مساعدة للهجرة

[M I D O]

بسم الله الرحمن الرحيم

لو سمحتم يا جماعة اي حد عندة معلومات عن الهجرة يقولهالي ..
انا عاوز اهاجر انجلترا ومش عارف ابدء منين بالظبط وانا حاليا في كلية السن قسم لغة انجليزية يعني مش هيبقي في مشكلة عندي في اللغة ان شاء الله لاكن البداية و الاجرائات منين ارجو الافادة وجزاكم الله كل خير

[minicooper20]

رايح فين انتا مش عارف انك نور عنيا و لا ايه
لا كلام بجد انتا اخترت اصعب بلد للهجره

[أحمد كمال]

كلامي للاسف مش هيعجبك

بس مفيش بلد هتاخد حديث تخرج كمهاجر الا لو تخصصه نادر ندرة السنين


ما قدامكش غير سكة من الاتي لو عايز تهاجر

1- تستنى اما تاخد خبرة في مجال مطلوب تقدر تهاجر بيه او حتى تجيب عقد و تاشيرة عمل و بعدها تحاول ترشق في البلد

2- تقدم على دراسات عليا بعد التخرج هناك و تحاول ترشق باي طريقة بعد الدراسات بس دي عايزة لها شلوووووووووح فلوس عشان لازم تثبت انك معاك فلوس تكفي معيشتك و سكنك و اكلك و شربك و مصاريف الجامعة و دي مش قليلة نهائي

3- تحاول تروح بزيارة (و مش سهلة و انت حديث تخرج برضه الا لو معاك فلوس التنين) و تزوغ (و لو اتمسكت هتترحل) ...... دي سكة غير محبذة بالمرة و هتعيش عيشة لا ادمية و تشتغل شغلانات زفت و مالكش حقوق

4- تتجوز و تسافر ...... بس خلاص الستات برة عرفوا ان اغلب الرجالة المصريين عايزين يتجوزوهم عشان بس السفر و سمعتنا بقت هباب

5- تقدم على قرعة امريكا بس فرصتك ضئيلة جدا لان 50 الف واحد بيكسبوا سنويا من اصل عشرات الملايين اللي بيقدموا بس مانتاش خسران حاجة

[mostafa magdy]

سافرت أيام العز قبل الثوره المجيده الموقره ..
و السفر كان بعد محاوله سنتين تقريبا .. مره لأنجلترا و مره للنمسا ..
و الموضوع زي ما زميلي العزيز علق قبلي مش سهل .. و مينفعش يتاخد كده فجأه .. لازم تخطيط و تنظيم ..يا أما بقا يبقي علي الدول العربيه رايحين .. و حتي دي مبقتش سهله زي الأول بقوا يتنططوا علينا .. و بيني و بينك حقهم ..
تحياتي

[4fun14]

حاول تجيب تقدير عشان تاخد خصم ع الدراسه بره.. دي السكه الوحيده من الاخر

[ganash]

هى القرعه السنويه لازم يكون معاك فلوس قد ايه ؟

[canner]

مافيش حاجة اسمها مستحيل لو عاوز الموضوع بجد ح تلاقى سكة و ربنا يوفقك

[أحمد كمال]

حاول تجيب تقدير عشان تاخد خصم ع الدراسه بره.. دي السكه الوحيده من الاخر

حتى بعد الخصم المصاريف مهولة ...... لان السفارة مش هتديك تاشيرة لو حسابك ما يغطيش مصاريف الجامعة و السكن و الاكل و الشرب و و و و

هى القرعه السنويه لازم يكون معاك فلوس قد ايه ؟

و لا مليم ...... بس تكون خريج ثانوية على الاقل

و ابعد عن المواقع النصابة ..... التقديم فقط في الموقع الحكومي الرسمي dvlottery.state.gov

اي موقع تاني فاكس و تأليف حتى لو ادعى انه حكومي او حط اي لوجو او شعار شبه الحكومي

[Abo Yasso]

حتى بعد الخصم المصاريف مهولة ...... لان السفارة مش هتديك تاشيرة لو حسابك ما يغطيش مصاريف الجامعة و السكن و الاكل و الشرب و و و و



و لا مليم ...... بس تكون خريج ثانوية على الاقل

و ابعد عن المواقع النصابة ..... التقديم فقط في الموقع الحكومي الرسمي dvlottery.state.gov

اي موقع تاني فاكس و تأليف حتى لو ادعى انه حكومي او حط اي لوجو او شعار شبه الحكومي

ده مفيش تقديم دلوقتى كمان

[أبو صلاح]

ده مفيش تقديم دلوقتى كمان

التقديم في اول اكتوبر من كل سنة والنتيجة في مايو

[abo3bdolrahman]

GB will not accept any one any more if he does not have any money that could be a start for any business I.E to stay @ GB and get citizen you must be a business man :)

[4fun14]

حتى بعد الخصم المصاريف مهولة ...... لان السفارة مش هتديك تاشيرة لو حسابك ما يغطيش مصاريف الجامعة و السكن و الاكل و الشرب و و و و

مش مهولة ولا حاجه..زى ما قلت حسب تقديرك..انا لى صديق كانت مصاريف جامعته صفر لانه كان من المتفوقين..بالعكس ده كان بياخد مكافاه شهرية كمان لانه بيساعد دكاترة الجامعه فى الابحاث بتاعتهم..
بتفضل مشكله مصاريف الاكل والسكن وكده ودى يا اما تضغط على نفسك شوية ويباه معاك فلوس طبعا يا اما تشتغل هناك بعد الضهر ودى صعبه طبعا لانها مش قانونية حيث انك تاشيره دراسة وكمان مجهود رهيب الدراسة مع الشغل

[ahmedsaiedasa]

انا عايز اعمل موضوع ومش عارف حد ممكن يفدني

[omar-saad]

انا هحكيلك تجربة واحد صاحبى لسة مسافر امريكا شهر 12 اللى فات
هو من زمان وهو نفسه يسافر اى دولة برة مصر
خلص كلية التجارة بتقدير مقبول
بس كان فى المقابل كان بيحضر لل cma
ونجح فيها وخدها ويعنبر من اولئل الناس اللى خدوها
لف على شغل كتير هنا فى مصر لكن الموضوع ماكنش مجزى بالنسباله
قدم على فيزا دراسة فى امريكا
وعمل الانترفيو زى فيلم عسل اسود بالظبط لانه كان متصور فى السفارة فعلا
وخد فيزا هناك فى نيويورك لمدة 5 سنين
وعشان يكفى مصاريفه بيشتغل 12 ساعة فى اليوم !
لان الشغل هناك بالساعة
دا غير انه بيصرف على موضوع الدراسة مبلغ كبير جدا
عموما حاول تقدم من دلوقتى يمكن الموضوع يظبط
بس زى ما انتا شايف لازم تظبط مبلغ محترم
علشان تقدر تطلع
وربنا يوفقك ان شاء الله

[abo3bdolrahman]

USA is OK but do not think about GB it is not easy at all.