تجربتى معا الريجيم مرفقة معا الصور

[Hussein_Ramdan]

الحمد لله بعد محاولات كتير وبعد يائس انى مش هقدر اغير وزنى وكان وزنى تقريبا 140 كيلو
بفضل الله قدرت اوصل لوزن 100 كيلو
نزلت 40 كيلو فى اربع اشهر
من غير دكتور رجيم الموضوع بسيط بنسبة للكل
لكن الصعب هو الرياضة يا شباب الرياضة الرياضة الرياضة
لازم المشى او الجرى وتمرين سويدى عشان يتم حرق الدهور دى صورة ليا قبل ما ابداء فى الريجيم انا متصور من ظهرى عشان انا عارف كل مشكلة الى عندهم سمنة تقريبا متركزة فى الظهر

http://www.pusup.com/up/get-10-2008-s0uozetd.bmp

ودى صورة ليا بعد حوالى اربع شهور

http://up3.m5zn.com/get-10-2008-pznnfleydzn.JPG

وان شاء الله قريبا بنزل ليكو صورى بعد ممارسة الحديد شوية
[IMG]file:///C:/Documents%20and%20Settings/Hussein/Desktop/6.jpg[/IMG][IMG]file:///C:/Documents%20and%20Settings/Hussein/Desktop/6.jpg[/IMG][IMG]file:///C:/Documents%20and%20Settings/Hussein/Desktop/6.jpg[/IMG][IMG]file:///C:/Documents%20and%20Settings/Hussein/Desktop/6.jpg[/IMG][IMG]file:///C:/Documents%20and%20Settings/Hussein/Desktop/6.jpg[/IMG]

[amir]

الاخ حسين
الصوره التانيه مش ظاهره, بس مش دي المشكله
انت خسيت 40 كيلو في 4 اشهر بالرياضه و ده يعتبر انجاز
اكيد انت حاسس بفرق في صحتك و حركتك اليوميه
انا احييك و احب انتهز الفرصه اني اتكلم عن موضوع الوزن الزائد للجنسين في مصر
طبعا احنا كشعب اساسا مبنهتمش قوي بموضوع الرياضه عموما و حتي في ابسط صورها
و معظم اكلنا رز و مكرونه
و النتيجه
كروش محترمه للرجال, مع انهم بيبذلو مجهود بدني اكتر من السيدات لكن عدم ممارسه اي نوع من الرياضه (مع ميل بيولوجي لتخزين الدهون في منطقه البطن) بيؤدي الي ظهور الكرش العظيم
و بالنسبه للسيدات و الانسات في مصر فأنا مش عارف
هو في تار بايت بينهم و بين الاكل؟!
حتي لو كانو بياكلو نفس الكميه زي الرجاله بتلاقي وزنهم بيزيد بطريقه شنيعه
ده يمكن لأنهم مبيبذلوش مجهود بدني زي الرجاله ( بغض النظر انهم مبيهتموش بالرياضه ولا الرشاقه بصفه عامه)
فمبناسبه نجاحك في تقليل وزنك احب ادعو كافه الاعضاء للمشاركه في ابداء رأيهم

[Mohamed-Saoud]

لأ كده مينفعش يا حسين... عايزين تفاصيل أكتررررررر علشان نستفيد
بس ما شاء الله .. حتي الحبوب اللي كانت في ظهرك خفت كمان (أكيد علشان الدهون قلت)

[Hussein_Ramdan]

لازم رياضة يا شباب

دكتور امير انا بعد ما مرست الرياضة حسيت انى ماكونتش عايش خد بالك من الكلمة دى
حرام الواحد يعيش يوم من غير ما يمارس الرياضة على الاقل الجرى
انا كل يوم بليل باخد الكلب بتاعى (تروى:)) وروح الف القصر الجمهورى
بجد بتحس انك ممكن تخوش فى حيطة تطلع من الناحية التانية على رئى اللمبى من كتر البور الى بيبقا فيك دكتور امير الصورة التانية شغالة بس جرب تانى

التفاصيل ياشباب هو انى ماتبعتش معا دكتور عشان انا بقالى حوالى عشر سنين بجرب اعمل ريجيم كونت بستمر بكتير شهر او اتنين وبطل ورجع تانى وراجع اكتر من اولا بس الموضوع عايز اصرار جامد جداااااااااااااااااااااااااااااااا
اة حبيت اقول حاجة هو ممكن تعمل ريجيم من غير رياضة وهتنزل فى الوزن صحيح لكن
بعد ما تخس هيكون فى ترهولات كتير فى جسمك
جسمك هيكون مفهوش عضل خالص عشان فى الريجم بتخس عضل ودهون
يعنى بمعنى كدة لازم تلعب رياضة عشان تحافظ على العضل وكمان تحافظ ان يكون معندكش دهون

[Yarisawy]

انا حبيت اهنئك بجد على ارادتك لان الموضوع ده محتاج اراده من حديد , واهم حاجة تستمر

خلى بالك احنا مستنين الصورة تكون فيها 80 ك ان شاء الله

[gade2]

مبروك يا وحش انت حقيقى عندك عزيمه جامده يعنى مش بعد 10 سنين زهقت لا حاولت ونجحت وربنا يوفقك ويقويك
وده خير مثال ان الاراده بتغلب اي شى وان لو الواحد عاوز يبطل اى عاده سيئه زى الجاير ممكن وكله بتوفيق ربنا

[Hussein_Ramdan]

شكرا ليكو اوووى على الردود الجميلة دى والى تشجع بجد
وان شاء الله بردو اجبلكو صورى الجديد بوزنى الجديد 80 زاى ما قال Yarisawy
اكيد طبعا مدام فى ارادة انسى كل حاجة ممكن تحقق بعد اذن لله طبعا

[KoDaK_Gti]

ربنا يوفقك ان شاء الله
ومستنيين صورك عند وزن ال 75 ان شاء الله

[Akram]

مبروك ليك انك ترجع تاني للحياه , للعب , للحركة , للناس ,
انا عارف ان عندك ارادة من حديد علشان تعمل كده ,
و هتقدر تنزل اكتر من كده كمان ....

[Hussein_Ramdan]

شكرا ليكو جدا ياشباب على الرد حميل
شكرا بجد