مشكلة في خط تلفون ارضي دائم العطل .... ماذا نفعل ؟

[actronx]

ياجماعه بشكل شبه متعمد او متعمد خدمة التلفون الارضي بتاعت البيت بتتقطع دايما قبل الاعياد ونقدم شكوي ومفيش فايده ... ايه الحل ف الموضوع ه بجد قرفنا من المصرية للاتصالات دي ....
التلفون بتاع البيت بقاله 4 ايام عطلان ....
مفيش حراره....
احنا تبع سنترال القبة ....

[mohamed2002]

بص حضرتك شوف اللينك دة

http://www.telecomegypt.com.eg/arabic/Home_Caring_ContactUs.htm

كلم 111
وابعت ميل بملخص شكوتك
واللينك التاني برضة اعمل بيه شكوي وحط بياناتك مظبوط عشان يتصلو بيك

http://www.egypt.gov.eg/Services/ServicesDetails.aspx?section=citizens&ID=54253

[actronx]

شكرا محمد باشا

[TaoTao]

حضرتك ممكن تقدم شكوى لمرفق تنظيم الاتصالات رقمهم 155 من التليفون العادي (معلش حضرتك ممكن تتصل من الشغل) بياخدوا كل البيانات ويدولك رقم الخدمة اللي تتابع بيه معاهم
الرقم ده شغال من 9 صباحا ل 3 عصراً وممكن كمان تتقدم بالشكوى بمقر المرفق مباشرة (بالقرية الذكية)
ربنا يوفقك لحل هذه المشكلة

[TaoTao]

فيه حاجة كمان مهمة .. حضرتك سجل بدقة موعد انقطاع الخدمة وانقطعت لمدة كام يوم، وكمان شوف لما حد بيتصل بالنمرة المقطوعة بيسمع ايه، يعني بتجيله رسالة صوتية "هذا الرقم غير موجود بالخدمة" أو صوت صفارة متقطعة سريعة أو صوت "مشغول" لأن احتمال يكون الخط بيتسرق في الأعياد ويتعمل بيه مكالمات (لو مشتركين في الاتصال الدولي الموضوع ده بيحصل كتير)
لو الفاتورة جاتلكم فيها ارتفاع مش طبيعي .. تطلب كشف بالمكالمات وتشوف لو فيه مكالمات تمت في وقت انقطاع الخدمة لو حصل يبقى الموضوع سرقة رسمي

[جمال]

اعمل زيى
خد رقم الموبيل بتاع عامل التصليح لما يجيلك , واتصل بيه هيصلحه فورا , طبعا لازم تظبطه
انا مرة قولتله لما تعوز العيدية تعالى خدها من غير ما تبوظ الخط وفعلا حصل