مشكلتى مع وكيل موبايل سونى

[aboomar22]

اشنريت موبايل سونى اكسبيرا z من ثلاث اشهر ومرة واحة توقف تماما روحت للوكيل دلتا الهندسية فى محى الدين ابو العز وكنت شفت صفحة على الفيس عن مشاكل الوكيل ده المهم قالى تعالى بعد اربع ايام بعد اربع ايام قالى اصل احنا مش عارفين نصلحة وبعتناه المركز الرئيسى تعالى بعد يومين بعد يومين قالى اصل مفيش بوردات عندنا ولما تيجى هنكلمك (كانها مشكلتى انها انهم مش عارفين يصلحوه او مفيش عندهم بوردة ) المهم كده فات 12 يوم كلمك قسم الشكاوى قالى يافندم البورد وصلت من برة ودخلت المخازن --بس التصليح بالدور باولوية الوصول قلت له انا بعد 14 يوم من حقى اخد موبايل جديد لو موبايلى متصلحش قالى ده لو البوردة مش موجودة لكن هى جت لكن هتاخد دورك بجد مش عارف اعمل معاهم ايه اللى ليه خبرة فى المواضيع دى يقولى

[the lawyer]

اسوء وكيل لسوني ... غلطتي برده لما اشتريت جهازي من موبايل شوب بضمان دلتا .. رزق الله برقبتهم والله غيرولي بطارية في يومين 2 .
اعمل شكوي لمرفق الإتصالات وشكوي جهاز حماية المستهلك ورافق صورة الأيصال اللي استلموا بيه الجهاز

[matrix_it]

حماية المستهلك واستنى موبايلك يجيلك لحد عندك

[aboomar22]

حماية المستهلك واستنى موبايلك يجيلك لحد عندك

فعلا حماية المستهلك او جهاز تنظيم الاتصالات هيعملوا حاجة ولا تقديم شكوى واجراءات روتينية وخلاص

[Ahmed_selmy]

حماية المستهلك .......كذا واحد جصل معاه مشاكل فى اجهزة مختلفه و اخدوا حقوهم تالنت ومتلت

[aboomar22]

شكرا لكم جميعا فعلا انا اتصلت بجهاز تنظيم الاتصالات 155 قالولى انت بعد 14 يوم حقك جهاز جديد ومتروحش انت تانى اتصل بينا واحنا هنخلص لك الموضوع لما رحت للوكيل قعد يلف ويدور ويقلى اصل قطع الغيار والجمارك قلتله مش انا من حقى جهاز جديد بعد 14 يوم قالى لا الكلام اده لو جهاز مشترية من 14 يوم قلتله ده مش كلام جهاز تنظيم الاتصالات هما قالولى انى اتصل بيهم والباقى عليهم قالى طيب تعالى بكرة هيكون جاهز روحت تانى يوم اخدت وحدة داخلية جديدة شكرا لكم جميعا ودى تجربتى مع احد الوكلاء

[A_H_M_A_D]

انا ليا تجربه معاهم غيرولي بوردة جهاز سوني اريكسون x10 كان لسه في الضمان , تمن البورده لوحدها 1800 جنيه و غيروها من غير مادفع ولا مليم , بس بصراحه الموضوع خد وقت لأنهم جابوها من بره فعلا

[mohammedgido]

شكرا لكم جميعا فعلا انا اتصلت بجهاز تنظيم الاتصالات 155 قالولى انت بعد 14 يوم حقك جهاز جديد ومتروحش انت تانى اتصل بينا واحنا هنخلص لك الموضوع لما رحت للوكيل قعد يلف ويدور ويقلى اصل قطع الغيار والجمارك قلتله مش انا من حقى جهاز جديد بعد 14 يوم قالى لا الكلام اده لو جهاز مشترية من 14 يوم قلتله ده مش كلام جهاز تنظيم الاتصالات هما قالولى انى اتصل بيهم والباقى عليهم قالى طيب تعالى بكرة هيكون جاهز روحت تانى يوم اخدت وحدة داخلية جديدة شكرا لكم جميعا ودى تجربتى مع احد الوكلاء

سبحان الله
ناس مش بتيجي غير بالدق علي الدماغ لو مفيش حد هيحاسبهم وأ ان العميل جاهل بالجه دي يبقى يطلع عين اهله علشان ياخد حقه
عموما الحمد لله علي انك اخدت حقك منهم

[#MAAM#]

الحمد لله إن إنت خدت حقك وما ضاع حق ورائه مطالب

[S O P H O S]

الحمد الله انها اتغيرت