يعنى بدل ما نشترى على قدر الاحتياج بنشترى بكميات اكثر من الحاجة و فى الاخر بنتزنق فى الفلوس

و الدليل على كدة المهزلة الى بتحصل فى الاسواق ايام الاعياد و رمضان
و الناس الى بتشترى الياميش و يتركنة من السنة للسنة و دا كمان ببخلى الاسعار تولع

على العكس لو كل واحد اشترى على قدة اعتقد التاجر مش هيحس ان فى طلب ذائد على السلع و بالتالى مش هيرفع الاسعار

انا مع الاعلانات دى تماما

[homme49]

فلان الفلاني
بدل ما بيطلب دلفري
بيعمل عجه في البيت

والشباب بدل ما تركب كل واحد عربيه
ركبوا مع بعض ووفروا بنزين

والهانم بدل ما اشترت علبه دواء... اشترت شريط واحد
اصل الدواء بتاخد منه قرصين وبيتركن لغاية ما الصلاحيه تنتهي


_ _ _ _ _ _ _ _ _ _ _ _ _ _ _ _ _ _ _ _ _ _



يعني بدل ما يحاربوا الاحتكار وغلو الاسعار وارتفاع تكلفة المعيشه وانتشار الجريمه وانتشار السرقه والرشوه و تدني الدخول
أصبحت المشكله فينا احنا
احنا اللي مسرفين

__________________________________________
و ربما أن السبب فى غرق العبارة أن الركاب ما بتعرفش تعوم

[Dr.A.Nabil]

بص يا استاذ شريف خليفه
كل سنه وانت طيب الاول


التوعيه ضد الاسراف ماتكنش في الحاجات الطبيعيه والاساسيه ابدا ابدا لانها ضروريات في الحياه ولا يمكن الاستغناء عنها

التوعيه في الاسراف تكون في الكماليات الزائده او الفائضه او اللي مالهاش لازمه
-التدخين.. محاربة الدروس الخصوصيه
-الجامعات الخاصه..(انا اعرف واحد حط تحويشة عمره لتعليم ابنه في جامعه خاصه)
-الشراء بالتقسيط


انما الحاجات اللي الاعلان بيناقشها دي مش اسراف
ده بيناقش ان ازاي توفر كمان من اساسيات الحياه.. الدواء... الاكل ... البنزين


وده توجه خطير جدا جدا جدا

بكره يطلعلونا قانون بتحديد عدد الاطفال لكل أسره




ربنا يستر